യു.എസ്​ സമർദം: ഇറാനിൽ നിന്നുള്ള എണ്ണ ഇറക്കുമതി ഇന്ത്യ നിർത്തിയേക്കും

ന്യൂഡൽഹി: സമർദ്ദങ്ങൾക്ക്​ വഴങ്ങി ഇറാനിൽ നിന്നുള്ള അസംസ്​കൃത എണ്ണ ഇറക്കുമതി ഇന്ത്യ നിർത്തിയേക്കുമെന്ന്​ റിപ്പോർട്ട്​. ഇറക്കുമതി റദ്ദാക്കാൻ അമേരിക്കയിൽ നിന്ന്​ സമർദമുയരുന്നതിനിടെയാണ്​ കേന്ദ്രസർക്കാർ ഇത്തരമൊരു തീരുമാനമെടുത്തേക്കുമെന്ന​ സൂചന പുറത്ത്​ വരുന്നത്​. ഇന്ത്യൻ വ്യാപാരരംഗത്ത്​ പ്രവർത്തിക്കുന്ന രണ്ട്​ പേരെ ഉദ്ധരിച്ച്​ ദേശീയ മാധ്യമങ്ങളാണ്​ റിപ്പോർട്ട്​ ചെയ്​തിരിക്കുന്നത്​.

അതേ സമയം, യു.എസി​​​െൻറ ഏകപക്ഷീയ നിലപാടുകളോട്​ അനുകൂലമായി പ്രതികരിക്കേണ്ടെന്നാണ്​ വിദേശകാര്യമന്ത്രി സുഷമ സ്വരാജി​​െൻറ നിലപാട്​. എന്നാൽ നിലവിലെ സാഹചര്യത്തിൽ യു.എസിനോട്​ ഇന്ത്യ വഴങ്ങേണ്ടി വരുമെന്നാണ്​ സാമ്പത്തിക വിദഗ്​ധർ നൽകുന്ന സൂചന. ഇറാനിൽ നിന്നുള്ള എണ്ണ ഇറക്കുമതി അവസാനിപ്പിക്കുന്നത്​ ചർച്ച ചെയ്യാൻ എണ്ണ കമ്പനി പ്രതിനിധികളുടെ യോഗം ​കേന്ദ്രസർക്കാർ വിളിക്കുന്നുണ്ട്​്​്്​. 

ഇറാനിൽ നിന്ന്​ എണ്ണ വാങ്ങുന്നതുമായി ബന്ധപ്പെട്ട്​ യു.എസ്​ ഭീഷണിയുടെ പശ്​ചാത്തലത്തിൽ  കേന്ദ്രസർക്കാർ നിലപാട്​ വ്യക്​തമാക്കണമെന്ന്​ കോൺഗ്രസ്​ ആവശ്യപ്പെട്ടു. ഇ​റാ​ഖും സൗ​ദി​യും ക​ഴി​ഞ്ഞാ​ൽ ഇ​ന്ത്യ ഏ​റ്റ​വു​മ​ധി​കം എ​ണ്ണ ഇ​റ​ക്കു​മ​തി ചെ​യ്യു​ന്ന രാ​ജ്യ​മാ​ണ്​ ഇ​റാ​ൻ. 2017  ഏ​പ്രി​ലി​നും 2018 ജ​നു​വ​രി​ക്കു​മി​ട​യി​ൽ ഇ​റാ​ൻ 18.4 ദ​ശ​ല​ക്ഷം ട​ൺ അ​സം​സ്​​കൃ​ത എ​ണ്ണ ഇന്ത്യക്ക്​ നൽകിയിട്ടുണ്ട്​. 

ഇറാനോട്​ തുടരുന്ന സാമ്പത്തിക-വ്യാപാര-സൈനിക ഉപരോധത്തി​​െൻറ പേരിൽ ആ രാജ്യത്ത്​ നിന്ന്​ ഇന്ധനം ഇറക്കുമതി ചെയ്യരുതെന്ന്​ അമേരിക്ക ഇന്ത്യയോട്​ ആവശ്യപ്പെട്ടിരുന്നു. നവംബർ നാലിനകം ഇറാനിൽ നിന്നുള്ള ഇന്ധന ഇറക്കുമതി നിർത്തണമെന്ന്​ ഇന്ത്യയും ചൈനയും അടക്കമുള്ള രാജ്യങ്ങളോട്​ അമേരിക്ക ആവശ്യപ്പെട്ടിട്ടുണ്ട്​.