നോട്ട്​ പിൻവലിക്കൽ: നിസാൻ ജീവനക്കാരുടെ എണ്ണം കുറയ്​ക്കുന്നു

ചെന്നൈ:​ നോട്ട്​ പിൻവലിക്കലി​െൻറ പശ്​ചാത്തലത്തിൽ കാറുകളുടെ ആവശ്യകതിൽ കുറവ്​ വന്നതിനാൽ  നിസാൻ ചെന്നൈയിലെ കാർ പ്ലാൻറി​ലെ ജീവനക്കാരടെ എണ്ണം വെട്ടികുറയ്​ക്കുന്നു. മൂന്നാം ഷിഫ്​റ്റിലെ കാറുകളുടെ ഉൽപ്പാദനം പൂർണ്ണമായും നിസാൻ നിർത്തുകയാണ്​. ഏകദേശം 1,920 പേരാണ്​ ഇൗ ഷിഫ്​റ്റിൽ കമ്പനിക്കായി ജോലി ചെയ്​തിരുന്നത്​. ഇതിൽ ആദ്യഘട്ടത്തിൽ 800 താൽകാലിക ജീവനക്കാരെ ഒഴിവാക്കാനാണ്​ കമ്പനി ഉദേശിക്കുന്നത്​. കൂടുതൽ കാറുകൾ നിർമ്മിച്ചിരിക്കുന്നതിനാൽ തൽകാലത്തേക്ക്​ നിർമാണം കുറയ്​ക്ക​ുന്നുവെന്നാണ്​​ ​ കമ്പനി നൽകുന്ന വിശദീകരണം.

ഇപ്പോൾ തന്നെ ഏകദേശം 3,450 നിസാൻ റെഡിഗോ കാറുകളും, 5,260 റെനോ ക്വിഡ്​ കാറും ഇതിനകം ഉൽപ്പാദിപ്പിച്ചിട്ടുണ്ട്​. എന്നാൽ നോട്ട്​ പിൻവലിക്കൽ തീരുമാനം മൂലം കാറുകളുടെ ആവശ്യകതയിൽ ഡീലർഷിപ്പുകളിൽ നിന്ന്​ കുറവ്​ അനുഭവപ്പെടുകയാണ്​. ഇതാണ്​ ഇത്തരമൊരു നടപടിയെടുക്കാൻ നിസാനെ പ്രേരിപ്പിച്ചത്​.