ജി.എസ്​.ടി ഉയർത്താൻ നീക്കം; വരാനിരിക്കുന്നത്​ വിലക്കയറ്റം

ന്യൂഡൽഹി: ജി.എസ്​.ടി നിരക്കുകൾ ഉയർത്താൻ കേന്ദ്രസർക്കാർ നീക്കം നടത്തുന്നതായി റിപ്പോർട്ട്​. നിലവിലുള്ള അഞ്ച്​ ശതമാനത്തിൽ നിന്ന്​ 10 ശതമാനം വരെയാക്കി നിരക്കുകൾ ഉയർത്താനാണ്​ ആലോചന. 12 ശതമാനം സ്ലാബിൽ ഉൾപ്പെടുന്ന 243 ഉൽപന്നങ്ങളെ 18ലേക്ക്​ മാറ്റാനും നീക്കമുണ്ട്​​. ഒരു ലക്ഷം കോടിയുടെ അധിക വരുമാനമാണ്​ ഇതിലൂടെ കേന്ദ്രസർക്കാർ ലക്ഷ്യം വെക്കുന്നത്​.

ആഢംബര ആശുപത്രികളിലെ ചികിൽസ, 1000 രൂപക്ക്​ താഴെയുള്ള ഹോട്ടൽ മുറി, കരാർ അടിസ്ഥാനത്തിൽ വാടകക്കെടുക്കുന്ന വീടുകൾ എന്നിവക്ക്​ ജി.എസ്​.ടി ചുമത്തുമെന്നും റിപ്പോർട്ടുകളുണ്ട്​. ഇക്കാര്യത്തിൽ കേന്ദ്ര-സംസ്ഥാന സർക്കാറുകൾ ചർച്ചകൾ നടത്തുകയാണ്​.

രാജ്യത്ത്​ സാമ്പത്തിക പ്രതിസന്ധി രൂക്ഷമായതോടെ ജി.എസ്​.ടി വരവിൽ ഇടിവുണ്ടായിട്ടുണ്ട്​. ഇതുമൂലം സംസ്ഥാനങ്ങൾക്ക്​ നഷ്​ടപരിഹാരം പോലും നൽകാൻ സാധിക്കാത്ത സ്ഥിതിയിലാണ്​ കേന്ദ്രസർക്കാറുള്ളത്​. ഇതിന്​ മറികടക്കുകയാണ്​ നിരക്ക്​ വർധനയിലൂടെ ലക്ഷ്യമിടുന്നത്​.