യെസ്​ ബാങ്ക്​ പ്രതിസന്ധി: മ്യൂച്വൽഫണ്ടുകളിലും വൻ ആഘാതം

മുംബൈ: സമാനതകളില്ലാത്ത പ്രതിസന്ധിയെയാണ്​ യെസ്​ ബാങ്ക്​ അഭിമുഖീകരിക്കുന്നത്​. ഇതി​​െൻറ പ്രതിഫലനം യെസ്​ ബാങ് കി​​െൻറ ഓഹരി വിലയിലും പ്രകടമാവുന്നുണ്ട്​. 50 ശതമാനം നഷ്​ടത്തോടെയാണ്​ യെസ്​ ബാങ്ക്​ ഓഹരികൾ വ്യാപാരം നടത്തുന് നത്​. എന്നാൽ, ഓഹരി നിക്ഷേപകരെ മാത്രമല്ല യെസ്​ ബാങ്കിലുണ്ടായ പ്രതിസന്ധി ബാധിക്കുകയെന്ന റിപ്പോർട്ടുകളാണ്​ ഇപ്പോൾ പുറത്ത്​ വരുന്നത്​. ഇന്ത്യയിലെ പ്രമുഖ മ്യൂച്വൽ ഫണ്ട്​ കമ്പനികൾക്കെല്ലാം യെസ്​ ബാങ്കിൽ നിക്ഷേപമുണ്ട്​. ഇതോടെ മ്യൂച്വൽ ഫണ്ട്​ വിപണിയേയും യെസ് ​ബാങ്കിലുണ്ടായ പ്രതിസന്ധി ബാധിക്കും.

എച്ച്​.ഡി.എഫ്​.സി അസറ്റ്​ മാനേജ്​മ​െൻറ്​, എസ്​.ബി.ഐ ഫണ്ട്​ മാനേജ്​മ​െൻറ്​, കോട്ടക്​-മഹീന്ദ്ര അസറ്റ്​ മാനേജ്​മ​െൻറ്​, നിപ്പോൺ ലൈഫ്​ ഇന്ത്യ അസറ്റ്​ മാനേജ്​മ​െൻറ്​ തുടങ്ങിയ കമ്പനികൾക്കെല്ലാം കൂടി 1.5 കോടി ഓഹരികൾ യെസ്​ ബാങ്കിലു​ണ്ടെന്നാണ്​ ജനുവരി 31ലെ കണക്കുകൾ.

ഫ്രാങ്ക്​ലിൻ ടെപ്​റ്റൻ അസറ്റ്​ മാനേജ്​മ​െൻറ്​, യു.ടി.ഐ അസറ്റ്​ മാനേജ്​മ​െൻറ്​, ഐ.സി.ഐ.സി.ഐ പ്രുഡൻഷ്യൽ അസറ്റ്​ മാനേജ്​മ​െൻറ്​, ക്വാൻറം അസറ്റ്​ മാനേജ്​മ​െൻറ്​ തുടങ്ങിയ കമ്പനികൾക്കെല്ലാം കൂടി യെസ്​ ബാങ്കിൽ 20-92 ലക്ഷം കോടി ഓഹരികളുമുണ്ട്​. വെള്ളിയാഴ്​ച ഉച്ചക്ക്​ 12.30ന്​ 58.56 ശതമാനം ന നഷ്​ടത്തോടെ 15.35 രൂപയിലാണ്​ യെസ്​ ബാങ്ക്​ വ്യാപാരം നടത്തുന്നത്​.