​പ്രളയം: ലോകബാങ്കിൽ നിന്ന്​ വായ്​പയെടുക്കാൻ നീക്കം

കൊച്ചി: കേരളത്തെ ബാധിച്ച പ്രളയത്തിൽ നിന്ന്​ കരകയറാനായി ലോകബാങ്കിൽ നിന്ന്​ വായ്​പയെടുക്കാൻ സർക്കാർ നീക്കം നടത്തുന്നതായി റിപ്പോർട്ടുകൾ. 3000 കോടി രൂപ കുറഞ്ഞ നിരക്കിൽ വായ്​പയെടുക്കാനാണ്​ സർക്കാർ നീക്കം. വായ്​പയെടുക്കുന്നതി​​െൻറ ഭാഗമായി ലോകബാങ്ക്​ ​പ്രതിനിധികൾ കേരളത്തിലെത്തും. ലോകബാങ്ക്​ പ്രതിനിധികൾ നാശനഷ്​ടങ്ങൾ വിലയിരുത്തിയതിന്​ ശേഷമാവും വായ്​പയുടെ കാര്യത്തിൽ അന്തിമ തീരുമാനം എടുക്കുക.

ദുരിതാശ്വാസ പ്രവർത്തനങ്ങൾക്ക്​ ശേഷം കേരളത്തി​​െൻറ പുനർനിർമാണത്തിനായി 20,000 കോടിയിലേറെ വേണ്ടി വരുമെന്നാണ്​ പ്രതീക്ഷിക്കുന്നത്​. കേന്ദ്രസർക്കാറിൽ നിന്ന്​ കൂടുതൽ സഹായം ലഭിക്കുന്നതിനെ കുറിച്ച്​ ഉറപ്പുകളൊന്നും സംസ്ഥാനത്തിന്​ ലഭിച്ചിട്ടില്ലെന്നാണ്​ സൂചന. ഇയൊരു സാഹചര്യത്തിലാണ്​ ലോകബാങ്കിൽ നിന്ന്​ വായ്​പയെടുക്കാനുള്ള നീക്കം സർക്കാർ നടത്തുന്നത്​.

യു.എ.ഇയിൽ നിന്ന്​ 700 കോടിയുടെ സാമ്പത്തിക സഹായം കേന്ദ്രസർക്കാർ നിഷേധിച്ചതിന്​ പിന്നാലെയാണ്​ സംസ്ഥാന സർക്കാർ വിവിധ വിദേശ എജൻസികളുടെ സഹായം തേടുന്നത്​. ഫെഡറൽ തത്വമനുസരിച്ച്​ സംസ്ഥാനങ്ങൾക്ക്​ വായ്​പക്കായി വിദേശ എജൻസികളെ സമീപിക്കാം.