സെൻസെക്​സ്​: നിക്ഷേപകരുടെ ഒരു ദിവസത്തെ നഷ്​ടം രണ്ട്​ ലക്ഷം കോടി

ന്യൂഡൽഹി: ബോംബൈ സൂചികയായ സെൻസെക്​സി​​​​െൻറ ചൊവ്വാഴ്​ചത്തെ ആകെ നഷ്​ടം രണ്ട്​ ലക്ഷം കോടി. സെൻസെക്​സ്​ 429 പോയിൻറ്​ താഴ്​ന്നതോടെയാണ്​ നിക്ഷേപകർക്ക്​ വൻ നഷ്​ടമുണ്ടായത്​​. നിഫ്​റ്റിയും നഷ്​ടത്തിലാണ്​ ​​വ്യാപാരം അവസാനിപ്പിച്ചത്​. ബി.എസ്​.ഇയിൽ ലിസ്​റ്റ്​ ചെയ്​ത കമ്പനികളുടെ ആകെ മൂല്യം 146 ലക്ഷം കോടിയായിരുന്നു വിപണിയുടെ നഷ്​ടത്തോടെ ഇത്​ 144 ലക്ഷം കോടിയായി കുറഞ്ഞു.

ഗീതാഞ്​ജലി ജ്വല്ലറിയുമായി ബന്ധപ്പെട്ട തട്ടിപ്പ്​ കേസിൽ ​െഎ.സി.​െഎ.സി.​െഎ, ആക്​സിസ്​ ബാങ്കുകളുടെ മേധാവികളും സംശയത്തി​​​​െൻറ നിഴലിൽ വന്നത്​ വിപണിയെ സ്വാധീനിച്ചുവെന്നാണ്​ വിലയിരുത്തൽ. സ്​റ്റീലി​​​​െൻറ​ ഇറക്കുമതി ചൂങ്കം വർധിപ്പിച്ച അമേരിക്കൻ നടപടിക്കെതിരെ യൂറോപ്യൻ യൂണിയിൻ കടുത്ത നിലപാടെടുക്കാനുള്ള സാധ്യതയും വിപണിയെ പ്രതികൂലമായി ബാധിച്ചു. 

വിദേശനിക്ഷേപകർ വൻതോതിൽ ഒാഹരികൾ വിറ്റഴിച്ചതും ബജറ്റ്​ കമ്മി സംബന്ധിച്ച ഒാകസ്​​ഫോർഡ്​ റി​പ്പോർട്ടും ഒാഹരി വിപണിക്ക്​ തിരിച്ചടിച്ചു.