പേടി വേണ്ട, നാളെയെക്കുറിച്ച്​ ചിന്തിക്കാം

ലോക്​ഡൗണിൽ, മുഖ്യമന്ത്രിയുടെ പതിവു വാർത്തസമ്മേളനത്തിൽ ഒരു ദിവസം, നവജാത ശിശുക്കളുടെ കുഞ്ഞുടുപ്പുകൾക്ക്​ നേ രിടുന്ന ക്ഷാമം അദ്ദേഹം ശ്രദ്ധയിൽപ്പെടുത്തി. കുഞ്ഞുങ്ങളുടെ വിഷയം പ്രധാനപ്പെട്ടതാണെങ്കിലും, ഇൗ ഉടുപ്പ്​ വിഷയത ്തിന്​ അപ്പോൾ​ ആരും ഗൗരവം കൊടുത്തില്ല. എന്നാൽ, ലോക്​ഡൗൺ കാലത്ത്​, സർക്കാർ ആശുപത്രിയിൽ പിറക്കുന്ന കുഞ്ഞുങ്ങ ൾക്ക്​ സൗജന്യ ഉടുപ്പ്​ വിതരണം ചെയ്യുമെന്ന ‘പോപീസ്’​ ബേബി കെയർ പ്രോഡ​ക്​ട്​സ്​ പ്രൈവറ്റ്​ ലിമിറ്റഡ്​, മാനേജിങ്​ ഡയറക്​ടർ ഷാജു തോമസി‍​​െൻറ പ്രഖ്യാപനത്തോടെ, കുഞ്ഞുടുപ്പ്​ ചെറിയ കാര്യമല്ലെന്ന്​ എല്ലാവർക്കും ബോധ്യമായി.

ഉടുപ്പുകൾ കുറഞ്ഞ വിലയ്​ക്ക്​ നൽകിയാൽ മതിയെന്ന്​ സർക്കാർ വ്യക്​തമാക്കിെയങ്കിലും സൗജന്യമായിത്തന്നെ നൽകാൻ ‘പോപീസ്​’ തീരുമാനിച്ചു. മൂന്നു ജോടി ഉടുപ്പ്​ അടങ്ങിയ 50,000 സെറ്റുകളാണ്​ വിതരണം ചെയ്യുക. സർക്കാറും പൊലീസും സഹായിക്കുന്നുണ്ടെങ്കിലും പലയിടത്തും എത്തിക്കാൻ തടസ്സമുണ്ട്. കാസർകോട്​ പോലുള്ളിടങ്ങളിലേക്ക്​ പോകാൻ വിതരണച്ചുമതലയുള്ളവർ മടിക്കുന്നു. അതു മറികടക്കാൻ താൻ ഉൾപ്പെടെയുള്ളവരാണ്​ വിതരണ ചുമതല നിർവഹിക്കുന്നതെന്ന്​ ഷാജു തോമസ്​ പറയുന്നു. ഏഴര ലക്ഷം മാസ്​കുകളും സൗജന്യമായി വിതരണം ചെയ്​തു.

ലോക്​ഡൗൺ കഴിഞ്ഞുള്ള നാളുകളെക്കുറിച്ച്​, പേടിയില്ലാതെ, നാളെയെക്കുറിച്ച്​ ചിന്തിക്കാം എന്നാണ്​ ഷാജു തോമസ് ഉറപ്പിച്ചു പറയുന്നത്​. ഉൽപാദനം മാത്രമേ, നിർത്തിയിട്ടുള്ളൂ. ഭാവിയിലേക്കുള്ള ചിന്ത സജീവമായി നടക്കുന്നുണ്ട്​. ഉയർന്ന തലത്തിലുള്ള ജീവനക്കാരുമായി ദിവസവും വിഡിയോ കോൺഫറൻസിലൂടെ ചർച്ച നടത്തുന്നുണ്ട്​​. ബംഗളൂരുവിലെ ഡിസൈനർമാർ വർക്ക്​ അറ്റ്​ ഹോമായി പ്രവർത്തിക്കുന്നുണ്ട്​. എല്ലാ പഞ്ചായത്തിലും ‘പോപീസ്’​ പോയൻറുകൾ സ്​ഥാപിക്കലാണ്​ ഭാവി പരിപാടികളിൽ പ്രധാനം. ജാഗ്രതയോടെ മുന്നോട്ടുപോയാൽ മൂന്നു മാസം കൊണ്ട്​ വലിയൊരളവിൽ അതിജീവിക്കാനാവുമെന്നതിൽ ഷാജു തോമസിന്​ ഉറപ്പുണ്ട്​.

തയാറാക്കിയത്​: അജിത്​ ശ്രീനിവാസൻ