ആരോഗ്യ ഇൻഷുറൻസ്​ പ്രീമിയം നിരക്ക്​ കുതിക്കുന്നു

മുംബൈ: ആരോഗ്യ ഇൻഷുറൻസ്​ പ്രീമിയം നിരക്ക്​ വർധിക്കുന്നു. ​വാർഷിക പ്രീമിയം നിരക്ക്​ ഇരട്ടിയായാണ്​ വർധിച്ചിരിക്കുന്നത്​. മുതിർന്ന പൗരൻമാർക്ക്​ ഇത്​ കനത്ത വെല്ലുവിളി ഉയർത്തുന്നുണ്ട്​. അതേ സമയം, വാർധക്യത്തിൽ മറ്റൊരു ഇൻഷുറൻസ്​ കമ്പനിയിലേക്ക്​ മാറാൻ മുതിർന്ന പൗരൻമാർക്ക്​ സാധിക്കില്ല.

പ്രീമയത്തിലെ നോ ക്ലെയിം ആനുകൂല്യത്തിന്​ നൽകുന്ന 15 ശതമാനം ഡിസ്​കൗണ്ട്​ കമ്പനികൾ എടുത്തു കളഞ്ഞതോടെയാണ്​ പ്രീമിയം നിരക്ക്​ കുതിച്ചുയർന്നത്​. രണ്ടംഗങ്ങൾ മാത്രമുള്ള കുടുബങ്ങൾക്ക്​ നൽകിയിരുന്ന 10 ശതമാനം ഡിസ്​കൗണ്ടും കമ്പനികൾ പിൻവലിച്ചു.

പ്രീമിയം ക്ലെയിം ചെയ്യാത്തവരിൽ നിന്ന്​ അധിക തുക ഇൗടാക്കരുതെന്ന്​ ​െഎ.ആർ.ഡി.എ 2013ൽ ഉത്തരവിട്ടിരുന്നു. ഇതേ തുടർന്നാണ്​ പ്രത്യേക ഡിസ്​കൗണ്ട്​ നൽകുന്നത്​ ഇൻഷുറൻസ്​ കമ്പനികൾ നിർത്തിവെച്ചത്​. മൂന്ന്​ വർഷത്തിലൊരിക്കലാണ്​ പ്രീമിയം നിരക്കുകൾ ഉയർത്താൻ ഇൻഷുറൻസ്​ കമ്പനികൾക്ക്​ ​െഎ.ആർ.ഡി.എ അനുമതി നൽകുന്നത്​. ഇതും പ്രീമിയം നിരക്കുകൾ ഉയരാൻ കാരണമായി.