വ്യാവസായിക ഉൽപാദന വളർച്ച നിരക്കിൽ കുറവ്​

ന്യൂഡൽഹി: രാജ്യത്തെ വ്യവസായിക ഉൽപാദന വളർച്ചാ നിരക്ക്​ ആഗസ്​റ്റ്​ മാസത്തിൽ 1.1 ശതമാനമായി ഇടിഞ്ഞു. നിർമാണം, പവർ ജനറേഷൻ, ഖനനം എന്നീ സെക്​ടറുകളുടെ മോശം പ്രകടനമാണ്​ വ്യവസായിക ഉൽപാദന വളർച്ചയെ സ്വാധീനിച്ചത്​.

2018 ആഗസ്​റ്റിൽ വ്യാവസായിക ഉൽപാദന വളർച്ചാ 4.8 ശതമാനം നിരക്കിൽ ഉയർന്നിരുന്നു. വ്യാവസായിക ഉൽപാദനത്തിൽ​ 77 ശതമാനവും നിർമാണ മേഖലയുടെ സംഭാവനയാണ്​. 2019 ആഗസ്​റ്റിൽ 1.2 ശതമാനത്തിൻെറ കുറവാണ്​ നിർമാണ മേഖലയിൽ ഉണ്ടായത്​. കഴിഞ്ഞ വർഷം ആഗസ്​റ്റിൽ 5.2 ശതമാനമായിരുന്നു നിർമാണ മേഖലയിലെ വളർച്ചാ നിരക്ക്​.

ഇലക്​ട്രിസിറ്റി സെക്​ടറിൽ 0.9 ശതമാനത്തിൻെറയും ഖനന മേഖലയിൽ 0.1 ശതമാനത്തിൻെറയും കുറവുണ്ടായി. ഇത്​ വ്യാവസായിക ഉൽപാദന വളർച്ചയെ സ്വാധീനിച്ചിരുന്നു.