ആദായ നികുതി പരിധിയിൽ ഇളവ് 

ന്യൂഡൽഹി: ആദായ നികുതി പരിധിയിൽ മാറ്റം വരുത്താതെ ഘടനയിൽ മാറ്റം വരുത്തിയതാണ്​ കേന്ദ്രബജറ്റിലെ ശ്രദ്ധേയമായ നിർദേശം. ഇളവ് കഴിച്ച് മൂന്ന്​ ലക്ഷം രൂപവരെ വരുമാനമുള്ളവർക്ക്​ ആദായ നികുതിയില്ല. 

2.5 ലക്ഷം മുതൽ അഞ്ച്​ ലക്ഷം വ​െര വരുമാനമുള്ളവർക്ക്​ അഞ്ച്​ ശതമാനം നികുതി. നേരത്തെ 10 ശതമാനമായിരുന്നു ഇത്​. ഇതുവഴി ലഭിക്കുന്ന 12,500 രൂപയുടെ ആനുകൂല്യം അഞ്ച് ലക്ഷത്തിൽ മുകളിൽ വരുമാനമുള്ളവർക്കും ലഭിക്കും. 

അമ്പത്​ ലക്ഷം മുതൽ ഒരു കോടി വരെ 10 ശതമാനം സർചാർജും ഒരു കോടിക്ക്​ മുകളിൽ  15 ശതമാനം സർചാർജും ബജറ്റിൽ അരുൺ ജെയ്റ്റ്ലി ഏർപ്പെടുത്തി.

അതേസമയം, 2.5 ലക്ഷം എന്ന ആദായ നികുതി പരിധിയിൽ മാറ്റം വരുത്തിയിട്ടില്ല. ഇത് നാലു ലക്ഷം രൂപവരെ ഉയർത്തുമെന്ന് വാർത്തകൾ വന്നിരുന്നു.