ഇന്ത്യയിലെ വളർച്ചാ നിരക്കിലെ കുറവ്​ താൽക്കാലികം -ഐ.എം.എഫ്​

ദാവോസ്​: ഇന്ത്യയിലെ വളർച്ചാ നിരക്കിലെ കുറവ്​ താൽക്കാലികം മാത്രമാണെന്ന്​ ഐ.എം.എഫ്​ മേധാവി ക്രിസ്​റ്റലീന ജോ ർജിയേവ. ​ഭാവിയിൽ ഇന്ത്യൻ സമ്പദ്​വ്യവസ്ഥ മെച്ചപ്പെടുമെന്നാണ്​ പ്രതീക്ഷയെന്നും ക്രിസ്​റ്റലീന പറഞ്ഞു.

സ്വി റ്റ്​സർലാൻഡിലെ ദാവോസിൽ നടക്കുന്ന ലോക സാമ്പത്തിക ഫോറത്തി​​െൻറ സമ്മേളനത്തിലാണ്​ അവരുടെ പരാമർശം. ആഗോള സമ്പദ്​വ്യവസ്ഥയെ സംബന്ധിച്ചടുത്തോളം 2019നേക്കാളും മെച്ചപ്പെട്ട വർഷമായിരിക്കും 2020 എന്നും അവർ പറഞ്ഞു. യു.എസ്​-ചൈന വ്യാപാര യുദ്ധം അയയുന്നതും നികുതി കുറഞ്ഞതും ആഗോള സമ്പദ്​വ്യവസ്ഥയെ സ്വാധീനിക്കുമെന്നും ക്രിസ്​ലീന കൂട്ടിച്ചേർത്തു.

അതേസമയം, 3.3 ശതമാനമെന്ന വളർച്ച നിരക്ക്​ ആഗോള സമ്പദ്​വ്യവസ്ഥയെ സംബന്ധിച്ച്​ ഒട്ടും ഗുണകരമല്ലെന്നും അവർ വിലയിരുത്തി. ഘടനാപരമായ മാറ്റങ്ങൾ വിവിധ സമ്പദ്​വ്യവസ്ഥകളിൽ ആവശ്യമാണെന്ന്​ ക്രിസ്​റ്റലീന ജോർജിയേവ വ്യക്​തമാക്കി.