നഴ്​സുമാർക്കും ഡോക്​ടർമാർക്കും ഇൻഡിഗോ വിമാനടിക്കറ്റിൽ 25 ശതമാനം ഡിസ്​കൗണ്ട്​

ന്യൂഡൽഹി: ഇൻഡിഗോ വിമാന ടിക്കറ്റ്​ നിരക്കിൽ ഡോക്​ടർമാർക്കും നഴ്​സുമാർക്കും 25 ശതമാനം ഡിസ്​കൗണ്ട്​. കോവിഡിനെതിരെ മുൻനിരയിൽനിന്ന്​ പോരാടുന്നവർക്കായി 2020 അവസാനം വരെ വിമാനടിക്കറ്റ്​ നിരക്കിൽ 25 ശതമാനം ഡിസ്​കൗണ്ട്​ നൽകുമെന്ന്​ ഇൻഡിഗോ അറിയിച്ചു. 

നഴ്​സുമാരും ഡോക്​ടർമാരും ജോലി​െചയ്യുന്ന ആശുപത്രിയുടെ ​െഎ.ഡി കാർഡും തിരിച്ചറിയൽ രേഖയും കരുതണം. ഇൻഡിഗോ വെബ്​സൈറ്റ്​ വഴി ടിക്കറ്റ്​ ബുക്ക്​ ചെയ്യുന്നവർക്കായിരിക്കും ഇളവ്​. ജൂലൈ ഒന്നുമുതൽ ഡിസംബർ 31 വരെ ഇളവ്​ നൽകും.  

ലോക്​ഡൗണിന്​ ശേഷം​ ആഭ്യന്തര വിമാന സർവിസ്​ പുനരാരംഭിച്ചെങ്കിലും യാത്രക്കാർ കുറവായത്​ വിമാനകമ്പനികളെ വൻതോതിൽ വലക്കുന്നുണ്ട്​. ജൂലൈ ഒന്നുവരെ 785 വിമാനസർവിസുകളിലായി 71,471 ​േപർ മാത്രമാണ്​ യാത്രചെയ്​തതെന്ന്​ വ്യോമയാന മന്ത്രി ഹർദീപ്​ സിങ്​ കഴിഞ്ഞ ദിവസം അറിയിച്ചിരുന്നു. അതായത്​ ശരാശരി ഒരു വിമാനയാത്രയിൽ 91 യാത്രക്കാർ മാ​ത്രം.