രൂപ വീണ്ടും താഴേക്ക്​

മുംബൈ: ഡോളറിനെതിരെ രൂപയുടെ വിനിമയ മൂല്യം വീണ്ടും ​െറക്കോർഡ്​ നഷ്​ടത്തിലേക്ക്​. വ്യാഴാഴ്​ച ഡോളറിനെതിരെ 74.48ലാണ്​ രൂപ വ്യാപാരം നടത്തുന്നത്​. 74.37ൽ വ്യാപാരം ആരംഭിച്ച രൂപ പിന്നെയും തകരുകയായിരുന്നു. 0.4 ശതമാനം നഷ്​ടമാണ്​ രൂപക്ക്​ വ്യാഴാഴ്​ച ഉണ്ടായത്​.

ബുധനാഴ്​ച 18 പൈസ നേട്ടത്തോടെ 74.21ലാണ്​ രൂപ വ്യാപാരം അവസാനിപ്പിച്ചത്​. ആറ്​ സെഷനുകളിലെ നഷ്​ടത്തിന്​ ശേഷമാണ്​ കഴിഞ്ഞ ദിവസം രൂപ നേട്ടമുണ്ടാക്കിയത്​.

അമേരിക്കൻ കറൻസിയുടെ ആവശ്യകത വർധിച്ചതും വിപണിയിൽ നി​ന്നുള്ള വിദേശ ഫണ്ടി​​െൻറ ഒഴുക്കും രൂപയുടെ തകർച്ചക്ക്​ കാരണമായി. ആഭ്യന്തര ഒാഹരി വിപണികളുടെ നഷ്​ടവും രൂപക്ക്​ പ്രതിസന്ധി സൃഷ്​ടിക്കുന്നുണ്ട്​. ഇതിന്​ പുറമേ ധനകമ്മി കൂടുമെന്ന ആശങ്കയും വെല്ലുവിളിയാവുന്നുണ്ട്​.