2000 രൂപ നോട്ട്​ ആർ.ബി.​െഎ പിടിച്ചുവെച്ചിട്ടുണ്ടാകാമെന്ന്​ എസ്​.ബി.​െഎ

ന്യൂഡൽഹി: 2000 രൂപ നോട്ട്​  റിസർവ്​ ബാങ്ക്​  ഒന്നുകിൽ പിടിച്ചുവെക്കുകയോ അല്ലെങ്കിൽ അതി​​െൻറ അച്ചടി നിർത്തുകയോ ചെയ്​തിട്ടുണ്ടാകാമെന്ന്​ ​ സ്​റ്റേറ്റ്​ ബാങ്ക്​ ഒാഫ്​ ഇന്ത്യ ഗവേഷണ വിഭാഗത്തി​​െൻറ റിപ്പോർട്ട്​. 2017 മാർച്ചുവരെ 3,50,100 കോടിയുടെ കുറഞ്ഞ മൂല്യമുള്ള കറൻസികൾ രാജ്യത്ത്​ വിനിമയത്തിലുണ്ടായിരുന്നു. അതോടൊപ്പം ഉയർന്ന മൂല്യമുള്ള കറൻസികൾ ഡിസംബർ എട്ടുവരെ 13,32,400 കോടിയുടേതിന്​ തുല്യമാണ്​.  അഞ്ഞൂറി​​െൻറ 1,69,570 ലക്ഷം നോട്ടുകളും  2000​​െൻറ 36,540 ലക്ഷം നോട്ടുകളും ആർ.ബി.​െഎ അച്ചടിച്ചതായാണ്​ അടുത്തിടെ ധനമന്ത്രാലയം ലോക്​സഭയിൽ വെളിപ്പെടുത്തിയത്​.

ഇൗ നോട്ടുകളുടെ ആകെ മൂല്യം 15,78,700 കോടി വരും​. ഇതിനർഥം, 15,78,700 കോടിയിൽനിന്ന്​ 13,32,400കോടി കുറച്ചാൽ കിട്ടുന്ന 2,46,300 കോടി വരുന്ന ഉയർന്ന മൂല്യമുള്ള നോട്ടുകൾ ഒന്നുകിൽ ആർ.ബി.​െഎ അച്ചടിക്കുകയോ  വിപണിയിൽ എത്താതിരിക്കുകയോ ചെയ്​തിട്ടുണ്ടെന്നാണെന്ന്​  എസ്​.ബി.​െഎയുടെ പ്രധാന സാമ്പത്തികോപദേഷ്​ടാവായ സൗമ്യ കാന്തി ഘോഷ്​ തയാറാക്കിയ റിപ്പോർട്ടിൽ പറയുന്നത്​. അതേസമയം, 2,46,300 കോടി വരുന്ന കുറഞ്ഞ മൂല്യമുള്ള (50, 200 രൂപ) നോട്ടുകൾ ആർ.ബി.​െഎ അച്ചടിച്ചിരിക്കാനുള്ള സാധ്യതയും റിപ്പോർട്ടിൽ ചൂണ്ടിക്കാണിക്കുന്നു.  

2000 രൂപ നോട്ടുകൾ വിനിമയത്തിൽ പ്രതിസന്ധി സൃഷ്​ടിക്കുമെന്ന്​ മനസ്സിലാക്കി അച്ചടി നിർത്തിയതോ അല്ലെങ്കിൽ വളരെ കുറച്ചു വീതം അച്ചടിക്കു​കയോ ചെയ്​തിരിക്കാനുള്ള സാധ്യതയും എസ്​.ബി.​െഎ ഏജൻസിയായ ഇകോഫ്ലാഷി​​െൻറ റിപ്പോർട്ടിൽ പറയുന്നു.