വോഡഫോൺ-​െഎഡിയ ലയനം: കുമാർ മംഗലം ബിർള ചെയർമാനാകും

ന്യൂഡൽഹി: വോഡേഫോണും ​െഎഡിയയും ലയിച്ചുണ്ടാകുന്ന പുതിയ കമ്പനിയുടെ നോൺ എക്​സിക്യൂട്ടീവ്​ ചെയർമാനായി കുമാർ മംഗലം ബിർളയെ നിയമിച്ചു. കമ്പനിയുടെ ദൈനംദിന പ്രവർത്തനങ്ങളിൽ ബിർളക്ക്​ ഇടപെടാനാവില്ല. കമ്പനി ബോർഡി​ൽ മാത്രമായിരിക്കും അദ്ദേഹത്തിന്​ അധികാരമുണ്ടാവുകയെന്ന്​ വോഡഫോൺ അറിയിച്ചു.

നിലവിൽ വോഡഫോൺ ഇന്ത്യയിലെ ചീഫ്​ ഒാപ്പറേറ്റിങ്​ ഒാഫീസറായ ബലേഷ്​ ശർമ്മയായിരിക്കും പുതിയ കമ്പനിയുടെ സി.ഇ.ഒയാവുക. പുതിയ കമ്പനി സ്വീകരിക്കേണ്ട നയം സംബന്ധിച്ച്​ തീരുമാനമെടുക്കുക സി.ഇ.ഒയായിരിക്കും. ​െഎഡിയയുടെ സി.എഫ്​.ഒ അക്ഷയ്​ മൂദ്രയായിരിക്കും കമ്പനിയുടെ ധനകാര്യ വിഷയങ്ങൾ കൈകാര്യം ചെയ്യുക. 

2017 മാർച്ച്​ 20നാണ്​ ഇന്ത്യയിലെ പ്രമുഖ മൊബൈൽ കമ്പനികളായ ​െഎഡിയയും വോഡഫോണും ലയിക്കാൻ തീരുമാനിച്ചത്​. ലയനം പൂർത്തിയാകുന്നതോടെ ഇന്ത്യയിലെ രണ്ടാമത്തെ വലിയ മൊബൈൽ കമ്പനിയായി ഇതുമാറും. എയർടെൽ ആണ്​ നിലവിൽ ഇന്ത്യയിലെ ഒന്നാമത്തെ വലിയ മൊബൈൽ കമ്പനി.