രൂപയുടെ മൂല്യമിടിഞ്ഞു

മുംബൈ: ഡോളറിനെതിരെ രൂപയുടെ മൂല്യം 21 പൈസ കുറഞ്ഞ്​ 68.46 രൂപയായി. ഒമ്പത്​ മാസത്തിനിടയിലെ ഏറ്റവും കുറഞ്ഞ മൂല്യത്തിലാണ്​ രൂപ. ഡോളർ കൂടുതൽ ശക്​തിപ്പെട്ടതാണ്​ രൂപയുടെ മൂല്യമിടിയുന്നതിലേക്ക്​ നയിച്ചത്​.
​
എന്നാൽ, ഒാഹരി വിപണികളെല്ലാം നേട്ടത്തിലാണ്​ വ്യാപാരം ആരംഭിച്ചത്​. ബോംബൈ ​സൂചിക സെൻസെക്​സ്​ 169.71 പോയിൻറ്​ ഉയർന്ന്​ 26,130.49 പോയിൻറിലാണ്​ ഇപ്പോൾ വ്യാപാരം നടത്തുന്നത്​. ദേശീയ സൂചി നിഫ്​റ്റിയും നേട്ടത്തിൽ തന്നെയാണ്​. നിഫ്​റ്റ്​ 17.35 പോയിൻറ്​ ഉയർന്ന്​ 8,019.25ലാണ്​ വ്യാപാരം.