റിലയൻസ്​ ഇൻഡസ്​ട്രീസിനെ വിഭജിക്കുന്നു

മുംബൈ: മുകേഷ്​ അംബാനിയുടെ ഉടമസ്ഥതയിലുള്ള റിലയൻസ്​ ഇൻഡസ്​ട്രീസിനെ നാല്​ കമ്പനികളാക്കി വിഭജിക്കുന്നു. എണ്ണ ശുദ്ധീകരണം-വിപണനം, പര്യവേഷണം -ഉൽപാദനം, പെട്രോകെമിക്കൽസ്​-ടെക്​സ്​റ്റൈൽസ്​, ഹൈഡ്രോകാർബൺ-റിയൽ എസ്​റ്റേറ്റ്​ എന്നിങ്ങനെ നാല്​ മേഖലകളിലെ കമ്പനികളാക്കി വിഭജിക്കാനാണ്​ റിലയൻസി​​െൻറ പദ്ധതി​. ലൈവ്​ മിൻറാണ്​ ഇതുസംബന്ധിച്ച വാർത്ത പുറത്ത്​ വിട്ടത്​.

ഏകദേശം 1000 കോടിയുടെ ഒാഹരി വിഹിതമാകും കമ്പനികൾക്ക്​ ഉണ്ടാവുക. കമ്പനികൾ രൂപകരീക്കുന്നതിനായി കോർപ്പറേറ്റ്​ അ​ഫയേഴ്​സ്​ മന്ത്രാലയത്തെ റിലയൻസ്​ വൈകാതെ തന്നെ സമീപിക്കുമെന്നാണ്​ സൂചന. പുതിയ കമ്പനികൾ രൂപീകരിക്കു​ന്നതോടെ കൂടുതൽ കാര്യക്ഷമമായി പ്രവർത്തിക്കാൻ കഴിയുമെന്നാണ്​ റിലയൻസി​​െൻറ വിശ്വാസം.

നിലവിൽ ഒറ്റ കമ്പനിയാണെങ്കിലും ആറ്​ വിഭാഗങ്ങളിലായാണ്​ റിലയൻസ്​ ഇൻഡസ്​ട്രീസ്​ പ്രവർത്തിക്കുന്നത്​. എണ്ണശുദ്ധീകരണം വിപണനം, പെട്രോ കെമിക്കല്‍സ്, ഓയില്‍ ആൻറ്​ ഗ്യാസ് പര്യവേഷണം, റീട്ടെയില്‍, ടെലികോം-ഡിജിറ്റല്‍ സര്‍വീസസ്, മീഡിയ ആൻറ്​ എൻറര്‍ടെയിൻമ​െൻറ്​ എന്നിങ്ങനെ ആറ്​ വിഭാഗങ്ങളാണ്​ നിലവിൽ റിലയൻസിനുള്ളത്​.