പ്രതിഷേധം ഫലിച്ചു; ഗുജറാത്തിലെ കർഷകർക്കെതിരായ കേസ്​ പെപ്​സികോ പിൻവലിക്കുന്നു

ന്യൂഡൽഹി: ഗുജറാത്തിലെ ഉരുളകിഴങ്ങ്​ കർഷകർക്കെതിരെ നൽകിയ കേസ് പെപ്​സികോ​ പിൻവലിക്കുന്നു. സാമൂഹിക മാധ്യമങ്ങളിലുൾപ്പടെ ബോയ്​കോട്ട്​ പെപ്​സികോ കാമ്പയിൻ വ്യാപകമായതിനെ തുടർന്നാണ്​ കമ്പനി കേസ്​ പിൻവലിക്കാൻ നിർബന്ധിതരായത്​. കേസ്​ പിൻവലിക്കുന്ന വിവരം കമ്പനി വക്​താവ്​ ഔദ്യോഗികമായി അറിയിച്ചു. സർക്കാറുമായി നടത്തിയ ചർച്ചകൾക്കൊടുവിലാണ്​ കേസ്​ പിൻവലിക്കുന്നതെന്ന്​ പെപ്​സികോ വ്യക്​തമാക്കിയിട്ടുണ്ട്.

ഗുജറാത്തി​െല കർഷകരോട്​ 20 ലക്ഷം മുതൽ 1.08 കോടി രൂപ വരെ നഷ്​ടപരിഹാരം ആവശ്യപ്പെട്ടാണ്​ പെപ്​സികോ കേസ്​ നൽകിയത്​. ​പെപ്​സികോയുടെ ലേയ്​സിൽ ഉപയോഗിക്കുന്ന തരം ഉരുളക്കിഴങ്ങ്​ കൃഷി ചെയ്​തുവെന്ന്​ ആരോപിച്ചായിരുന്നു കേസ്​. എന്നാൽ, പെപ്​സികോയുടെ നടപടിക്കെതിരെ കടുത്ത പ്രതിഷേധം ഉയരുകയായിരുന്നു.

കേസ്​ നൽകിയ നടപടി വിവാദമായ​തോടെ പെപ്​സികോയുടെ ന്യൂയാർക്കിലെ ആസ്ഥാനത്തും ആശങ്കയുർന്നിരുന്നു. ദുബൈയിലുള്ള കമ്പനിയുടെ ഏഷ്യ-പസഫിക്​ ഓഫീസിനോട്​ വിഷയത്തിൽ ഇടപ്പെടാനും ന്യൂയോർക്കിലെ ആസ്ഥാനത്ത്​ നിന്ന്​ നിർദേശമുണ്ടായിരുന്നു.