ശമ്പളത്തെ കുറിച്ച്​ ഉറപ്പ്​ കിട്ടിയില്ല; തിങ്കളാഴ്​ച മുതൽ സമരമെന്ന്​ ജെറ്റ്​ എയർവേയ്​സ്​ പൈലറ്റുമാർ

ന്യൂഡൽഹി: ശമ്പളത്തെ കുറിച്ച്​ ഉറപ്പ്​ ലഭിക്കാത്തതിനെ തുടർന്ന്​ തിങ്കളാഴ്​​ച മുതൽ അനിശ്​ചിതകാല സമരം ആരംഭിക് കുമെന്ന്​ ജെറ്റ്​ എയർവേയ്​സ്​ പൈലറ്റുമാർ. കഴിഞ്ഞ നാല്​ മാസമായി ജെറ്റ്​ എയർവേയ്​സിലെ പൈലറ്റുമാർക്ക്​ ശമ്പളം ല ഭിച്ചിട്ടില്ല.

ജെറ്റ്​ എയർവേയ്​സ്​ ജീവനക്കാർ യോഗം ചേർന്നതിന്​ ശേഷമാണ്​ സമരത്തിൽ നിന്ന്​ പിൻമാറില്ലെന്ന്​ അറിയിച്ചത്​. എസ്​.ബി.ഐയുടെ നേതൃത്വത്തിൽ ജെറ്റ്​ എയർവേയ്​സിനെ രക്ഷിക്കാനുള്ള ശ്രമങ്ങൾ നടക്കുന്നുണ്ടെങ്കിലും ജീവനക്കാരുടെ ശമ്പളം സംബന്ധിച്ച്​ ഉറപ്പുകളൊന്നും നൽകാൻ കമ്പനി തയാറായിട്ടില്ല. ഇതാണ്​ സമരവുമായി മുന്നോട്ട്​ പോകാൻ ജെറ്റ്​ എയർവേയ്​സ്​ പൈലറ്റുമാരെ പ്രേരിപ്പിക്കുന്നത്​.

ഇത്രയും കാലം കമ്പനിക്കായി പ്രവർത്തിച്ച ജീവന​ക്കരോട്​ നന്ദിയുണ്ട്​. ജെറ്റ്​ എയർവേയ്​സിൻെറ പ്രവർത്തനം സാധാരണഗതിയിലാക്കാനുള്ള ശ്രമങ്ങളാണ്​ നടക്കുന്നത്​. വിമാന കമ്പനിയുടെ പ്രവർത്തനം സുഗമമാക്കാൻ ജീവനക്കാർ സഹകരിക്കണമെന്നും ജെറ്റ്​ എയർവേയ്​സ്​ വക്​താവ്​ അഭ്യർഥിച്ചു.