ഇന്ധനവില വർധന: രാജസ്​ഥാനിൽ നാലു ശതമാനം വാറ്റ്​ കുറച്ചു

ജയ്​പുർ: രാജ്യത്തെ പിടിച്ചുലച്ച്​ ഇന്ധനവില കുതിച്ചുയരുന്ന പശ്ചാത്തലത്തിൽ ഡീസൽ, പെട്രോൾ എന്നിവയുടെ മൂല്യവർധിത നികുതി (വാറ്റ്)​ നാലു ശതമാനം കുറക്കാൻ രാജസ്​ഥാൻ സർക്കാർ തീരുമാനിച്ചു. പെട്രോളിന്​ 30 ശതമാനം വാറ്റ്​ 26 ശതമാനമായും ഡീസലിന്​ 22 ശതമാനത്തിൽനിന്ന്​ 18 ആയുമാണ്​ കുറക്കുക. തെരഞ്ഞെടുപ്പിനൊരുങ്ങുന്ന സംസ്​ഥാനത്ത്​ ഇതോടെ 2.50 രൂപ വില കുറയും.