ഇ-കോമേഴ്​സ്​ സേവനം വീണ്ടും തുടങ്ങാൻ കമ്പനികൾ; അവശ്യവസ്​തുക്കൾ അല്ലാത്തതിൽ അവ്യക്​തത

ന്യൂഡൽഹി: ഏപ്രിൽ 20ന്​ ശേഷം ലോക്​ഡൗണിൽ ഇളവ്​ നൽകുന്ന മേഖലകൾ കേന്ദ്രസർക്കാർ പ്രഖ്യാപി​ച്ചതോടെ സേവനം പുനഃരാര ംഭിക്കാനൊരുങ്ങി രാജ്യത്തെ ഇ-കോമേഴ്​സ്​ കമ്പനികൾ. ഇതുമായി ബന്ധപ്പെട്ട പുറത്തിറക്കിയ ഉത്തരവിൽ ഇ-കോമേഴ്​സ്​ കമ്പനികൾക്ക്​ പ്രവർത്തിക്കാമെന്ന്​ അറിയിച്ചിട്ടുണ്ട്​. പൂർണമായ തോതിലുള്ള പ്രവർത്തന അനുവദിക്കുമോ എന്ന കാര്യത്തിൽ വ്യക്​തതയില്ല. ഇതിൽ വ്യക്​തത വരുത്താനായി ആഭ്യന്തര മന്ത്രാലയത്തെ സമീപിക്കാനൊരുങ്ങുകയാണെന്ന്​ ഇ-കോമേഴ്​സ്​ കമ്പനികൾ അറിയിച്ചു.

ഇക്കാര്യത്തിൽ വ്യക്​തതക്കായി ഫിക്കി, നാസ്​കോം തുടങ്ങിയ സംഘടനകളേയും സമീപിച്ചിട്ടുണ്ട്​. ഇവർ വഴി കേന്ദ്രസർക്കാറിനെ സമീപിക്കാനാണ്​ ശ്രമം.

സർക്കാർ സേവനങ്ങൾക്കായി പ്രവർത്തിക്കുന്ന കാൾ സ​െൻറർ കമ്പനികൾ, കൊറിയർ സർവീസ്​, ഇ-കോമേഴ്​സ്​ കമ്പനികൾ എന്നിവക്ക്​ പ്രവർത്തിക്കാൻ അനുമതി നൽകുമെന്നാണ്​ ഇന്ന്​ പുറത്തിറക്കിയ ഉത്തരവിൽ പറയുന്നു. കോവിഡ്​ ഹോട്ട്​സ്​പോട്ട്​ അല്ലാത്ത പ്രദേശങ്ങളിലാണ്​ പ്രവർത്തനാനുമതി.