സമ്പദ്​വ്യവസ്ഥ തിരിച്ചു വരുന്നു; കാർഷിക മേഖലയിൽ വളർച്ചയെന്ന്​ നിർമല സീതാരാമൻ 

ന്യൂഡൽഹി: രാജ്യത്തെ സമ്പദ്​വ്യവസ്ഥ തിരിച്ചു വരവിൻെറ പാതയിലേക്ക്​ കയറിയെന്ന്​ ധനമന്ത്രി നിർമല സീതാരാമൻ. കാർഷിക മേഖലയിൽ വളർച്ചയുണ്ടായെന്നും നിർമല സീതാരാമൻ പറഞ്ഞു.

വൈദ്യുതി-എണ്ണ ഉപയോഗം, സംസ്ഥാനങ്ങൾക്ക്​ അകത്തും പുറത്തുമുള്ള ഗതാഗതം, പി.എം.ഐ ഡാറ്റ, റിടെയിൽ സാമ്പത്തിക ഇടപാടുകൾ എന്നിവ അടിസ്ഥാനമാക്കിയാണ്​ ധനമന്ത്രിയുടെ വിലയിരുത്തൽ. ഇന്ത്യൻ ജി.ഡി.പിയുടെ 10 ശതമാനമാണ്​ ഉത്തേജന പാക്കേജായി പ്രഖ്യാപിച്ചത്​. സമ്പദ്​വ്യവസ്ഥയിൽ വേണമെങ്കിൽ ഇനിയും ഇടപെടുമെന്നും നിർമല സീതാരാമൻ കൂട്ടിച്ചേർത്തു. 

നേരത്തെ പ്രധാനമന്ത്രി നരേന്ദ്രമോദിയും ഇന്ത്യൻ സമ്പദ്​വ്യവസ്ഥ തിരിച്ചു വരവി​ൻെറ പാതയിലാണെന്ന്​ വ്യക്​തമാക്കിയിരുന്നു.