അമേരിക്കക്കെതിരെ ഇന്ത്യ ലോകവ്യാപാര സംഘടനയിലേക്ക്​

ന്യൂഡൽഹി: അമേരിക്കയുടെ വ്യവസായ നയങ്ങൾക്കെതിരെ ഇന്ത്യ ലോകവ്യാപാര സംഘടനയെ സമീപിക്കാൻ ഒരുങ്ങുന്നതായും റിപ്പോർട്ട്​. സ്​റ്റീലി​​െൻറയും അലുമിനിയത്തി​​െൻറയും ഇറക്കുമതി ചുങ്കം വർധിപ്പിച്ച യു.എസ്​ ഭരണകൂടത്തി​​െൻറ നടപടിക്കെതിരെയാണ്​ ഇന്ത്യ ലോകവ്യാപാര സംഘടനയെ സമീപിക്കുന്നത്​. ഇറക്കുമതി തീരുവയിൽ അമേരിക്ക യൂറോപ്യൻ യൂണിയൻ, ആസ്​ട്രേലിയ, കാനഡ, മെക്​സികോ എന്നിവർക്ക്​ ഇളവ്​ അനുവദിച്ചതിന്​ പിന്നാലെയാണ്​ ഇന്ത്യയുടെ നടപടി. 

ചില രാജ്യങ്ങൾക്ക്​ മാത്രം ഇറക്കുമതി ചുങ്കത്തിൽ ഇളവ്​ അനുവദിച്ച തീരുമാനത്തിനെതിരെയാണ്​ ഇന്ത്യ വ്യാപാര സംഘടനയെ സമീപിക്കുന്നത്​​. ഇതുസംബന്ധിച്ച കേന്ദ്രസർക്കാർ നിയമവിദഗ്​ധരുടെ ഉപദേശം തേടിയെന്നാണ്​ റിപ്പോർട്ട്​. അവരുടെ അഭിപ്രായത്തി​​െൻറ അടിസ്ഥാനത്തിൽ മാത്രമേ ഇന്ത്യ തുടർനടപടികൾ സ്വീകരിക്കു.

അമേരിക്കയിലേക്ക്​ ഇറക്കുമതി ചെയ്യുന്ന സ്​റ്റീൽ ഉൽപന്നങ്ങൾക്ക്​ 25 ശതമാനം നികുതിയും അലുമിനിയത്തിന്​ 15 ശതമാനം നികുതിയും ചുമത്താനാണ്​ ​ട്രംപ്​ ഭരണകൂടം തീരുമാനമെടുത്തത്​. അമേരിക്കൻ വ്യവസായങ്ങൾ സംരക്ഷിക്കുന്നതി​​െൻറ ഭാഗമായിട്ടായിരുന്നു നടപടി.