രൂപയുടെ മൂല്യം ഇടിഞ്ഞു

ന്യൂഡൽഹി: ആർ.ബി.​െഎയും കേന്ദ്രസർക്കാറും തമ്മിലുള്ള പ്രശ്​നം രൂക്ഷമാകുന്നതിനിടെ രൂപയുടെ മൂല്യം വീണ്ടും ഇടിഞ്ഞു. 43 പൈസ നഷ്​ടത്തിൽ 74.11ലാണ്​ രൂപ ഡോളറിനെതിരെ ബുധനാഴ്​ച വ്യാപാരം ആരംഭിച്ചത്​. ഇറക്കുമതിക്കാർക്കിടയിൽ​ ഡോളറി​​െൻറ ആവശ്യകത വർധിച്ചത്​ രൂപയുടെ മൂല്യം ഇടിയാൻ കാരണമായതായി വിലയിരുത്തലുണ്ട്​.

ആഗോളതലത്തിൽ​ മറ്റ്​ കറൻസികൾക്കെതിരെ ഡോളർ കരുത്താർജിക്കുകയാണ്​. സർക്കാറും ആർ.ബി.​െഎയും തമ്മിലുള്ള പ്രശ്​നങ്ങളും രൂപക്ക്​ തിരിച്ചടിയാവുന്നുണ്ട്​. അമേരിക്കൻ സമ്പദ്​വ്യവസ്ഥ കരുത്താർജിക്കുന്നത്​ മൂലം വിദേശനിക്ഷേപകർ ഇന്ത്യൻ വിപണിയിൽ നിന്ന്​ പണം പിൻവലിക്കുകയാണ്​. രൂപയുടെ മൂല്യം ഇടിയാൻ ഇതും ഒരു കാരണമാണ്​.

ചൊവ്വാഴ്​ച 23 പൈസ നഷ്​ടത്തോടെ 73.68ലാണ്​ വ്യാപാരം അവസാനിപ്പിച്ചത്​. 1.5 ശതമാനം നഷ്​ടമാണ്​ ഒരു മാസം രൂപക്കുണ്ടായത്​.