സുപ്രധാന വ്യവസായങ്ങളുടെ വളർച്ചയിൽ ഇടിവ്

മുംബൈ: സാമ്പത്തികമാന്ദ്യം പിടിമുറുക്കിയിരിക്കെ രാജ്യത്തെ സുപ്രധാന വ്യവസായങ്ങളുടെ വളർച്ചയിൽ ഇടിവ്​. കൽക്കര ി (-8.6%), ക്രൂഡ്​ ഓയിൽ (-5.4%), പ്രകൃതിവാതകം (-3.9%), സിമൻറ്​ (-4.9%), വൈദ്യുതി (-2.9%) എന്നീ മേഖലകളിലാണ്​​ ഉൽപാദനം ഇടിഞ്ഞത്​.

2018 ആഗ സ്​റ്റിൽ 4.7 ശതമാനം വളർച്ച രേഖപ്പെടുത്തിയ വ്യവസായങ്ങൾക്കാണ്​ ഒരു വർഷം പിന്നിടു​േമ്പാൾ ഈ തിരിച്ചടി. റിഫൈനറി ഉൽപന്നങ്ങൾ (2.6%), വളം (2.9%), ഉരുക്ക്​ (5%) എന്നീ വ്യവസായങ്ങൾ മാത്രമാണ്​ ഈ കാലയളവിൽ താരതമ്യേന വളർച്ച രേഖപ്പെടുത്തിയത്​. ജൂൺ പാദത്തിൽ സ്വകാര്യ ഉപഭോഗ സൂചിക 3.1 ശതമാനമാണ്​. കഴിഞ്ഞ 18 പാദങ്ങളിലെ ഏറ്റവും കുറഞ്ഞ നിരക്കാണിത്​.

മൊത്ത ആഭ്യന്തര ഉൽപാദനം(ജി.ഡി.പി) കഴിഞ്ഞ ആറു വർഷത്തെ ഏറ്റവും കുറഞ്ഞ നിരക്കായ അഞ്ചു​ ശതമാനത്തിൽ തുടരുകയും ചെയ്യുന്നു. നിർണായക വ്യവസായങ്ങൾക്കുണ്ടായ പ്രതിസന്ധി കണക്കിലെടുത്ത്​ ഈയാഴ്​ച അവസാനം നടക്കുന്ന റിസർവ്​ ബാങ്കി​​െൻറ പണനയ അവലോകനത്തിൽ പലിശനിരക്ക്​ വീണ്ടും കുറക്കുമെന്നാണ്​ കരുതുന്നത്​.

വളർച്ച ത്വരിതപ്പെടുത്താൻ നിരക്ക്​ കുറക്കൽ അനിവാര്യമാണെന്നാണ്​ വിലയിരുത്തൽ. കഴിഞ്ഞ ബുധനാഴ്​ച പുറത്തുവിട്ട കണക്കിൽ 2019-20 വർഷം ഇന്ത്യയുടെ വളർച്ച ഏഴു​ ശതമാനത്തിൽനിന്ന്​ 6.5 ശതമാനത്തിലേക്ക്​ കുറ​ക്കുകയാണ്​​ ഏഷ്യൻ ഡെവലപ്​മ​െൻറ്​ ബാങ്ക്​ (എ.ഡി.ബി) ചെയ്​തത്​​. ഉൽപാദന-സേവന മേഖലകളിലും നിക്ഷേപരംഗത്തുമുണ്ടായ മാന്ദ്യമാണ്​ ഇതിനു​ കാരണമായി ചൂണ്ടിക്കാട്ടിയത്​.