പുതിയ സാമ്പത്തിക വർഷം: മാറ്റങ്ങൾ ഇവയാണ്​

കോ​വി​ഡ്ഭീ​തി പി​ടി​മു​റു​ക്കി​യ അ​ന്ത​രീ​ക്ഷ​ത്തി​ലാണ് പു​തി​യ സാ​മ്പ​ത്തി​ക വ​ർ​ഷം തു​ട​ങ്ങു​ന്ന​ത്. പ്ര​ത്യേ​ക സാ​ഹ​ച​ര്യ​ത്തി​ൽ സാ​മ്പ​ത്തി​ക​വ​ർ​ഷം നീ​ട്ടു​മെ​ന്ന് അ​ഭ്യൂ​ഹ​മു​ണ്ടാ​യി​രു​ന്നെ​ങ്കി​ലും 2020 ഏ​പ്രി​ൽ ഒ​ന്നി​നു​ത​ന്നെ തു​ട​ങ്ങു​മെ​ന്ന് ധ​ന​കാ​ര്യ​മ​ന്ത്രാ​ല​യം വ്യക്​തമാക്കി. ഇ​ന്നു മു​ത​ൽ പ്രാ​ബ​ല്യ​ത്തി​ൽ വ​രു​ന്ന നി​ർ​ദേ​ശ​ങ്ങ​ളിൽ പ്രധാനപ്പെട്ടവ.

2020-21 സാ​മ്പ​ത്തി​ക​വ​ർ​ഷം മു​ത​ൽ ര​ണ്ടു​ത​രം ആ​ദാ​യ​നി​കു​തി സ്ലാ​ബു​ക​ൾ. നി​കു​തി​ദാ​യ​ക​ന് 80 സി ​പ്ര​കാ​ര​മു​ള്ള ആ​നു​കൂ​ല്യ​ങ്ങ​ൾ ല​ഭി​ക്കു​ന്ന നി​ല​വി​ലെ നി​കു​തി സ്ലാ​ബി​ൽ തു​ട​രു​ക​യോ കു​റ​ഞ്ഞ നി​കു​തി​നി​ര​ക്കു​ള്ള എ​ന്നാ​ൽ, ആ​നു​കൂ​ല്യ​ങ്ങ​ളി​ല്ലാ​ത്ത ര​ണ്ടാ​മ​ത്തെ സ്ലാ​ബിലേക്ക്​ മാറുകയോ ചെയ്യാം. പ​ല സ​ർ​വേ​ക​ളി​ലെ​യും ഭൂ​രി​പ​ക്ഷ അ​ഭി​പ്രാ​യം പു​തി​യ സ്ലാ​ബ് ഗു​ണ​ക​ര​മ​ല്ലെ​ന്നാ​യി​രു​ന്നു.

എം​പ്ലോ​യി​സ് പ്രോ​വി​ഡ​ൻ​റ് ഫ​ണ്ടി​ലേ​ക്കു​ള്ള തൊ​ഴി​ൽ ദാ​താ​വി​​െൻറ നി​ക്ഷേ​പം ഒ​രു വ​ർ​ഷം ഏ​ഴ​ര ല​ക്ഷം ക​വി​ഞ്ഞാ​ൽ ഇ.​പി.​എ​ഫ് അ​ക്കൗ​ണ്ട് ഉ​ട​മ​ക്ക്​ നികു​തി ബാ​ധ്യ​ത. സൂ​പ്പ​ർ ആ​ന്വേ​ഷ​ൻ ഫ​ണ്ട്, നാ​ഷ​ന​ൽ പെ​ൻ​ഷ​ൻ സി​സ്​​റ്റം എ​ന്നി​വ​ക്കും ഇ​ത് ബാ​ധ​കം.

മ്യൂ​ച്വ​ൽ ഫ​ണ്ട് നി​ക്ഷേ​പ​ത്തി​നും ഇ​ന്ത്യ​യി​ലെ ക​മ്പ​നി​ക​ളി​ൽ​നി​ന്ന്​ ല​ഭി​ക്കു​ന്ന ലാ​ഭ​വി​ഹി​ത​ത്തി​ന് നി​കു​തി. ലാ​ഭ​വി​ഹി​തം വ്യ​ക്തി​യു​ടെ വാ​ർ​ഷി​ക വ​രു​മാ​ന​ത്തി​ലാ​ണ് ഉ​ൾ​പ്പെ​ടു​ത്തു​ക. ഒ​രു വ​ർ​ഷം 5,000 രൂ​പ​യി​ല​ധി​കം ഇങ്ങനെ ല​ഭി​ച്ചാ​ൽ 10 ശ​ത​മാ​നം നി​കു​തി ന​ൽ​ക​ണം.

ഒ​രു സാ​മ്പ​ത്തി​ക വ​ർ​ഷം രാ​ജ്യ​ത്തു​നി​ന്ന് 15 ല​ക്ഷ​ത്തി​ല​ധി​കം വ​രു​മാ​ന​മു​ണ്ടാ​ക്കു​ക​യോ അ​തേ വ​ർ​ഷം 120 ദി​വ​സ​ത്തി​ല​ധി​കം രാ​ജ്യ​ത്ത് തങ്ങുകയോ ചെ​യ്യു​ന്ന​വ​രു​ടെ എ​ൻ.​ആ​ർ.​ഐ പ​ദ​വി​യി​ൽ മാ​റ്റ​ത്തി​ന് നി​ർ​ദേ​ശം. ഇ​ത​നു​സ​രി​ച്ച് നി​കു​തി​ബാ​ധ്യ​ത വ​ന്നേ​ക്കാം. നി​കു​തി​വി​ധേ​യ വ​രു​മാ​നം 15 ല​ക്ഷ​ത്തി​ല​ധി​ക​മാ​കാ​തി​രി​ക്കു​ക​യും 181 ദി​വ​സ​ത്തി​ല​ധി​കം രാ​ജ്യ​ത്ത് താ​മ​സി​ക്കാ​തി​രി​ക്കു​ക​യും ചെ​യ്താ​ൽ എ​ൻ.​ആ​ർ.​ഐ പ​ദ​വി​ മാ​റി​ല്ല.

വ​സ്തു​വി​​െൻറ സ്​​റ്റാ​മ്പ് ഡ്യൂ​ട്ടി 45 ല​ക്ഷ​ത്തി​ല​ധി​കം കൂ​ടാ​ത്ത, 2021 മാ​ർ​ച്ച് 31ന​കം എ​ടു​ക്കു​ന്ന വീ​ട്ടു​വാ​യ്പ​ക്ക് പ​ലി​ശ​യി​ൽ ഒ​ന്ന​ര ല​ക്ഷ​ത്തി​​െൻറ കി​ഴി​വ് ഈ ​വ​ർ​ഷ​വും.

ആ​ദാ​യ നി​കു​തി പൂ​ർ​ണ​മാ​യി ഒ​ഴി​വാ​യി​ക്കി​ട്ടാ​നോ അ​ല്ലെ​ങ്കി​ൽ നി​കു​തി കു​റ​ച്ചു​കി​ട്ടാ​നോ സ​മ​ർ​പ്പി​ച്ച രേ​ഖ​ക​ൾ​ക്ക് ജൂ​ൺ 30വ​രെ സാ​വ​കാ​ശം അ​നു​വ​ദി​ച്ചു. ഇ​ന്ന​ലെ അ​വ​സാ​നി​ക്കേ​ണ്ടി​യി​രു​ന്ന കാ​ലാ​വ​ധി​യാ​ണ് കേ​ന്ദ്ര സ​ർ​ക്കാ​ർ അ​ടി​യ​ന്ത​ര​മാ​യി ഇ​ട​പെ​ട്ട് നീ​ട്ടി​ന​ൽ​കി​യ​ത്. ആ​ദാ​യ നി​കു​തി ദാ​യ​ക​ർ​ക്ക് വ​ലി​യ ആ​ശ്വാ​സ​മേ​കു​ന്ന​താ​ണ് ന​ട​പ​ടി.

ആ​ദാ​യ നി​കു​തി റി​ട്ടേ​ൺ, ജി.​എ​സ്.​ടി റി​ട്ടേ​ൺ എ​ന്നി​വ സ​മ​ർ​പ്പി​ക്കേ​ണ്ട അ​വ​സാ​ന തീ​യ​തി ജൂ​ൺ 30ലേ​ക്ക് നീ​ട്ടി. ആ​ധാ​ർ-​പാ​ൻ കാ​ർ​ഡ് ബ​ന്ധി​പ്പി​ക്ക​ലും ജൂ​ൺ 30ലേ​ക്ക് നീ​ട്ടി​യി​ട്ടു​ണ്ട്.

ബാ​ങ്ക് വാ​യ്പ​ക​ൾ​ക്കും ക്രെ​ഡി​റ്റ് കാ​ർ​ഡ് കു​ടി​ശ്ശി​ക​ക്കും മൂ​ന്നു​മാ​സം മൊ​റ​ട്ടോ​റി​യം.

വാ​ഹ​ന​ങ്ങ​ളു​ടെ തേ​ർ​ഡ് പാ​ർ​ട്ടി ഇ​ൻ​ഷു​റ​ൻ​സ് പ്രീ​മി​യ​ത്തി​ൽ ഈ ​വ​ർ​ഷം വ​ർ​ധ​ന​യില്ല. ഇ​നി ഒ​ര​റി​യി​പ്പു​ണ്ടാ​കു​ന്ന​തു​വ​രെ​ പ്രീ​മി​യം വ​ർ​ധ​ന മ​ര​വി​പ്പി​ച്ചു.

പൊ​തു​മേ​ഖ​ല ബാ​ങ്കു​ക​ളു​ടെ ല​യ​നം പ്രാ​ബ​ല്യ​ത്തി​ൽ.

ബജറ്റ്​ തീരുമാനം നീളും
•ഭൂമിയുടെ ന്യായവില വർധന മേ​യ്​ 15ന്​ ​ശേ​ഷ​​ം.
•തണ്ടപ്പേർ പകർപ്പ്​ -​െലാക്കേഷൻ മാപ്പ്​​ എന്നിവക്കുള്ള ഫീസ്​ ഇൗടാക്കാനുള്ള തീരുമാനം നീട്ടി
•സ​ർ​ക്കാ​ർ ഭൂ​മി പാ​ട്ട കു​ടി​ശ്ശി​ക ഒ​റ്റ​ത്ത​വ​ണ തീ​ർ​പ്പാ​ക്ക​ൽ നടപ്പാക്കാൻ വൈകും
•പു​തി​യ പ​ദ്ധ​തി ന​ട​പ്പാ​ക്കു​ന്ന​തി​ന്​ സ​മീ​പ​ത്തെ ഭൂ​മി 30 ശ​ത​മാ​ന​ത്തി​ൽ കൂടാ​ത്ത തു​ക ന​ൽ​കി ഏ​റ്റെ​ടു​ക്കലും നീളും