ഇലക്​ട്രോണിക്​ വിപണിയിൽ വരാനിരിക്കുന്നത്​ വിലക്കുറവി​െൻറ കാലം

കൊച്ചി: പരിഷ്​കരിച്ച ചരക്ക്​ സേവന നികുതി നിരക്കുകൾ ഒാണവിപണിയിൽ നേട്ടമാക്കാമെന്ന പ്രതീക്ഷയിൽ വ്യാപാരികൾ. ഇലക്​ട്രോണിക്​ ഉൽപന്നങ്ങളുടേത്​ ഉൾപ്പടെയുള്ളവയുടെ നികുതി കുറവ്​ ജി.എസ്​.ടി മുമ്പുണ്ടാക്കിയ നഷ്​ടം നികത്തുമെന്നാണ് വ്യാപാരികളുടെ​ പ്രതീക്ഷ. മുൻ വർഷങ്ങളിൽ ഉണ്ടായതിനെക്കാൾ കൂടുതൽ കച്ചവടം ഇൗ ഒാണക്കാലത്ത്​ ഉണ്ടാവുമെന്നാണ്​ കണക്കുകൂട്ടുന്നത്​.

ഒാണക്കാലത്താണ്​ കേരളത്തിൽ ഏറ്റവും കൂടുതൽ ഗൃഹോപകരണങ്ങളുടെ വിൽപന നടക്കുന്നത്​. ജി.എസ്​.ടി നിലവിൽ വന്നതിന്​ ശേഷം പല ഗൃഹോപകരണങ്ങൾക്കും വില വർധിച്ചിരുന്നു. ഇത്​ ഗൃഹോപകരണ വിൽപനയിൽ തിരിച്ചടിക്ക്​ കാരണമായിരുന്നു.  എന്നാൽ, ഇക്കുറി  27 ഇ​​ഞ്ചു​​വ​​രെ​​യു​​ള്ള ടെ​​ലി​​വി​​ഷ​​ൻ, വാ​​ഷി​​ങ്​ മെ​​ഷീ​​ൻ, വാ​​ക്വം ക്ലീ​​ന​​ർ, ഷേ​​വി​​ങ്​ ഉ​​പ​​ക​​ര​​ണ​​ങ്ങ​​ൾ, വാ​​ട്ട​​ർ ഹീ​​റ്റ​​ർ, ഇ​​ല​​ക്​​​ട്രി​​ക് ഇ​​സ്​​​തി​​രി​​പ്പെ​​ട്ടി എന്നിവയുടെ നികുതി 28ൽ നിന്ന്​ 18 ശതമാനമാക്കിയിരുന്നു. ഇതോടെ അഞ്ച്​ മുതൽ 10 ശതമാനം വരെ ഉൽപന്നങ്ങളുടെ വില കുറയുന്നതിനുള്ള സാഹചര്യമാണ്​ ഒരുങ്ങിയിരിക്കുന്നത്​. ഇത്​ ഒാണവിപണിയിലും പ്രതിഫലിക്കുമെന്നാണ്​ വ്യാപാരികൾക്കും പ്രതീക്ഷ.

അതേ സമയം, ജി.എസ്​.ടി കുറഞ്ഞതി​​െൻറ പശ്​ചാത്തലത്തിൽ ഉൽപന്നങ്ങൾക്ക്​ വില വർധിപ്പിക്കാൻ ചില കമ്പനികൾ നീക്കം നടത്തുന്നതായും ആക്ഷേപമുണ്ട്​. അങ്ങനെയെങ്കിൽ നികുതി കുറവി​​െൻറ ആനുകൂല്യം സാധരണക്കാർക്ക്​ ലഭ്യമാവില്ല. ഇത്​  വിൽപന നടത്തുന്ന വ്യാപാരികൾക്ക്​ തിരിച്ചടിയാകും.

വില കുറയുന്ന ഗൃഹോപകരണങ്ങൾ
റഫ്രിജറേറ്റർ
വാഷിങ്​ മിഷ്യൻ
വാക്വം ക്ലീനർ
വാട്ടർ ഹീറ്റർ
ഹെയർ ഡ്രയർ
ഇലക്​ട്രിക്​ അയൺ
68 സെ.മി വരെയു​ള്ള ടെലിവിഷനുകൾ