ഒടുവിൽ തെളിഞ്ഞു; നോട്ട്​ പിൻവലിക്കൽ പരാജയമെന്ന്​

ന്യൂഡൽഹി: കഴിഞ്ഞ വർഷം നവംബറിൽ ​നരേന്ദ്രമോദി സർക്കാർ നടപ്പിലാക്കിയ നോട്ട്​ പിൻവലിക്കൽ പരാജയമായിരുന്നുവെന്ന്​ തെളിവാണ്​ ജി.ഡി.പി വളർച്ച നിരക്കിലുണ്ടായ കുറവ്​. 6.1 ശതമാനമാണ് സാമ്പത്തിക വർഷത്തി​​​െൻറ നാലാം പാദത്തിലെ ജി.ഡി.പി വളർച്ച നിരക്ക്​. രണ്ട്​ വർഷത്തിനിടയിലെ ഏറ്റവും താഴ്​ന്ന വളർച്ച നിരക്കാണിത്​. 7.1 ശതമാനം വളർച്ച  നിരക്കാണ് സർക്കാർ​ ​പ്രതീക്ഷിച്ചിരുന്നത്​. കഴിഞ്ഞ വർഷം ഇത്​ 7.6 ശതമാനമായിരുന്നു. സർക്കാർ പ്രതീക്ഷിച്ചതിലും വളരെ താഴയാണ്​ ഇന്ത്യയുടെ ജി.ഡി.പി വളർച്ച നിരക്ക്​. ഇതിലൂടെ ഇന്ത്യക്ക്​ നഷ്​ടമായത്​ അതിവേഗത്തിൽ വളരുന്ന സാമ്പദ്​വ്യവസ്ഥയെന്ന പദവി കൂടിയാണ്​. അങ്ങനെ മോദിയുടെ തുഗ്ലക്​​ പരിഷ്​കാരം ലോക സമ്പദ്​വ്യവസ്ഥക്ക്​ മുന്നിൽ ഇന്ത്യ നാണം കെടുന്നതിനും​ ഇടയാക്കി.

1000,500 രൂപയുടെ നോട്ടുകൾ നിരോധിക്കാനുള്ള തീരുമാനം സമ്പദ്​വ്യവസ്ഥയെ പ്രതികൂലമായി ബാധിക്കുമെന്ന്​ പ്രതിപക്ഷ പാർട്ടികൾ നേരത്തെ തന്നെ ആരോപണമുയർത്തിയിരുന്നു. തോഴിലുകൾ നഷ്​ടപ്പെടുന്നതിനും, അസംഘടിത മേഖലയുടെ വളർച്ച കുറയുന്നതിനും തീരുമാനം കാരണമാവുമെന്നായിരുന്നു പ്രതിപക്ഷത്തി​​​െൻറ മുഖ്യ ആരോപണം. എന്നാൽ പ്രശ്​നങ്ങൾ ചുരിങ്ങിയ കാലത്തേക്ക്​ മാത്രമേ നില നിൽക്കു എന്നായിരുന്നു മോദി സർക്കാറി​​​െൻറ വാദം. ജി.ഡി.പി വളർച്ച സംബന്ധിച്ച പുതിയ കണക്കുകൾ സർക്കാർ വാദത്തെ പൂർണമായി നിരാകരിക്കുന്നതാണ്​.

ആഗോള ധനകാര്യ സ്ഥാപനമായ എച്ച്​.എസ്​.ബി.സി നോട്ട്​ പിൻവലിക്കൽ രാജ്യത്തെ സാമ്പത്തിക വളർച്ച 1 ശതമാനം വരെ കുറയുന്നതിന്​ കാരണമാവുമെന്ന്​ അഭിപ്രായപ്പെട്ടിരുന്നു. സാമ്പത്തിക വർഷത്തി​​​െൻറ രണ്ട്​ പാദങ്ങളിൽ നോട്ട്​ പിൻവലിക്കലി​​​െൻറ വലിയ ആഘാതം ഉണ്ടാവുമെന്നും പൂർണമായും സമ്പദ്​വ്യവസ്ഥ ആഘാതത്തിൽ നിന്ന്​ കര കയറണമെങ്കിൽ ഒര​ു വർഷം കഴിയുമെന്നും എച്ച്​.എസ്​.ബി.സി അവരുടെ റിപ്പോർട്ടിൽ ചൂണ്ടിക്കാട്ടിയിരുന്നു. ഇതിന്​ പുറമേ മുൻ പ്രധാനമന്ത്രി മൻമോഹൻ സിങ്​, സാമ്പത്തിക രംഗത്തെ വിദ്​ഗധരായ അമർത്യാസെൻ, അരുൺ ഷൂരി, കിഷോർ മഹഭൂഭാനി എന്നിവരും നോട്ട്​ പിൻവലിക്കൽ മൂലം രാജ്യ​ത്തി​​​െൻറ സാമ്പത്തിക വളർച്ചയിൽ കുറവുണ്ടാകുമെന്ന്​ അഭിപ്രായപ്പെട്ടിരുന്നു. ഇവരുടെയെല്ലാം അഭിപ്രായ പ്രകടനങ്ങളെ സാധൂകരിക്കുന്നതാണ്​ ബുധനാഴ്​ച പുറത്ത്​ വന്ന ജി.ഡി.പി വളർച്ച നിരക്ക്​.​

നോട്ട്​ പിൻവലിക്കൽ മൂലമുണ്ടായ സാമ്പത്തിക പ്രതിസന്ധി മറികടക്കുക എന്നത്​ സർക്കാറിനെ സംബന്ധിച്ചടുത്തോളം എളുപ്പമാകില്ല. രാജ്യത്തെ നിക്ഷേപത്തി​​​െൻറ അളവിൽ  നെഗറ്റീവ്​ വളർച്ചയാണ്​ രേഖപ്പെടുത്തുന്നത്​. നിർമാണ പ്രവർത്തനങ്ങൾ എതാണ്ട്​ നിലച്ച മട്ടാണ്​. സാമ്പത്തിക വർഷത്തി​​​െൻറ മൂന്നാം പാദത്തിൽ വലിയൊരു തിരിച്ചടി സമ്പദ്​വ്യവസ്ഥക്ക്​ ഉണ്ടായിരുന്നില്ല. ഇത്​ സർക്കാറിന്​ ആത്​മവിശ്വാസം നൽകിയെങ്കിലും നോട്ട്​ പിൻവലിക്കൽ സമ്പദ്​വ്യവസ്ഥയെ എത്രത്തോളം പ്രതികൂലമായി വ്യക്​തമായത്​ നാലാം പാദ ജി.ഡി.പി നിരക്കുകൾ പുറത്ത്​ വന്നപ്പോഴാണ്​.

ജൂലൈയിൽ ജി.എസ്​.ടി നടപ്പിലാകുന്നതോടെ സമ്പദ്​വ്യവസ്ഥിയിൽ ഉണർവുണ്ടാകുമെന്നാണ്​ സർക്കാർ കണക്കുകൂട്ടൽ. പക്ഷേ പശുവിന്​ നൽകുന്ന സംരക്ഷണത്തി​​​െൻറ ചെറിയൊരംശമെങ്കിലും സമ്പദ്​വ്യവസ്ഥക്ക്​ നൽകാൻ സർക്കാർ തയാറായില്ലെങ്കിൽ രാജ്യം കൂടുതൽ അപകടങ്ങളിലേക്ക്​ നീങ്ങും എന്നതിൽ സംശയമില്ല.