പെട്രോളിന് 1.10 രൂപയും ഡീസലിന്​ 1.07 രൂപയും കുറഞ്ഞു 

തിരുവനന്തപുരം: സംസ്​ഥാന സർക്കാർ നികുതിയിൽ കുറവ്​ വരുത്തിയതോടെ പെട്രോൾ വില ലിറ്ററിന്​​ ​1.10 രൂപയും ഡീസലിന് ​1.07 ​രൂപയും കുറഞ്ഞു. സംസ്​ഥാന സർക്കാർ വരുത്തിയ ഒരു രൂപയുടെ നികുതി കുറവ്​ ഇന്നലെ അർധരാത്രി തന്നെ നിലവിൽ വന്നു. 

ഇതിന്​ പുറമെ പെട്രോളിന്​ 10പൈസയും ഡീസലിന്​ ഏഴു പൈസയുമാണ് എണ്ണക്കമ്പനികൾ കുറച്ചത്. വ്യാഴാഴ്​ച എണ്ണകമ്പനികൾ  പെട്രോളിന്​ ഏഴു പൈസയും ഡീസലിന്​ അഞ്ചു പൈസയും കുറച്ചിരുന്നു.

16 ദിവസത്തെ തുടർച്ചയായ വർധനക്കുശേഷം ഇന്ധന വില ബുധനാഴ്​ച ഒരു പൈസ മാത്രം കുറച്ചത്​ വലിയ വിമർശനത്തിനും പരിഹാസത്തിനും ഇടവരുത്തിയിരുന്നു.