നേട്ടത്തിലായി വിപണി; വീണ്ടും 30,000 തൊട്ട്​ സെൻസെക്​സ്​

മുംബൈ: കോവിഡ്​ 19 വൈറസ്​ ഭീതിക്കിടെ നേട്ടത്തിലായി ഇന്ത്യൻ ഓഹരി വിപണികൾ. ബോം​ബെ സൂചിക സെൻസെക്​സ്​ 2,476 പോയിൻറ് ​ ഉയർന്ന്​ 30,067ൽ ​ക്ലോസ്​ ചെയ്​തു. ഒമ്പത്​ ശതമാനം നേട്ടമാണ്​ സെൻസെക്​സിൽ ഉണ്ടായത്​. നിഫ്​റ്റിയിലും 708 പോയിൻറ്​ നേട്ടമുണ്ടായി. 8.7 ശതമാനം നേട്ടത്തോടെ നിഫ്​റ്റി 8,792 പോയിൻറിൽ വ്യാപാരം അവസാനിപ്പിച്ചു.

ഇൻഡസ്​ലാൻഡ്​ ബാങ്കാണ്​ നേട്ടമുണ്ടാക്കിയ പ്രധാന ഓഹരി. 25 ശതമാനം നേട്ടമാണ്​ ഇൻഡസ്​ലാൻഡ്​ ബാങ്കിനുണ്ടായത്​. ആക്​സിസ്​ ബാങ്ക്​, എച്ച്​.യു.എൽ, മഹീന്ദ്ര&മഹീന്ദ്ര തുടങ്ങിയ കമ്പനികളും വിപണിയിൽ നേട്ടത്തിലാണ്​.

സെക്​ടറുകളിൽ നിഫ്​റ്റി പ്രൈവറ്റ്​ ബാങ്ക്​ ഇൻഡക്​സ്​ 1000 പോയിൻറ്​ നേട്ടമുണ്ടാക്കി. നിഫ്​റ്റി ഫാർമ 10.4 ശതമാനവും ഉയർന്നു. മലേറിയക്കുള്ള മരുന്നി​​​െൻറ കയറ്റുമതിക്ക്​ മോദി അനുമതി നൽകിയതോടെയാണ്​ നിഫ്​റ്റിയിൽ ഫാർമ സെക്​ടർ കുതിച്ചത്​.