അരിപോലെ മീനും ഇതര നാട്ടിൽനിന്ന്​

മേലനങ്ങാതെ ഭക്ഷണം കഴിച്ചിരുന്നവരെ കളിയാക്കാൻ മു​െമ്പാക്കെ പറഞ്ഞുകേട്ടിരുന്ന ഒരു പഴഞ്ചൊല്ലുണ്ട്​; ‘പത്തായം പെറും, ചക്കി കുത്തും, അമ്മ വെക്കും, ഉണ്ണി ഉണ്ണും’^നെല്ല്​ പത്തായത്തിൽ താനേ ഉണ്ടാകുന്നതല്ലെന്നും കൃഷി ചെയ്​ത്​ ഉണ്ടാക്കുന്നതാണെന്നും പുതിയ തലമുറയെ പഠിപ്പിക്കാൻ മുൻ തലമുറയുണ്ടാക്കിയ ഒരു ചൊല്ല്​. എന്നാൽ, ഇന്ന്​ ഇൗ പഴഞ്ചൊല്ലും പതിരായിരിക്കുന്നു. പുതു ചൊല്ല്​ ഇങ്ങനെ: ആന്ധ്ര​യിൽനിന്ന്​ അരിവരും, തമിഴ്​നാട്ടിൽനിന്ന്​ പച്ചക്കറി വരും, മഹാരാഷ്​ട്രയിൽനിന്ന്​ ഉള്ളിയും മുളകും വരും, കർണാടകയിൽനിന്ന്​ മീനും വരും, മലയാളി ഉൗണുകഴിക്കും. അരിക്കും പച്ചക്കറിക്കും ഉപ്പിനും മുളകിനുമൊക്കെ പിന്നാലെ മീനി​െൻറ കാര്യത്തിലും കേരളം പരാശ്രയ സംസ്​ഥാനമായിരിക്കുന്നു എന്ന്​ ചുരുക്കം.

നേരത്തേ, സംസ്​ഥാനത്തി​െൻറ പ്രധാന കയറ്റുമതി വരുമാനം മത്സ്യമേഖലയിൽനിന്നായിരുന്നുവെങ്കിൽ, ഇപ്പോൾ മലയാളി കഴിക്കുന്ന മീനി​െൻറ പകുതിയും വരുന്നത്​ ഇതര സംസ്​ഥാനങ്ങളിൽനിന്നായി മാറിയിരിക്കുന്നു എന്നാണ്​ പഠന റി​പ്പോർട്ട്​. കൊച്ചി ആസ്ഥാനമായ കേന്ദ്ര സമുദ്രമത്സ്യ ഗവേഷണ സ്ഥാപനം (സി.എം.എഫ്.ആർ.ഐ) നടത്തിയ പഠനത്തിലാണ്​ കേരളം മീനി​െൻറ കാര്യത്തിലും സ്വയംപര്യാപ്​തമല്ലാതായി എന്ന്​ വ്യക്​തമായത്​. 
മറുനാടൻ മീൻ 
മറുനാടൻ തൊഴിലാളികൾ വന്നിറങ്ങുന്നതുപോലെ കേരളത്തിലേക്ക്​ ദിവസവും മറുനാടൻ മീനും വന്നെത്തുകയാണ്. 
പ്രതിദിനം ശരാശരി 2000 മുതൽ 2500 വരെ ടണാണ് സംസ്​ഥാനത്തെ മത്സ്യ ഉപഭോഗം. ഇതിൽ സാധാരണ മാസങ്ങളിൽ 1000-1200 ടൺ മത്സ്യംവരെ ഇതര സംസ്ഥാനങ്ങളി നിന്നാണെത്തുന്നത്. സംസ്​ഥാനത്തെ തീരക്കടലിൽ മീൻ കുറവ്​ കാണുന്ന ജനുവരി മുതൽ മാർച്ച്​ വരെ മാസങ്ങളിൽ ഇവിടെ വിറ്റഴിയുന്ന 60 ശതമാനം മത്സ്യവും പുറം സംസ്ഥാനങ്ങളിൽനിന്നാണ് വരുന്നതെന്നും പഠനം ചൂണ്ടിക്കാട്ടുന്നു. കർണാടക, തമിഴ്​നാട്, ഗോവ, ആന്ധ്രപ്രദേശ്, ഗുജറാത്ത്, മഹാരാഷ്​​ട്ര, ഒഡിഷ സംസ്ഥാനങ്ങളിൽ നിന്നാണ് കേരളത്തിലേക്ക്​ മീൻ  എത്തുന്നത്. 2035ഓടെ 50 ശതമാനം മത്സ്യവും ഇതര സംസ്ഥാനത്തുനിന്ന്​ എത്തേണ്ട സ്ഥിതിയിലേക്ക് കേരളമെത്തുമെന്നാണ്​ മുന്നറിയിപ്പ്​. 

കർണാടകയിൽനിന്നാണ് കേരളത്തിലേക്ക് ഏറ്റവും കൂടുതൽ മീൻ വരുന്നത്. പുറത്തുനിന്ന്​ സംസ്​ഥാനത്തേക്ക്​ വരുന്ന മൊത്തം മത്സ്യത്തി​െൻറ 22 ശതമാനവും കർണാടകയിൽനിന്നാണ്​ ^പ്രതിദിനം ശരാശരി 153 ടൺ മത്സ്യം. തൊട്ടുപിന്നിലായി തമിഴ്‌നാട്, ആന്ധ്രപ്രദേശ് സംസ്ഥാനങ്ങളുമുണ്ട്​. 
കേരളീയരുടെ പ്രിയ മത്സ്യമായ മത്തിയാണ് അയൽ സംസ്ഥാനങ്ങളിൽനിന്ന് ഏറ്റവും കൂടുതൽ എത്തുന്നത്. അതും തമിഴ്​നാട്​ മത്തി. തമിഴ്​നാട്​ കഴിഞ്ഞാൽ, കർണാടകയിൽനിന്നാണ് കൂടുതലായി മത്തി വരുന്നത്. അയൽസംസ്​ഥാനങ്ങളിൽനിന്നെത്തുന്ന മത്സ്യത്തി​െൻറ അളവ്​ ദിനംപ്രതി വർധിച്ചുവരുന്നുമുണ്ട്​. 

തൽക്കാലം ലാഭം; പക്ഷേ,

അയൽ സംസ്​ഥാനങ്ങളിൽനിന്ന്​ വൻതോതിൽ മീനെത്തുന്നത്​ സാധാരണക്കാർക്ക്​ തൽക്കാലം ലാഭമാണ്​; വില കുറയും. പക്ഷേ, ദീർഘകാലാടിസ്​ഥാനത്തിൽ ഇത്​ സംസ്​ഥാനത്തി​െൻറ സമ്പദ്​ രംഗത്തെയും തൊഴിൽ സാധ്യതകളെയും പ്രതികൂലമായി ബാധിക്കും. 
ഇതര സംസ്​ഥാനങ്ങളിൽനിന്ന്​മീൻ വരവ്​ വർധിച്ചതോടെ മൽസ്യവില കുറഞ്ഞു എന്നതാണ്​ താൽക്കാലിക നേട്ടം. 2015നെ അപേക്ഷിച്ച്​ കഴിഞ്ഞ വർഷം കേരളത്തിൽ മത്സ്യവില 20 ശതമാനംവരെ കുറ​െഞ്ഞന്നാണ്​ കണക്ക്​. 
2014നെ അപേക്ഷിച്ച്​ 2015ൽ മത്സ്യവില 35 ശതമാനം വർധിച്ച സ്​ഥാനത്തുനിന്നാണ്​ ഇൗകുറയൽ എന്നതാണ്​ പ്രത്യേകത. മത്തി, അയല, കൊഴുവ, ശീലാവ്, കിളിമീൻ എന്നിവയുടെ വില മൊത്തത്തിൽ 20.7 ശതമാനം കുറഞ്ഞു. അയലയുടെ വിലയിൽ 30.6 ശതമാനത്തി​െൻറ കുറവാണുണ്ടായത്​. 
മത്സ്യവില ഗണ്യമായി കുറയുന്നത് മത്സ്യത്തൊഴിലാളികളെ സാരമായി ബാധിക്കും. പിടിച്ചുകൊണ്ടുവരുന്ന മത്സ്യത്തിന്​ വില ലഭിക്കില്ലെന്ന്​ കാണുന്നതോടെ മത്സ്യത്തൊഴിലാളികൾ കടലിൽപോകാൻ മടിക്കും. ഇത്​ തൊഴിൽ രംഗത്തെ ബാധിക്കും. മാത്രമല്ല, ആഭ്യന്തര രംഗത്ത്​ വിറ്റഴിക്കപ്പെടുന്ന മത്സ്യത്തിൽ അധികവും  ഇതര സംസ്​ഥാനങ്ങളിൽനിന്നാകുന്നതോടെ കേരളത്തി​െൻറ സമ്പത്ത്​ മത്സ്യവിലയുടെ രൂപത്തിൽ മറ്റു​ സംസ്​ഥാനങ്ങളിലേക്ക്​ ഒഴുകുകയും​ ചെയ്യും. 

കേരളത്തിലെ വിപണികളിൽ ​ൈകമാറ്റം ചെയ്യപ്പെടേണ്ട പണമാണ്​ ഇങ്ങനെ ഇതര സംസ്​ഥാനങ്ങളിലേക്ക്​ ഒഴുകുന്നത്​ എന്നത്​ വാണിജ്യ രംഗത്തെയും ബാധിക്കും.

സർക്കാറിനുമുണ്ട്​ ബാധ്യത

കടലിൽനിന്നുള്ള മീൻ ലഭ്യതക്കുറവിൽ സർക്കാറിന്​ എന്ത്​ കാര്യമെന്ന്​ ചോദ്യമുയരാം. രണ്ട്​ വധത്തിലാണ്​ സർക്കാറി​െൻറ ഇടപെടൽ വേണ്ടത്​. ഇതര സംസ്​ഥാനങ്ങളിൽനിന്ന്​ കേരളത്തിലേക്ക്​ കൊണ്ടുവരുന്ന മത്സ്യങ്ങളുടെ ഗുണനിലവാരം ഉറപ്പുവരുത്തുക എന്നതാണ്​ പ്രധാനം. 
നൂറുകണക്കിന്​ കിലോമീറ്റർ അകലെനിന്ന്​ കൊണ്ടുവരുന്ന മത്സ്യം കൂടുതൽ സമയം കേടുവരാതെ സൂക്ഷിക്കുന്നതിനായി മാരകമായ രാസപദാർഥങ്ങളാണ്​ഉപയോഗിക്കുന്നത്​. ഇത്​ ഗുരുതര ആരോഗ്യ പ്രശ്​നങ്ങളുണ്ടാക്കും. അതിനാൽ, ദോഷകരമായ രാസവസ്​തുക്കൾ പ്രയോഗിച്ചിട്ടുണ്ടോ