ജി.എസ്​.ടി: നോട്ട്​ നിരോധനത്തിന്​ ശേഷമുള്ള മോദിയുടെ ചൂതാട്ടം

ന്യൂഡൽഹി: നോട്ട്​ നിരോധനത്തിന്​ ശേഷം മറ്റൊരു ചൂതാട്ടത്തിന്​ തയാറെടുത്തിരിക്കുകയാണ് ജി.എസ്​.ടിയിലൂടെ​ നരേന്ദ്ര മോദിയും ബി.ജെ.പി സർക്കാറും. ലോക്​സഭ തെര​ഞ്ഞെടുപ്പിന്​ മാസങ്ങൾ മാത്രം ശേഷിക്കെ ജി.എസ്​.ടി പ്രഖ്യാപനത്തിലൂടെ രാഷ്​ട്രീയമായി മുന്നിലെത്താമെന്നാണ്​ മോദിയും എൻ.ഡി.എ മുന്നിലും  കണക്കാക്കുന്നത്​. അപൂർവമായി മാത്രമാണ്​ ​ അർധരാത്രി പാർലമ​​െൻറിൽ പ്രത്യേക സമ്മേളനം നടത്തുന്നത്​​. ജി.എസ്​.ടി സമ്മേളനം ഇത്തരത്തിൽ നടത്തിയതിന്​ കാരണം പ്രഖ്യാപനം ചരിത്ര സംഭവമാക്കണമെന്ന മോദിയുടെ നിർബന്ധ ബുദ്ധിയാണെന്നാണ്​​ സൂചന. എന്നാൽ കേവലം രാഷ്​ട്രീയ ലക്ഷ്യങ്ങൾക്കപ്പുറം ജി.എസ്​.ടി നടപ്പിലാക്കുന്നതിന്​ മുമ്പായി സാമ്പത്തിക രംഗത്ത്​ എത്രത്തോളം മുന്നൊരുക്കം കേന്ദ്രസർക്കാർ നടത്തിയെന്നത്​ പ്രധാനമാണ്​. ഇക്കാര്യത്തിലാണ്​ മോദി സർക്കാറി​​​െൻറ ഇരട്ടത്താപ്പ്​ പ്രകടമാകുന്നത്​.

സമഗ്രമായ പരിഷ്​കാരം നിലവിൽ വരു​​േമ്പാൾ ആവശ്യമായ മുന്നൊരുക്കം ജി.എസ്​.ടിക്ക്​ മുമ്പ്​ സർക്കാർ നടത്തിയില്ലെന്നത്​ വ്യക്​തമാണ്​.​ ചെറുകിട വ്യാപാരികളിലും രാജ്യത്തെ ബഹുഭൂരിപക്ഷം സാധാരണക്കാരിലും നിലനിൽക്കുന്ന ആശങ്ക ഇതി​​​െൻറ തെളിവാണ്​. നിലവിൽ വന്നതിന്​ ശേഷവും സമ്പദ്​വ്യവസ്ഥയിൽ എന്ത്​ പ്രത്യാഘാതമാണ്​ ജി.എസ്​.ടി ഉണ്ടാക്കുക എന്നത്​ സംബന്ധിച്ച്​  ആശങ്കകൾ എല്ലാവരിലും ഇപ്പോഴും നിലനിൽക്കുന്നുണ്ട്​.

പുതിയ നികുതി ഘടനയിൽ അക്കൗണ്ടിങ്​ സ​മ്പ്രദായത്തിലുൾപ്പടെ സമഗ്രമായ മാറ്റങ്ങൾക്ക്​ വ്യാപരികൾ വിധേയമാ​കേണ്ടി വരും. ജി.എസ്​.ടിയിൽ ചെക്​പോസ്​റ്റുകൾ ഉണ്ടാവില്ല. പകരം ഏർപ്പെടുത്തിയിരിക്കുന്ന ഇ–വേ ബില്ലിങി​​​െൻറ നടപടി ക്രമങ്ങളും പൂർണമായും പൂർത്തിയായിട്ടില്ല. ഇത്​ മൂലം ചെക്​പോസ്​റ്റുകൾ തൽക്കാലത്തേക്ക്​ ഒഴി​വാക്കേണ്ടെന്നാണ്​ കേരളം ഉൾപ്പടെയുള്ള സംസ്ഥാനങ്ങളുടെ നിലപാട്​. ജി.എസ്​.ടി നിലവിൽ വരു​േമ്പാൾ പല ഉൽപന്നങ്ങൾക്കും വില കുറയുമെന്നാണ്​ പ്രതീക്ഷിക്കുന്നത്​. എന്നാൽ ഇതിന്​ കോർപ്പറേറ്റുകൾ കൂടി മനസ്സുവെക്കണം. വിലക്കുറവ്​ യാഥാർഥ്യമാവും എന്നത്​ കണ്ടറിയണം.

നോട്ട്​ നിരോധനത്തിന്​ സമാനമാവും ജി.എസ്​.ടി നിലവിൽ വന്നതിന്​ ശേഷമുള്ള ആദ്യഘട്ടങ്ങളിൽ സമ്പദ്​വ്യവസ്ഥ എന്നാണ്​ സൂചന. ​നോട്ട്​ നിരോധനം മൂലം സമ്പദ്​വ്യവസ്ഥയിലുണ്ടായ പ്രശ്​നങ്ങൾക്ക്​ ഇതുവരെയായിട്ടും പരിഹാരമായിട്ടില്ല. ജി.എസ്​.ടി വീണ്ടും സമ്പദ്​വ്യവസ്ഥ തിരിച്ചടിയുണ്ടാക്കിയാൽ അത്​ കടുത്ത പ്രതിസന്ധിയാകും രാജ്യത്ത്​ സൃഷ്​ടിക്കുക.