പിടിച്ചെടുത്ത കള്ളപ്പണത്തി​െൻറ കണക്കില്ലെന്ന്​ റിസർവ്​ ബാങ്ക്​

ന്യൂഡൽഹി:  2016 നവംബറി​െല നോട്ട്​ നിരോധനത്തിനു ശേഷം രാജ്യത്തി​​െൻറ വിവിധ ഭാഗങ്ങളിൽനിന്ന്​ ​പിടിച്ചെടുത്ത കള്ളപ്പണത്തി​​െൻറ  കണക്കുകൾ തങ്ങളുടെ പക്കൽ ഇല്ലെന്ന്​  റിസർവ്​ ബാങ്ക്. ഇതുസംബന്ധിച്ച പാർലമ​െൻററി സമിതിക്കു മുന്നിലാണ്​ ആർ. ബി.​െഎ രേഖാമൂലം വിശദീകരണം നൽകിയത്​. ഭാവിയിൽ ഇങ്ങനെ നോട്ട്​  നിരോധനം ഉണ്ടാകുമോ എന്ന കാര്യത്തിലും ആർ.ബി.​െഎക്ക്​  അറിവില്ല. 

കള്ളപ്പണത്തിനെതിരായ ധീര നടപടിയെന്ന്​  വി​േശഷിപ്പിച്ച്​ 2016 നവംബർ എട്ടിനാണ്​ 1000, 500 രൂപ നോട്ടുകൾ കേന്ദ്ര സർക്കാർ നിരോധിച്ചത്​. കഴിഞ്ഞ ആഗസ്​റ്റ്​ 30ന്​ റിസർവ്​ ബാങ്ക്​ പുറത്തുവിട്ട റിപ്പോർട്ടിൽ  നോട്ട്​ നിരോധനം സാമ്പത്തിക രംഗത്ത്​  പരാജയമാണെന്ന്​ ചൂണ്ടിക്കാട്ടിയിരുന്നു. ഉൽപാദനം, നിർമാണം, വൈദ്യുതി തുടങ്ങി നിരവധി മേഖലകളിൽ  തിരിച്ചടിയാണുണ്ടായത്​. 

അസാധുവാക്കിയ നോട്ടുകളിൽ 99 ശതമാനത്തിലേറെ ജൂൺ 30നകം ബാങ്കുകളിൽ  തിരിച്ചെത്തിയതായി വാർഷിക റിപ്പോർട്ടിൽ ആർ.ബി.​െഎ വെളിപ്പെടുത്തിയിട്ടുണ്ട്​. 15.28 ലക്ഷം കോടി വരും ഇത്​.അസാധുവാക്കിയ ഉയർന്ന മൂല്യമുള്ള നോട്ടുകൾ ബാങ്കുകളിൽ നിക്ഷേപിക്കപ്പെട്ടതി​​െൻറ കണക്ക്​ കൃത്യമാക്കുന്ന നടപടികൾ തുടരുകയാണ്​​. അത്​ പൂർത്തിയാകാൻ ​ ഇനിയും സമയമെടുക്കും.