2022നുള്ളിൽ പട്ടിണിയും അഴിമതിയും ഇല്ലാതാക്കുമെന്ന്​ നീതി ആയോഗ്​

ന്യൂഡൽഹി: 2022നുള്ളിൽ രാജ്യത്തെ പട്ടിണിയും അഴിമതിയും ഇല്ലാതാക്കുമെന്ന്​ നീതി ആയോഗ്​. ന്യൂ ഇന്ത്യ എന്ന പദ്ധതിയിലൂടെ പട്ടിണി, അഴിമതി, തീവ്രവാദം, വർഗീയത എന്നിവ ഇല്ലാതാക്കുമെന്നാണ്​ നീതി ആയോഗ്​ അറിയിച്ചിരിക്കുന്നത്​. ആസുത്ര കമീഷന്​ പകരമുള്ള സംവിധാനമാണ്​ നീതി ആയോഗ്​.

ഗവർണർമാരുടെ കോൺഫറൻസിലാണ്​ നീതി ആയോഗി​​െൻറ ഭാവി പദ്ധതികളെ കുറിച്ച്​ വൈസ്​ ചെയർമാൻ രാജീവ്​ കുമാർ സൂചിപ്പിച്ചത്​. ലോകത്തിലെ മികച്ച്​ മൂന്ന്​ സമ്പദ്​വ്യവസ്ഥകളിൽ ഒന്നാകും ഇന്ത്യ. 2047 വരെ 8 ശതമാനം നിരക്കിൽ സമ്പദ്​വ്യവസ്ഥയിൽ വളർച്ചയുണ്ടാകുമെന്നും അദ്ദേഹം പറഞ്ഞു. പ്രധാനമന്ത്രിയുടെ  ഗ്രാം സഡക്ക്​ യോജനയിലൂടെ 2019ന്​ മുമ്പ്​ ഗ്രാമങ്ങളിലെ റോഡുകളുടെ വികസനം നടപ്പിലാക്കുമെന്നും നീതി ​ആയോഗ്​ അറിയിച്ചു.