ജി.എസ്​.ടിയിലെ ടൂറിസം ​

ജൂലൈ ഒന്നു മുതൽ പ്രാബല്യത്തിൽ വരുന്ന കേന്ദ്ര സർക്കാറി​​​െൻറ ചരക്കു സേവന നികുതി (ജി.എസ്​.ടി) വിനോദസഞ്ചാര മേഖലക്ക്​ എത്രമാത്രം ഗുണകരമാവും. രാജ്യമാകെ ഒരൊറ്റ നികുതിഘടനയെന്ന സങ്കൽപ്പം പൊതുവെ അംഗീകരിക്കപ്പെടുന്നുവെങ്കിലും വിനോദ സഞ്ചാര മേഖലക്ക്​ തിരിച്ചടിയാവുമെന്നാണ്​ ആശങ്ക. ടൂറിസ്​റ്റുകൾക്ക്​ താമസിക്കാനുള്ള മുറിയും കഴിക്കാനുള്ള ഭക്ഷണവും ചെലവേറിയതാകുമെന്നാണ്​ ഇത്തരമൊരാശങ്കക്ക്​ അടിസ്​ഥാനം. ഇതിനുള്ള കാരണങ്ങളും ബന്ധപ്പെട്ടവർ നിരത്തുന്നു. ചെലവേറുന്നതിനാൽ വിദേശ ടൂറിസ്​റ്റുകൾ ഇന്ത്യയിൽനിന്ന്​ അകറ്റാൻ ഇടയാക്കുമെന്നാണ്​ ഹോട്ടൽ ആൻഡ്​ റസ്​റ്ററൻറ്​ മേഖലയിലെ വിവിധ സംഘടനകളുടെ കണക്കുകൂട്ടൽ. 

നികുതി കുറക്കണമെന്ന്​ ആവശ്യപ്പെട്ട്​ കേന്ദ്ര ധനമന്ത്രി അരുൺ ജെയ്​റ്റ്​ലി, ടൂറിസം മന്ത്രി മഹേഷ്​ ശർമ എന്നിവരെ സംഘടനാ പ്രതിനിധികൾ ഇതിനകം കണ്ട്​ കാര്യങ്ങൾ ധരിപ്പിച്ചു. ധനമന്ത്രിയുടെ അധ്യക്ഷതയിൽ ഞായറാഴ്​ച ചേർന്ന 16ാം ജി.എസ്​.ടി കൗൺസിൽ യോഗത്തിൽ 66 ഇനങ്ങളുടെ നികുതി കുറച്ചു. ജൂൺ 18നാണ്​ അടുത്ത കൗൺസിൽ യോഗം. ഇൗ യോഗത്തിൽ പരിഗണിക്കുമോയെന്നും ഇവർ പ്രതീക്ഷിക്കുന്നു.

നാലുതരം നികുതി ഘടനയാണ്​ ജി.എസ്​.ടിയിലുള്ളത്​. 5, 12, 18, 28ശതമാനം എന്ന കണക്കിലാണ്​ ഇൗ നികുതി ഘടന​. പഞ്ചനക്ഷത്ര ഹോട്ടലുകൾക്ക്​ 28ശതമാനമാണ്​ ജി.എസ്​.ടിയിലെ നികുതി​. മദ്യം വിളമ്പാൻ ലൈസൻസുള്ള എ.സി റസ്​റ്ററൻറുകൾക്ക്​ 18 ശതമാനവും ​നോൺ എ.സി ഹോട്ടലുകൾക്ക്​ 12ഉം ശതമാനം നികുതിയാണ്​ കണക്കാക്കിയത്​. ​േഹാട്ടലുകളിൽ പ്രതിദിനം ആയിരം രൂപവരെയുള്ള മുറിവാടക്ക്​ നികുതിയില്ല. 1000മുതൽ 2500വരെയുള്ള മുറിക്ക്​ 12ഉം 2500മുതൽ 5000വരെ പ്രതിദിന വാടകയുള്ളതിന്​ 18 ഉം 5000മുതൽ മുകളിലോട്ട്​ 28ശതമാനവുമാണ്​ ജി.എസ്​.ടി കൗൺസിൽ തീരുമാനം.

ലോകത്തെ വിനോദ സഞ്ചാര കേന്ദ്രങ്ങൾ ഏറെയുള്ള സിങ്കപ്പൂർ, മ്യാൻമർ, തായ്​ലൻറ്​, ഇന്തോന്വേഷ്യ തുടങ്ങിയ രാഷ്​​ട്രങ്ങളിൽ അഞ്ചു മുതൽ 10ശതമാനം വരെയാണ്​ സമാന മേഖലയിലെ നികുതി. ഇന്ത്യയിൽ ഇത്രയും വലിയ നികുതി ഏർപ്പെടുത്തുന്നതോടെ വിദേശ ടൂറിസ്​റ്റുകൾ ഇന്ത്യയെ തഴയാൻ ഇടയാക്കുമെന്ന്​ ഇവർ ഉറപ്പിച്ചു പറയുന്നു.. അന്താരാഷ്​ട്ര കോൺഫറൻസുകൾ ഉൾപ്പടെയുള്ള പരിപാടികൾക്ക്​ ആഴ്​ചകളാണ്​ ടൂറിസ്​റ്റുകൾ കേരളം ഉൾപ്പടെയുള്ള സംസ്​ഥാനങ്ങളിൽ എത്തുന്നത്​. 

സംസ്​ഥാന​ത്തെ സമ്പദ്​ ഘടനയിലും പുതിയ നികുതി ഘടന കാര്യമായ തിരിച്ചടിയുണ്ടാക്കുമെന്നാണ്​ ടൂറിസം മേഖലയിലുള്ളവർ പറയുന്നത്​. സംസ്​ഥാനത്തി​​​െൻറ സമ്പദ്​ഘടനയെ നിയന്ത്രിക്കുന്നതിൽ മുഖ്യപങ്ക്​ ടൂറിസം മേഖലക്കുണ്ട്​. ടൂറിസം മേഖ​ലയെ പരിപോഷിപ്പിക്കുന്ന ഒ​േട്ടറെ പദ്ധതികളും സംസ്​ഥാനം ലക്ഷ്യമിടുന്നു. വലിയ ഭാവിയാണ്​ ഇൗ മേഖലയിൽ സർക്കാർ പ്രതീക്ഷിക്കുന്നത്​. 

സംസ്​ഥാനങ്ങൾക്ക്​ നികുതി നിശ്​ചയിക്കാൻ കഴിയില്ലെന്നതാണ്​ ജി.എസ്​.ടി സ​മ്പ്രദായം വരുന്നതുകൊണ്ടുള്ള ഏറ്റവും വലിയ പ്രയാസമെന്ന്​ സംസ്​ഥാന ആസൂത്രണ കമ്മീഷൻ അംഗം ഡോ. കെ.എൻ. ഹരിലാൽ പറഞ്ഞു. പുതിയ വ്യവസായ മേഖലയെ പ്രോൽസാഹിപ്പിക്കാൻ നികുതിയിളവ്​ നൽകാനുള്ള സംസ്​ഥാനങ്ങളുടെ അധികാരം ഇതോടെ ഇല്ലാതാവും. ജി.എസ്​.ടിയിലെ നികുതി ഘടനയെ കുറിച്ച്​ കൃത്യമായ വിവരങ്ങൾ ഇനിയും ലഭിക്കാനുണ്ടെന്നും അദ്ദേഹം വ്യക്​തമാക്കുന്നു.