മൂന്നര വർഷത്തിനിടെ പൊതുമേഖല ബാങ്കുകൾ പിഴയായി ഇൗടാക്കിയത്​ 10,000 കോടി

ന്യൂഡൽഹി: കഴിഞ്ഞ മൂന്നര വർഷത്തിനിടെ രാജ്യത്തെ പൊതുമേഖല ബാങ്കുകൾ ജനങ്ങളിൽ നിന്ന്​ പിഴയായി ഇൗടാക്കിയത്​ 10000 കേ ാടി രൂപ. അക്കൗണ്ടിൽ മിനിമം ബാലൻസ്​ സൂക്ഷിക്കാത്തതിനും പ്രതിമാസം നിശ്​ചിത പരിധിയിൽ കൂടുതലുള്ള എ.ടി.എം ഇടപാടുകൾ നടത്തിയതിനുമാണ്​ ബാങ്കുകൾ പിഴ ചുമത്തിയിരിക്കുന്നത്​. പാർലമ​െൻറിൽ നൽകിയ മറുപടിയിലാണ്​ സർക്കാർ ഇക്കാര്യം വ്യക്​തമാക്കിയത്​​.

മിനിമം ബാലൻസ്​ സൂക്ഷിക്കാത്തതിനാണ്​ ബാങ്കുകൾ ഏറ്റവും കൂടുതൽ പിഴ ചുമത്തിയിരിക്കുന്നത്​. രാജ്യത്തെ ഏറ്റവും വലിയ പൊതുമേഖല ബാങ്കായ എസ്​.ബി.​െഎ 2,894 കോടി രൂപയാണ്​ മിനിമം ബാലൻസ്​ ഇല്ലാത്തതിന്​ പിഴയിടാക്കിയിരിക്കുന്നത്​. പി.എൻ.ബി 493 കോടി, കനറ-354, സെ​ൻട്രൽ ബാങ്ക്​-348, ബാങ്ക്​ ഒാഫ്​ ബറോഡ-328 കോടി എന്നിങ്ങനെയാണ് ​ഇൗടാക്കിയ പിഴ.

അധിക എ.ടി.എം ഉപയോഗത്തിന്​ 1,554 കോടി എസ്​.ബി.​െഎ പിഴയിടാക്കി. ബാങ്ക്​ ഒാഫ്​ ഇന്ത്യ-464, പഞ്ചാബ്​ നാഷണൽ ബാങ്ക്​-323, യുണിയൻ ബാങ്ക്​ ഒാഫ്​ ഇന്ത്യ-241, ബാങ്ക്​ ഒാഫ്​ ബറോഡ-183 എന്നിങ്ങനെയാണ്​ അധിക എ.ടി.എം ഉപയോഗത്തിന്​ ബാങ്കുകൾ ചുമത്തിയിരിക്കുന്ന പിഴ. സ്വകാര്യ ബാങ്കുകൾ ഇൗടാക്കിയ പിഴ കണക്കുകളിൽ ഉൾപ്പെടുത്തിയിട്ടില്ല.