സമയത്ത്​ വന്ന്​ രക്ഷിച്ചു; മുകേഷിനും​ നിതക്കും നന്ദി അറിയിച്ച്​ അനിൽ അംബാനി

ന്യൂ​ഡ​ൽ​ഹി: സ്വീ​ഡി​ഷ്​ ടെ​ലി​കോം ക​മ്പ​നി​യാ​യ എ​റി​ക്​​സ​ണു​മാ​യു​ള്ള കേ​സി​ൽ 458.77 കോ​ടി രൂ​പ അ​ട​ച്ച് ​ സഹായിച്ച സഹോദരൻ മുകേഷ്​ അംബാനിക്കും ഭാര്യ നിത അംബാനിക്കും നന്ദി അറിയിച്ച്​ അനിൽ അംബാനി. സു​പ്രീം​കോ​ട​തി നി​ർ​ദേ​ശം അ​നു​സ​രി​ച്ച്​ മുഴുവൻ തുകയുമടച്ച്​ അനിലിനെ മുകേഷ്​ ജയിൽ ശിക്ഷയിൽ നിന്ന്​ രക്ഷിക്കുകയായിരുന്നു. ഇൗ ​തു​ക അ​ട​ച്ചി​ല്ലെ​ങ്കി​ൽ അ​നി​ൽ അം​ബാ​നി മൂ​ന്നു മാ​സ​ത്തെ ത​ട​വു​ശി​ക്ഷ അ​നു​ഭ​വി​ക്കേ​ണ്ടി​വ​രു​മെ​ന്ന്​ കോ​ട​തി മു​ന്ന​റി​യി​പ്പ്​ ന​ൽ​കി​യി​രു​ന്നു.

ഈ പ്രതിസന്ധി ഘട്ടത്തിൽ എ​​െൻറ കൂടെ നിന്ന ബഹുമാനപ്പെട്ട എ​​െൻറ മൂത്ത സഹോദരൻ മുകേഷ്​ അംബാനിക്കും ഭാര്യ നിതക്കും ആത്മാര്‍ത്ഥവും ഹൃദയംഗമവുമായ നന്ദി അറിയിച്ചു കൊള്ളുന്നു. കുടുംബ മൂല്യങ്ങളുടെ പ്രാധാന്യം തെളിയിച്ചുകൊണ്ട്​ സമയോചിത പിന്തുണയാണ്​ അദ്ദേഹം നൽകിയത്​. ഞാനും എ​​െൻറ കുടുംബവും താങ്കളുടെ ഈ പ്രവർത്തിയിൽ എന്നും നന്ദിയുള്ളവരാകുന്നു..

മുകേഷ്​ അംബാനി ഭീമൻ തുക നൽകി കേസ്​ തീർപ്പാക്കിയതിന്​ മണിക്കൂറുകൾക്ക്​ ശേഷമാണ്​ അനിൽ അംബാനിയുടെ പ്രതികരണം വരുന്നത്​. സ്വീ​ഡി​ഷ്​ ടെ​ലി​കോം ക​മ്പ​നി​യാ​യ എ​റി​ക്​​സ​ണു​ം തങ്ങൾക്ക്​ കിട്ടാനുള്ള പണം മുഴുവൻ കിട്ടിയതായി അറിയിച്ചു. പലിശയടക്കമാണ്​ പണമടച്ചതെന്നും റിപ്പോർട്ടുകളുണ്ട്​.