സൈറസ്​ മിസ്​ട്രിക്ക്​ തിരിച്ചടി; എൻ.സി.എൽ.എ.ടി ഉത്തരവ്​ നടപ്പാക്കുന്നത്​ കോടതി തടഞ്ഞു

ന്യൂഡൽഹി: ടാറ്റ സൺസ്​ മുൻ ചെയർമാൻ സൈറസ്​ മിസ്​ട്രിക്ക്​ തിരിച്ചടിയായി സുപ്രീംകോടതി ഉത്തരവ്​. നാഷണൽ കമ്പനി ന ിയമ അപ്​ലേറ്റ്​ അതോറിറ്റിയുടെ ഉത്തരവ്​ നടപ്പാക്കുന്നത്​ സുപ്രീംകോടതി തടഞ്ഞു. മിസ്​ട്രിയെ ടാറ്റ സൺസിൽ വീണ് ടും ചെയർമാനാക്കിയായിരുന്നു അതോറിറ്റിയുടെ ഉത്തരവ്​. ഇതിനെതിരെ ടാറ്റ സൺസ്​ സുപ്രീംകോടതിയെ സമീപിക്കുകയായിരുന്നു. കേസുമായി ബന്ധപ്പെട്ട്​ മിസ്​ട്രിക്ക്​ സുപ്രീംകോടതി നോട്ടീസയക്കുകയും ചെയ്​തിട്ടുണ്ട്​.

ഡിസംബർ 18നാണ്​ മിസ്​ട്രിയെ വീണ്ടും ടാറ്റ ഗ്രൂപ്പി​​​​​​െൻറ എക്​സിക്യൂട്ടീവ്​ ചെയർമാനായി നിയമിച്ച്​ നാഷണൽ കമ്പനി നിയമ ട്രിബ്യൂണലി​​​​​​െൻറ അപ്​ലേറ്റ്​ അതോറിറ്റി ഉത്തരവിറക്കിയത്​. രത്തൻ ടാറ്റ ഇടക്കാല ചെയർമാനായതിനെ തുടർന്ന്​ മൂന്ന്​ വർഷങ്ങൾക്ക്​ മുമ്പ്​ സൈറസ്​ മിസ്​ട്രിയെ ചെയർമാൻ സ്ഥാനത്ത്​ നിന്ന്​ പുറത്താക്കിയിരുന്നു.

ടാറ്റ ഗ്രൂപ്പിൽ 18 ശതമാനം ഓഹരികളാണ്​ സൈറസ്​ മിസ്​ട്രിയുടെ കുടുംബത്തിനുള്ളത്​​. 2016 ഒക്​ടോബർ 24നാണ്​ മിസ്​ട്രിയെ ടാറ്റയുടെ ചെർമാൻ സ്ഥാനത്ത്​ നിന്ന്​ മാറ്റിയത്​. രത്തൻ ടാറ്റയുടെ പല നടപടികളേയും വിമർശിച്ചയാളായിരുന്നു സൈറസ്​ മിസ്​ട്രി.