പാചകവാതക വില 19 രൂപ കൂട്ടി

ന്യൂഡൽഹി: സബ്​സിഡിയില്ലാത്ത പാചകവാതക വില വർധിപ്പിച്ചു. സിലിണ്ടറൊന്നിന്​ 19 രൂപയാണ്​ വർധിപ്പിച്ചത്​. തുടർച്ചയായ അഞ്ചാം മാസമാണ്​ പാചകവാതക വില വർധിപ്പിക്കുന്നത്​. ആഗസ്​റ്റിന്​ ശേഷം വില 140 രൂപ വർധിപ്പിച്ചിരുന്നു.

പുതുക്കിയ വില പ്രകാരം ഇന്ത്യൻ ഓയിൽ കേർപ്പറേഷ​​െൻറ ഇന്ത്യൻ എൽ.പി.ജി സിലിണ്ടറിന്​ ഡൽഹിയിൽ 714 രൂപയും മുംബൈയിൽ 684.5 രൂപയുമാണ്​ വില.

പാചകവാതകത്തിനുള്ള നികുതിയിൽ ഓരോ മാസവും കേന്ദ്രസർക്കാർ വ്യത്യാസം വരുത്തുകയാണ്​. അന്താരാഷ്​ട്രവിപണിയിലെ എൽ.പി.ജി വില, വിദേശ വിനിമയ നിരക്ക്​ എന്നിവയനുസരിച്ചാണ്​ വിലയിൽ മാറ്റം വരുത്തുന്നത്​.