രൂപ​ വീണ്ടും തകർന്നു

ന്യൂഡൽഹി: ഡോളറിനെതിരെ രൂപയുടെ വിനിമയ മൂല്യം വീണ്ടും ഇടിഞ്ഞു.  37 പൈസ കുറഞ്ഞ്​ 65.65 രൂപയാണ്​ വിനിമയ മൂല്യം. യു.എസി​​െൻറ മികച്ച സാമ്പത്തിക റിപ്പോർട്ട്​ ഡോളറിന്​ കരുത്താകുകയായിരുന്നു. ​മറ്റ്​ കറൻസിക​ൾക്കെതിരെയും മികച്ച പ്രകടനമാണ്​ ഡോളർ കഴ്​ചവെക്കുന്നത്​.

യു.എസ്​ ഫെഡറൽ നിരക്കുകൾ കുറക്കാനുള്ള സാധ്യതയും ഡോളറിന്​ കരുത്താകുകയായിരുന്നു. യു.എസി​​െൻറ നിർമാണ മേഖലയിലും ഉണർവ്​ കാണുന്നുണ്ട്​. ഇന്ത്യയിലെ സാമ്പത്തിക മേഖലയിലെ തിരിച്ചടികളും രൂപയെ പ്രതികൂലമായി ബാധിച്ചുവെന്ന്​ റിപ്പോർട്ടുകളുണ്ട്​.

അതേ സമയം ഒാഹരി വിപണികൾ നേട്ടത്തോടെയാണ്​ വ്യാപാരം നടത്തുന്നത്​. ബോംബൈ സൂചിക സെൻസെക്​സ്​ 200 പോയിൻറിലേറെ നേട്ടത്തിലാണ്​​. ദേശീയ സൂചിക നിഫ്​റ്റിയും 70 പോയിൻറ്​ നേട്ടം രേഖപ്പെടുത്തി.