ഇന്ത്യൻ സമ്പദ്​വ്യവസ്​ഥ ശക്​തം -​െഎ.എം.എഫ്​ മേധാവി

വാഷിങ്​ടൺ: ഇന്ത്യയുടെ വളർച്ച നിരക്ക്​ കുറ​യുമെന്ന്​ ​െഎ.എം.എഫ്​ പ്രവചിച്ച്​ ദിവസങ്ങൾക്കകം മേധാവിയുടെ തിരുത്ത്​. ഇന്ത്യൻ സമ്പദ്​വ്യവസ്​ഥ ശക്​തമാണെന്നും ജി.എസ്​.ടിയും നോട്ടുനിരോധനവും മഹത്തായ ശ്രമങ്ങളായിരുന്നുവെന്നും ഇപ്പോൾ അനുഭവപ്പെടുന്ന താൽക്കാലിക മാന്ദ്യം സ്വാഭാവികമാണെന്നും ​അന്താരാഷ്​ട്ര നാണയ നിധി മേധാവി ക്രിസ്​റ്റീൻ ലഗാർഡ്​ പറഞ്ഞു. 

ഇന്ത്യയുടെ നടപ്പു സാമ്പത്തിക വർഷത്തെ വളർച്ച നിരക്ക്​ 6.7 ശതമാനമായും 2018ൽ 7.4 ആയും കുറയുമെന്ന്​ ​​കഴിഞ്ഞയാഴ്​ചയാണ്​ െഎ.എം.എഫ്​ മുന്നറിയിപ്പ്​ നൽകിയത്​. ഏപ്രിലിലും ജൂലൈയിലും പുറത്തുവിട്ട റിപ്പോർട്ട്​ പ്രവചിച്ചതിനെക്കാൾ യഥാക്രമം 0.5ഉം 0.3ഉം ശതമാനം കുറയുമെന്നായിരുന്നു റിപ്പോർട്ടിൽ വ്യക്​തമാക്കിയത്​. 
എന്നാൽ, ഇന്ത്യയുടെ സമ്പദ്​വ്യവസ്​ഥയെ നേരിയ തോതിൽ തരംതാഴ്​ത്തിയിട്ടുണ്ടെങ്കിലും കഴിഞ്ഞ വർഷങ്ങളിൽ കൊണ്ടുവന്ന അടിസ്​ഥാനപരമായ മാറ്റം കാരണം ശക്​തമായ പാതയിലായിട്ടുണ്ടെന്നും വലിയ കുതിപ്പ്​ നടത്തുമെന്നും ലഗാർഡ്​ പറഞ്ഞു.