വായ്​പ പലിശ: പ്രതീക്ഷക്ക്​ വകയില്ല

ഇൗമാസം ആദ്യം ചേർന്ന റിസർവ്​ ബാങ്കി​​െൻറ പണനയ അവലോകന യോഗം (എം.പി.സി) അടിസ്​ഥാന പലിശ നിരക്കിൽ 25 അടിസ്​ഥാന പോയൻ റ്​ കുറവ്​ വരുത്തിയിരുന്നു. 6.50 ആയിരുന്ന റിപ്പോ നിരക്ക്​ 6.25 ആയാണ്​ ആർ.ബി​.​െഎ കുറച്ചത്​. റിപ്പോ നിരക്കിൽ 25 ​േപായ ൻറ്​ കുറക്കാൻ ആർ.ബി.​െഎ തീരുമാനിച്ചതോടെ, ഭവന വായ്​പകൾ ഉൾപ്പെടെയുള്ളവയിൽ അതി​​െൻറ ഗുണം കാണേണ്ടതാണ്​.

കഴിഞ്ഞ ഒന്നര വർഷമായി തുടർച്ചയായി റിപ്പോ നിരക്ക്​ വർധിപ്പിച്ചപ്പോൾ ബാങ്കുകൾ ക്രമാനുഗതമായി വായ്​പ പലിശ നിരക്ക്​ ഉയർത്തിയതുമാണ്​. ആ സ്​ഥിതിക്ക്​, 18 മാസത്തിനുശേഷമുള്ള പലിശയിളവ്​ പ്രഖ്യാപനം തങ്ങളുടെ വായ്​പയിലും ഗുണകരമായി പ്രതിഫലിക്കുമെന്ന്​ സാധാരണക്കാർ സ്വപ്​നംകണ്ടു. മുൻകാലങ്ങളിൽ പലിശയിളവ്​ പ്രഖ്യാപിച്ചിരുന്നതി​​െൻറ ഗുണഫലം സാധാരണക്കാരുടെ വായ്​പകളിൽ പ്രതിഫലിക്കാതിരുന്നതിനെ തുടർന്ന്​, റിസർവ്​ ബാങ്ക്​തന്നെ മുൻകൈ എടുത്താണ്​ പലിശ നിരക്ക്​ ഉയർത്തുന്നത്​ മാത്രമല്ല കുറക്കുന്നതും ഉപഭോക്​താക്കൾക്ക്​ അനുഭവപ്പെടണമെന്ന്​ ബാങ്കുകൾക്ക്​ നിർദേശം നൽകിയത്​.

എന്നാൽ, ഇക്കുറി പലിശ നിരക്ക്​ ഇളവി​​െൻറ ഗുണഫലം ഉടൻവായ്​പക്കാർക്ക്​ നൽകാനാവില്ല എന്ന നിലപാടിലാണ്​ വാണിജ്യ ബാങ്ക്​ മേധാവികൾ. നിലപാട്​ എടുക്കുക മാത്രമല്ല, അക്കാര്യം റിസർവ്​ ബാങ്കിനെ അറിയിക്കുകയും ചെയ്​തു. റിസര്‍വ് ബാങ്ക് ഗവര്‍ണര്‍ ശക്തികാന്ത ദാസ് വിളിച്ച ബാങ്ക്​ മേധാവികളുടെ ​േയാഗത്തിലാണ്​ ഇക്കാര്യം വ്യക്​തമാക്കിയത്​. വായ്​പാ സ്​ഥിതി വിശദമായി ചർച്ച ചെയ്​ത്​ അടുത്ത പലിശ നിര്‍ണയ സമയത്ത് നിരക്കിളവ്​ പരിഗണിക്കാം എന്നാണ്​ ബാങ്ക്​ മേധാവികളുടെ നിലപാട്​.

മാര്‍ജിനല്‍ കോസ്​റ്റ്​ ഓഫ് ഫണ്ട്സ് - ബേസ്​ഡ് ലെന്‍ഡിങ് റേറ്റ് (എം.സി.എൽ.ആര്‍) അടിസ്ഥാനത്തിലാണ്​ വായ്​പാ പലിശ നിരക്ക്​ നിശ്ചയിക്കുന്നത്​. പല ബാങ്കുകളും സാമ്പത്തിക വർഷത്തിൽ ഒരിക്കലാണ്​ എം.സി.എൽ.ആർ നിരക്ക്​ പുതുക്കി നിശ്ചയിക്കുന്നതും. ആ സമയമാകു​േമ്പാൾ നോക്കാം എന്ന ഉദാസീന മറുപടിയാണ്​ ഇപ്പോൾ ബാങ്ക്​ അധികൃതരിൽനിന്ന്​ ലഭിക്കുന്നതും.