ബാങ്കുകളിൽ പണലഭ്യതയുടെ പ്രശ്​നമില്ലെന്ന്​ നിർമല സീതാരാമൻ

ന്യൂഡൽഹി: രാജ്യത്തെ ബാങ്കുകളിൽ പണലഭ്യതയുടെ പ്രശ്​നമില്ലെന്ന്​ ധനമന്ത്രി നിർമല സീതാരാമൻ. ധനകാര്യസ്ഥാപനങ്ങള ുടെ മേധാവികളുമായി നടത്തിയ കൂടിക്കാഴ്​ചക്ക്​ ശേഷമായിരുന്നു ധനമന്ത്രിയുടെ പ്രതികരണം.

പണലഭ്യതയിൽ പ്രതിസന്ധി നേരിടുന്നുവെന്ന്​ ഒരു ധനകാര്യ സ്ഥാപനവും പരാതിപ്പെട്ടിട്ടില്ല. വായ്​പകൾക്ക്​ ഡിമാൻറുണ്ട്​. ഗ്രാമീണ മേഖലയിൽ പ്രവർത്തിക്കുന്ന മൈക്രോ ഫിനാൻസ്​ യൂനിറ്റുകൾ നല്ല പ്രകടനമാണ്​ കാഴ്​ചവെക്കുന്നത്​.

വായ്​പകളിൽ നല്ല വളർച്ചയുണ്ടാവുന്നുവെന്നാണ്​ ചെറുകിട ധനകാര്യ സ്ഥാപനങ്ങൾ പറയുന്നത്​. ചെലവ്​ കുറഞ്ഞ ഭവന നിർമാണത്തിനുള്ള വായ്​പകളിലും പുരോഗതിയുണ്ട്​. വാണിജ്യ വാഹന വിൽപന മെച്ചപ്പെടുമെന്നും നിർമല സീതാരാമൻ വ്യക്​തമാക്കി.