കേ​​ന്ദ്രബജറ്റ്​: മോദി സർക്കാറിന്​ മുന്നിലെ അഗ്​നിപരീക്ഷ

ന്യൂഡൽഹി: വീണ്ടുമൊരു കേന്ദ്രബജറ്റ്​ കൂടി വരു​േമ്പാൾ നരേന്ദ്ര മോദി സർക്കാറിന്​ മുന്നിലെ പ്രധാന വെല്ലുവിളി പുതിയ തൊഴിലുകൾ സൃഷ്​ടിക്കുക എന്നതാണ്​. 2019ൽ ലോക്​സഭ തെരഞ്ഞെടുപ്പ്​ നടക്കാനിരിക്കുകയാണ്​. ഇതിന്​ മുമ്പായി  കഴിഞ്ഞ മൂന്ന്​ വർഷമായി തങ്ങളെ ​വേട്ടയാടുന്ന പ്രശ്​നത്തിന്​ പരിഹാരം കാണുക എന്നത്​ സർക്കാറിന്​ ജനങ്ങൾക്ക്​ മുന്നിൽ മുഖം രക്ഷിക്കാൻ അത്യാവശ്യമാണ്​​. അധികാരത്തിലെത്തു​േമ്പാൾ 10 മില്യൺ തൊഴിലുകൾ പ്രതിവർഷം സൃഷ്​ടിക്കുമെന്നായിരുന്നു ​മോദി അവകാശപ്പെട്ടിരുന്നത്​. എന്നാൽ ആർട്ടിഫിഷ്യൽ ഇൻറലിജൻസ്​, ഒാ​േട്ടാമേഷൻ പോലുള്ള പുതിയ ടെക്​നോളജി കാരണം നിലവിലുണ്ടായിരുന്ന തൊഴിലുകൾ കൂടി നഷ്​ടപ്പെടുന്ന സാഹചര്യമാണ്​ ഉണ്ടായത്​.

2015ൽ 1,3500 പുതിയ തൊഴിലുകളാണ്​ സൃഷ്​ടിക്കപ്പെട്ടത്​. 2014ൽ ഇത്​ 421,000, 2013ൽ 419,000 ആയിരുന്നു. മോദി സർക്കാർ അധികാരത്തിലെത്തിയ ശേഷം പുതിയ തൊഴിലുകൾ സൃഷ്​ടിക്കുന്നതിൽ വൻ കുറവാണ്​ ഉണ്ടായിരിക്കുന്നത്​. രാജ്യത്ത്​ നില നിൽക്കുന്ന സാമ്പത്തിക പ്രതിസന്ധിയുടെ കാരണങ്ങളിലൊന്നും പുതുതായി തൊഴിലുകൾ സൃഷ്​ടിക്കപ്പെടാത്തതാണ്​. ഇൗയൊരു സാഹചര്യത്തിൽ ഇതിന്​ പരിഹാരം കാണുക എന്നത്​ സർക്കാറിനെ സംബന്ധിച്ചിടത്തോളം അത്യന്താപേക്ഷിതമാണ്​. തൊഴിലുകൾ സൃഷ്​ടിക്കാനുള്ള മാർഗരേഖ ഉൾപ്പെടുന്ന തൊഴിൽ നയത്തി​​െൻറ പ്രഖ്യാപനം ബജറ്റിൽ ഉണ്ടായേക്കും. അതിനൊടൊപ്പം തൊഴിലാളികൾക്ക്​ മുൻഗണന നൽകുന്ന ടെക്​നോളജി വികസിപ്പിക്കുന്നതിനുള്ള നടപടികളും ഉണ്ടാകും. 

കഴിഞ്ഞ ഗുജറാത്ത്​ തെരഞ്ഞെടുപ്പ്​ നൽകുന്ന സൂചന 2019ൽ മോദിക്ക്​ കാര്യങ്ങൾ അത്ര എളുപ്പമല്ലെന്നാണ്​. ​ഗ്രാമങ്ങളിൽ മോദിക്കെതിരായ ഉയർന്ന വികാരം കേന്ദ്രസർക്കാറി​​െൻറ സാമ്പത്തിക നയങ്ങൾക്കെതിരായ പ്രതിഷേധം കൂടിയായിരുന്നു. ഇനിയും ഇതിനെ അവഗണിച്ച്​ മുന്നോട്ട്​ പോകാൻ സർക്കാറിനാവില്ല. തെറ്റുതിരുത്താൻ സർക്കാറിന്​ മുന്നിലുള്ള അവസരമാണ്​ വരുന്ന കേന്ദ്രബജറ്റ്​​.