ജി.എസ്.ടി നിങ്ങളുടെ കീശ നിറക്കുമോ? അറിയേണ്ടതെല്ലാം..

ഇന്ന്​ അർധരാത്രി തുടക്കമിടുന്ന ചരക്കുസേവന നികുതി അതിരുകളില്ലാത്ത ദേശീയ വിപണിക്ക്​ രൂപം നൽകും. തുടക്കത്തിൽ ചില പ്രശ്​നങ്ങൾ ഉണ്ടാകാം. എന്നാൽ വരുംകാലത്ത്​ നികുതി വെട്ടിപ്പ്​ തടയാനും വിലക്കയറ്റം നിയന്ത്രിക്കാനും വഴിയൊരുക്കും. ഏതൊരു മാറ്റത്തിനും അതി​​േൻറതായ പ്രശ്​നങ്ങൾ ഉണ്ട്​. പക്ഷെ കാലക്ര​േമണ അത്​ കെട്ടടങ്ങുകയ​ും രാജ്യത്തിന്​ നേട്ടമാവുകയും ചെയ്യും. ഇൗ വിഷയത്തിൽ രാഷ്​ട്രീയം ഒഴിച്ചു നിർത്തണം. ജി.എസ്​.ടി സംബന്ധിച്ച എല്ലാ തീരുമാനങ്ങളും എടുത്തത്​ എല്ലാ പാർട്ടികളും യോജിച്ചാണ്​.  ഭേദഗതി പാർലമ​​​െൻറിൽ പാസാക്കാൻ എല്ലാ പാർട്ടികളും സഹകരിച്ചു. കശ്​മീർ ഒഴിച്ച്​ എല്ലാ സംസ്​ഥാനങ്ങളും ജി.എസ്​.ടി നിയമം പാസാക്കി. ഇൗ കൂട്ടായ്​മയോടെ ഇതിനു തുടക്കമിടുകയും വേണം. റിയൽ എസ്​റ്റേറ്റ്​ മേഖലയെ അടുത്ത വർഷം ജി.എസ്​.ടിയുടെ പരിധിയിൽ കൊണ്ടുവരും. ഒന്ന്-രണ്ട്​ വർഷത്തിനകം പെ​ട്രോളിയം ഉൽ​പന്നങ്ങൾ പുതിയ നികുതി പരിധിയിൽ ആക്കാൻ നടപടി തുടങ്ങും.

അരുൺ ​െജയ്​റ്റ്​ലി, കേന്ദ്ര ധനമന്ത്രി 

 

• ആഡംബര കാറുകൾക്ക് വില കുറയും. 28 ശതമാനം നികുതിഘടനയിലാണ് (15 ശതമാനം സെസ്​ പുറമെ)ഉൾപ്പെടുന്നതെങ്കിലും മുമ്പ് 55 ശതമാനംവരെ നികുതിയുണ്ടായിരുന്നു. ഒന്നര ലക്ഷം മുതൽ ഏഴ് ലക്ഷംവരെ കുറവുണ്ടായേക്കാം
• സ്വർണത്തിന് വില കൂടും. മൂന്ന് ശതമാനമെന്ന പ്രത്യേക നികുതി ഘടനയിലാണ് സ്വർണം ഉൾപ്പെടുന്നത്. പവന് 600 രൂപവരെ ഉയർന്നേക്കും. പഴയ സ്വർണം വിറ്റ് പണമാക്കി മാറ്റുന്നത് ഉപഭോക്താവിന് നഷ്​ടക്കച്ചവടമാണ്. ഒരു ലക്ഷത്തി​​​െൻറ ഇടപാടിൽ 3000 രൂപവരെ നഷ്​ടമാകും. 
• പാദരക്ഷകൾ രണ്ട് നികുതി ഘടനയിലാണ് ഉൾപ്പെടുന്നത്. 500 രൂപവരെയുള്ളവക്ക് അഞ്ച് ശതമാനം. അതിന് മുകളിലുള്ളവക്ക് 18 ശതമാനം. വില കുറഞ്ഞവക്ക് വില കുറയാനും വില കൂടിയ ഇനങ്ങൾക്ക് കൂടാനുമാണ് സാധ്യത. കേരളത്തിലെ പാദരക്ഷ വ്യവസായത്തിന്  അനുകൂലമാകുമെന്നാണ് ആദ്യനിഗമനം.
   
  

   

• ഇലക്േട്രാണിക് ഉൽപന്നങ്ങൾ 28 ശതമാനം നികുതി ഘടനയിലാണ് ഉൾപ്പെടുന്നത്. നിലവിൽ 26.2 ശതമാനമായിരുന്നു നികുതി. നേരിയ വിലക്കയറ്റ സാധ്യതയുണ്ടെങ്കിലും കടുത്ത വിൽപന മത്സരം നടക്കുന്ന മേഖലയായതിനാൽ ഇക്കാര്യം കണ്ടറിയണം.
• മൊബൈൽ ഫോണുകൾക്ക് വില കുറയാൻ സാധ്യത ഉണ്ടെങ്കിലും മൊബൈൽ സേവനങ്ങൾക്ക് ചെലവേറും. മൊബൈൽ, ഡി.ടി.എച്ച്, ബാങ്ക് സേവനങ്ങൾക്ക് നിലവിലെ 14 .5 ശതമാനത്തിൽനിന്ന് 18 ആക്കിയതാണ് കാരണം.
• നികുതിയിൽനിന്ന് ഒഴിവാക്കിയവയുടെ പട്ടികയിലാണ് അരി അടക്കമുള്ള ധാന്യങ്ങൾ വരുന്നത്. അതിനാൽ വില കുറയും.
• 28 ശതമാനമെന്ന ഉയർന്ന നികുതി ഘടനയിലാണ്​ വാച്ച്​ ഉൾപ്പെടുന്നത്​. അതിനാൽ വിലയിൽ മാറ്റത്തിന്​ സാധ്യത.  
• 25 ശതമാനം കൊഴുപ്പുനികുതി ഈടാക്കിയിരുന്ന ബർഗർ, പിസ തുടങ്ങിയ ജംഗ് ഫുഡുകൾക്ക് വില കുറയും. അവയെ അഞ്ച് ശതമാനം നികുതിപ്പട്ടികയിൽ ഉൾപ്പെടുത്തിയതോടെയാണ് ഇത്.
   
  

   

• പഴങ്ങൾക്കും പച്ചക്കറിക്കും നികുതിയില്ല. ഇത് വില കുറയാൻ ഇടയാക്കിയേക്കും. അതേസമയം, ശീതീകരിച്ച പച്ചക്കറികൾ അഞ്ച് ശതമാനം നികുതിഘടനയിലാണ് ഉൾപ്പെടുത്തിയത്. അതിനാൽ വില വ്യത്യാസം ഏറും.
• ഇറച്ചിക്കോഴിക്ക് വില കുറയും. നികുതി ഇല്ലാത്തവയുടെ പട്ടികയിലാണ് ഇവയുടെ സ്​ഥാനം. നേരത്തേ 14.5 ശതമാനമായിരുന്നു വാറ്റ്. കിലോക്ക് ചുരുങ്ങിയത് 10 രൂപയെങ്കിലും കുറഞ്ഞേക്കും.
• അച്ചാറുകൾക്ക് ചില്ലറയായി വിൽക്കുമ്പോൾ നികുതിയില്ലെങ്കിലും പായ്ക്ക് ചെയ്ത് വിപണിയിൽ ഇറക്കുമ്പോൾ 18 ശതമാനം നികുതി നൽകണം
• കൈത്തറി വസ്​ത്രങ്ങൾക്ക് വില കൂടാനിടയാക്കുന്നതാണ് പുതിയ നികുതിഘടന. നികുതിയില്ലാത്ത പട്ടികയിലുണ്ടായിരുന്ന കൈ നൂലിന് അഞ്ച് ശതമാനം നികുതി ചുമത്തും. പവർലൂമിൽ ഉപയോഗിക്കുന്ന കോൺ നൂലിനും ഇതേ നികുതി നിരക്കുതന്നെ.
• സിനിമക്ക് വിനോദനികുതി രണ്ടുവിധം. 100 രൂപക്ക് മുകളിൽ നിരക്കുള്ള ടിക്കറ്റുകൾക്ക് 28 ശതമാനവും 100 രൂപയിൽ താഴെയുള്ളവക്ക് 18 ശതമാനവുമാണ് നികുതി.
   

കേന്ദ്രത്തിന്​ നേട്ടം ആദായ നികുതിയിൽ
​േകന്ദ്ര, സംസ്​ഥാന സർക്കാറുകളുടെ നികുതി വരുമാനത്തിൽ കാര്യമായ വർധനയുണ്ടാകും. ഉൽ​പാദകർക്ക്​ ഇൻപുട്ട്​ ടാക്​സ്​ ക്രെഡിറ്റ്​ ലഭിക്കണമെങ്കിൽ അസംസ്​കൃത വസ്​തുക്കൾ വാങ്ങിയപ്പോൾ നൽകിയ നികുതിയുടെ രേഖകൾ നൽകണം. ഇൗ ഉൽപന്നം വിൽക്കുന്ന വ്യാപാരിക്ക്​ ഇൻപുട്ട്​ ടാക്​സ്​ ക്രെഡിറ്റ്​ ലഭിക്കണമെങ്കിൽ ഉൽപാദകൻ നികുതി അടച്ചതി​​​​െൻറ ​രേഖകൾ വേണം.ജി.എസ്​.ടി നടപ്പാക്കുന്നതോടെ നികുതി വെട്ടിച്ച്​ വ്യാപാരം നടത്തൽ പ്രയാസമാകും. ഇത്​ നികുതി ചോർച്ച  പൂർണമായി തടയും.  അതുവഴി കേന്ദ്ര-സംസ്​ഥാന സർക്കാറുകളുടെ വരുമാനം ഗണ്യമായി കൂടും. ​േ​കന്ദ്ര സർക്കാറി​ന്​ ആദായ നികുതി വരുമാനത്തിൽ വൻ വർധനക്ക്​ വഴിയൊരുക്കും. നിലവിൽ ജനസംഖ്യയുടെ രണ്ട്​ ശതമാനത്തിൽ താഴെ പേരാണ്​ ആദായ നികുതി നൽകുന്നത്​. ഇനി ഇടപാടുകൾ രേഖകൾ വഴിയാക്കു​േമ്പാൾ കൂടുതൽ ​േപർ നികുതി വലയിൽ വരും.  ഇൻപുട്ട്​ ടാക്​സ്​ ക്രെഡിറ്റ്​ അടിസ്​ഥാനമാക്കി വാറ്റ്​ നടപ്പാക്കിയ​പ്പോൾ ആദായ നികുതി പിരിവിൽ വൻവർധനയുണ്ടായിരുന്നു. അത്​ വീണ്ടും കൂടും. 

ചെറുകിട- ഇടത്തരം സംരംഭകർ
രാജ്യത്തുള്ളത്​ മൂന്നുകോടിയിലേ​റെ ചെറുകിട, ഇടത്തരം സംരംഭകർ. വ്യാവസായിക ഉൽപാദനത്തി​​​​െൻറ 50​ ശതമാനവും കയറ്റുമതിയുടെ 42 ശതമാനവും സംഭാവന ചെയ്യുന്ന മേഖല​. ജി.എസ്​.ടി സംബന്ധിച്ച് ധാരണക്കുറവേറെ. 

ആശങ്കകൾ
1  75 ലക്ഷം രൂപക്ക്​ മുകളിൽ വാർഷിക വിറ്റുവരവുള്ള ചെറുകിട വ്യവസായങ്ങൾക്ക്​ ജി.എസ്​.ടി പ്രതികൂലം. മുമ്പ്​ ലഭിച്ച നികുതിയുമായി ബന്ധപ്പെട്ട ആനുകൂല്യങ്ങൾ ഇല്ലാതായതോടെ കോർപറേറ്റുകളോടാണ്​ മത്സരിക്കേണ്ടിവരിക. വർധിക്കുന്ന ഉൽപാദനച്ചെലവ്​,  മത്സരക്ഷമതക്കുള്ള സാഹചര്യം എന്നിവ തിരിച്ചടിയാകും. ചെറുകിട- ഇടത്തരം സംരംഭകർക്കും കോർപറേറ്റുകൾക്കും ഒരേ ഉൽപന്നങ്ങൾക്ക്​ ഒരേ നികുതിയാണ്​ വരിക.  ഇത്​ ചെറുകിട സംരംഭങ്ങളെ ഇല്ലാതാക്കും. 
2   കട്ടിള, ജനൽ, ഹോളോബ്രിക്​സ്​ തുടങ്ങി സിമൻറ്​ അധിഷ്​ടിത നിർമാണ സംരംഭകർക്ക്​ ദോഷകരം. 28 ശതമാനം നികുതി നിരക്കുള്ളതിനാൽ നിർമാണച്ചെലവേറും.
3   ജി.എസ്​.ടി നാമകരണ കോഡിൽ (എച്ച്​.എസ്​.എൻ കോഡ്​​ )  വ്യക്​തത വന്നിട്ടില്ല. ഉദാ: റബർ , ചില്ല്​, ചിരട്ട
4   റി​​​​േട്ടൺ ഫയലിങ്ങിൽ അവ്യക്​തത

നേട്ടം

1    രജിസ്​റ്റർ ചെയ്​തു കഴിഞ്ഞാൽ വ്യവസായം മുന്നോട്ടുകൊണ്ടുപോകാൻ ഗുണപ്രദമാകുന്ന രീതിയിൽ കൃത്യമായ നികുതി സ​​മ്പ്രദായം.  ചെറുകിട വായ്​പകൾ എളുപ്പം ലഭിക്കാൻ ഉപകാരപ്രദം
2   വ്യവസായ ആവശ്യങ്ങൾക്കുള്ള വാങ്ങലുകൾക്ക്​ ഇൻപുട്ട്​ ടാക്​സ്​ ക്രഡിറ്റ്​.
3  20 ലക്ഷം വരെ വാർഷിക വിറ്റുവരവുള്ളവരെ നികുതി പരിധിയിൽ നിന്ന്​ ഒഴിവാക്കുന്നത്​ ചെറുപ്പക്കാരെ ആകർഷിക്കും. 
4  പ്രവേശന നികുതി ഇല്ലാതാകും. ഉയർന്ന പ്രവേശന നികുതി ചുമത്തിയിരുന്ന മാർബിൾ, ഗ്രാനൈറ്റ്​, ടൈലുകൾ എന്നിവയുടെ വില കുറയും. അന്തർ സംസ്​ഥാന ബിസിനസ്​ നടത്തുന്നവർക്ക്​  ഒരൊറ്റ നികുതി മതിയാകും.  ചെക്​പോസ്​റ്റിലെ  പരിശോധന ഒഴിവാകുന്നത്​ ഗുണം ചെയ്യും.
5   ഇൻപുട്ട്​​ ടാക്​സ്​ പരിധിയിൽപെടുത്തിയ സംസ്​ഥാനത്തിന്​ പുറത്ത്​ നിന്ന്​ അസംസ്​കൃത വസ്​തുക്കളെത്തിക്കുന്ന ഫാർമസ്യൂട്ടിക്കൽ, പാക്കിങ്​, ഗാർമ​​​െൻറ്​സ്​,  സിന്തറ്റിക്​ റബർ  ബന്ധപ്പെട്ട വ്യവസായങ്ങൾക്ക്​ മെച്ചമുണ്ടാകും.
6    എക്​സൈസ്​ റി​േട്ടൺ , വാറ്റ്​ റി​േട്ടൺ, സർവിസ്​ ടാക്​സ്​ എന്നിവ കൊടുക്കേണ്ടതില്ല. ജി.എസ്​.ടി ബുക്ക്​ മാത്രമേ സൂക്ഷിക്കേണ്ടതുള്ളൂ
7   20 ലക്ഷത്തിൽ താഴെ വാർഷിക വിറ്റുവരവുള്ളവർക്ക്​ ജി.എസ്​.ടി രജിസ്​ട്രേഷൻ വേണ്ട. വിൽപനയുടെ കണക്ക്​ സൂക്ഷിച്ചാൽ മതി. 
 

വരില്ലേ നീ വരില്ലേ...
ഉപഭോക്​താക്കളെ പിഴിഞ്ഞ്​ രാജ്യത്തിന്​ വൻതുക നികുതി ഉണ്ടാക്കിക്കൊടുക്കുന്ന പെട്രോളിയം, മദ്യം, പുകയില ഉൽപന്നങ്ങൾ എന്നിവയെ നിലവിൽ ജി.എസ്​.ടി.യിൽപെടുത്തിയിട്ടില്ല. ക്രൂഡ്​ ഒായിൽ, ഡീസൽ, പെട്രോൾ, വിമാന ഇന്ധനം, പ്രകൃതി വാതകം  എന്നിവയാണ്​ പെട്രോളിയം ഉൽപന്നങ്ങളിൽ വരുന്നത്​. പകരക്കാരനില്ലാത്തതിനാൽ എത്ര വില കൂടിയാലും ഇവ  വാങ്ങാൻ ആളുണ്ടാകുമെന്നതാണ്​  ഇതിന്​ ന്യായീകരണം. എന്തായാലും ഭാവിയിൽ ഇവകൂടി നികുതി ഘടനയുടെ ഭാഗമാക്കുമെന്ന വാഗ്​ദാനത്തിൽ തൽക്കാലം ആശ്വസിക്കേണ്ടി വരും. 

കടത്താം; ഒളിക്കേണ്ട...
നികുതി വെട്ടിച്ച്​ കേരളത്തിൽ എത്തിക്കുന്നതിൽ മുൻനിരയിലുണ്ടായിരുന്നത്​ കോഴിയും മാർബിളും ഗ്രാനൈറ്റുമാണ്​. കോഴിക്കുള്ള 14.5 ശതമാനം നികുതി പൂജ്യമാക്കിയ​തോടെ കോഴിക്കടത്ത്​ നിലക്കും. സ്വന്തം ആവശ്യത്തിന്​ കർണാടകയിലെ ജിഗ്​നിയിൽനിന്നോ രാജസ്​ഥാനിൽനി​ന്നോ മാർബിളുമായെത്തുന്ന വാഹനങ്ങൾക്ക്​ ചെക്ക്​ പോസ്​റ്റുകളിൽ കാത്തുകെട്ടി കിടക്കേണ്ട കാലം ഇന്നത്തോടെ അവസാനിക്കും. പടി കൊടുക്കലോ പരിശോധനയോ പിഴ ​ഭീഷണിയോ നേരിടേണ്ടി വരില്ല. ചെക്​പോസ്​റ്റിൽ ബിൽ കാണിക്കേണ്ടി വരും. സ്വന്തം ആവശ്യത്തിനാണെന്ന്​ തെളിയിക്കാവുന്ന രേഖകൾ കൈയിൽ കരുതണമെന്ന്​ മാത്രം. ​കൃത്യമായ മേൽവിലാസവും പിൻകോഡും നൽകണം. അതുവഴി  നികുതി ആനുകൂല്യം സംസ്​ഥാനത്തിന്​ കിട്ടും. വാങ്ങു​േമ്പാൾ നൽകുന്ന ബില്ലിൽ ജി.എസ്​.ടി നമ്പർ പ്രിൻറ്​ ചെയ്​തെന്ന്​ ഉറപ്പാക്കണം. സ്വന്തം ആവശ്യത്തിന്​ ഏത്​ സംസ്​ഥാനത്തുനിന്നും എത്ര വേണമെങ്കിലും എന്ത്​ സാധനവും കൊണ്ടുവരാമെന്ന്​ സാരം. 

ബാങ്ക്​, ഇൻഷുറൻസ്​ ചെലവേറും
നാളെ മുതൽ ബാങ്ക്​ സേവനങ്ങൾ, ഇൻഷുറൻസ്​ പ്രീമിയം​, മ്യൂച്വൽ ഫണ്ട്​ നിക്ഷേപങ്ങൾ എന്നിവ​ ഉൾപ്പെടെ പല സേവനങ്ങൾക്കും ചെലവ്​ കൂടും.  ഏകദേശം മൂന്ന്​ ശതമാനമാകും വർധന.  14 ശതമാനം സേവന നികുതിയും ഒരു ശതമാനം സെസും അടക്കം 15 ശതമാനമാണ്​  ഇൗടാക്കിയിരുന്നത്​. എന്നാൽ  ജി.എസ്​.ടിയിൽ 18 ശതമാനം നൽകണം. നികുതി നിരക്കിലെ വർധന മൂന്ന്​ ശതമാനമാണെങ്കിലും ഒരു വർഷം ലൈഫ്​, ജനറൽ ഇൻഷുറൻസ്​ ​പ്രീമിയവും മ്യൂച്വൽ ഫണ്ട്​ നിക്ഷേപങ്ങളിലുമായി ഒരു ലക്ഷം രൂപ ചെലവാക്കുന്ന ആൾക്ക്​ അധിക ബാധ്യത 3000 രൂപ വരും. പല കാര്യങ്ങൾക്കും ബാങ്ക്​ ​േസവനങ്ങളെ ആശ്രയിക്കേണ്ടി വരുന്നതിനാൽ ഇൗ ഇനത്തിലും ചെലവ്​ കൂടും.

നിരക്ക്​ ഉയരുന്ന മറ്റ്​ സേവനങ്ങൾ:
•മൊബൈൽ, ടെലിഫോൺ ബില്ലുകൾ കൂടും. 
•കേബിൾ, ഡി.ടി.എച്ച്​ 
•250 രൂപയിൽ കൂടുതലുള്ള സിനിമാ ടിക്കറ്റുകൾ
•ഹോട്ടൽ ഭക്ഷണം, താമസം
•സോഫ്​റ്റ്​വെയർ സേവനങ്ങൾ
•ബിസിനസ്​ ക്ലാസ്​ വിമാന യാത്ര
•കാബ്​ ടാക്​സി
•ആയുർ​േവദം
വിദ്യാഭ്യാസ-ആരോഗ്യ മേഖലകളിലെ സേവനങ്ങൾക്ക്​ 
നികുതിയില്ല. 

ഇൻപുട്ട്​ ടാക്​സ്​ ക്രെഡിറ്റ്​
ഒര​ു ഉൽപന്നത്തിന്​ പല തലങ്ങളിൽ നികുതി ചുമത്തരുത്​ എന്ന നിലപാടി​​​​െൻറ ഭാഗമായാണ്​ ജി.എസ്​.ടി നടപ്പാക്കു​േമ്പാൾ ഇൻപുട്ട്​ ടാക്​സ്​ ​െക്രഡിറ്റ്​ അനുവദിക്കുന്നത്​. അസംസ്​കൃത വസ്​തുക്കൾ വാങ്ങു​േമ്പാൾ ഉൽപാദകൻ നികുതി നൽകുന്നുണ്ട്​. ഉൽപന്നം വിൽക്കു​േമ്പാൾ അതിന്​ നികുതി ചുമത്തും. അസംസ്​കൃത വസ്​തുവിന്​ നൽകിയ നികുതി ഉൽപന്നം വിൽക്കാൻ അടക്കേണ്ട നികുതിയിൽനിന്ന്​ കുറക്കാൻ അനുവദിക്കുന്ന സംവിധാനമാണ്​ ഇൻപുട്ട്​ ടാക്​സ്​ ക്രെഡിറ്റ്​. നിലവിലുള്ള നികുതികൾക്കെല്ലാം (എക്​സൈസ്​ നികുതി, വാറ്റ്​ മുതലായവ) ഇൻപുട്ട്​ ടാക്​സ്​ ക്രെഡിറ്റ്​ ലഭിക്കുന്നുണ്ട്​. എന്നാൽ ജി.എസ്​.ടി ഇൗ നികുതികൾ എല്ലാം ഏകീകരിക്കുന്നതോടെ പ്രവർത്തനം കൂടുതൽ സുഗമമാകും.

നേട്ടം
ഉൽപന്ന വില കുറയാൻ സാധ്യത.

ഇൻപുട്ട്​ ടാക്​സ്​ ക്രെഡിറ്റ്​ ലഭിക്കുന്നതിനാൽ ഉയർന്ന നികുതി സ്ലാബിലേക്ക്​ മാറ്റുന്ന ഉൽപന്നങ്ങളുടെ വില കുറഞ്ഞേക്കും.പണപ്പെരുപ്പവും കുറയുമെന്ന്​ പ്രതീക്ഷ.ലോറികൾ ചെക്​പോസ്​റ്റുകളിൽ കിടക്കേണ്ടി വരില്ല; ചരക്ക്​ നീക്കത്തിന്​ ചെലവ്​ കുറയും. വേഗത്തിലാകും. ​ബിസിനസ്​ ഇടപാട​ുകൾ എളുപ്പമാവും.
നികുതി മേഖല സുതാര്യമാവും.ഉദ്യോഗസ്​ഥ തല അഴിമതിയും പീഡനവും ഇല്ലാതാവും.

കോട്ടം
ഇൻഷുറൻസ്​ പ്രീമിയം പോലുള്ള ചില സേവനങ്ങൾക്ക്​ ചെലവേറും.ജി.എസ്​.ടിയിൽ രജിസ്​റ്റർ ചെയ്യാത്ത വ്യാപാരികൾക്ക്​ ബിസിനസ്​ പ്രയാസമാകും.
വിലക്കുറവി​​​​െൻറ ​മിച്ചം ഉപഭോക്​താക്കൾക്ക്​ കൈമാറിയില്ലെങ്കിൽ തുടക്കത്തിൽ വിലക്കയറ്റത്തിന്​ സാധ്യത.വാണിജ്യ ഇടപാടുകളുമായി ബന്ധപ്പെട്ട്​ നിയമപ്രശ്​നങ്ങൾ വ്യാപകമാകും.ജൂ​ൈല ഒന്നിന്​ കൈവശമുള്ള സ്​​േറ്റാക്കിന്​ മുഴുവൻ നികുതിയും അടക്കണം. ഇടപാടുകൾ പൂർണമായും ഒാൺലൈനാകും. ​നെറ്റ്​വർക്കി​​​​െൻറ പരിമിതിയും മറ്റ്​ സാ​േങ്കതിക പ്രശ്​നങ്ങളും തല​േവദനയാകാം. ഒാൺലൈൻ, ബാങ്ക്​ ഇടപാടുകൾക്ക്​ അധിക ചെലവ്​. 20 ലക്ഷത്തിൽ കൂടുതൽ വാർഷിക വിറ്റുവരവുള്ള വ്യാപാരികൾ നികുതി നൽകണം. (വാറ്റിൽ ഇത്​ ഒന്നര കോടിയായിരുന്നു)

പണി കിട്ടും
യുവാക്കളുടെ തൊഴിൽ മോഹങ്ങൾക്കും നിറം നൽകുന്നതാണ്​ ജി.എസ്​.ടി.സമീപകാലത്ത്​ രാജ്യത്ത്​ ​േവണ്ടി വരിക 13 ലക്ഷം പ്രഫഷനലുകളെയാവും.
ഇൻപുട്ട്​, ഒൗട്ട്​പുട്ട്​ ടാക്​സ്​ ക്രെഡിറ്റ്​ ഉൾപ്പെടെ സങ്കീർണമായ കണക്ക്​കൂട്ടലുകളും ടാബുലേഷനുമാവും  വേണ്ടി വരിക. എല്ലാ ഇടപാടുകളും ഒാൺലൈനാകും. ഇ​െതല്ലാം ചെയ്യാൻ വിദഗ്​ധരായ ജീവനക്കാരെ വേണ്ടി വരും. കണക്ക്​ തയാറാക്കാനും ഇൻപുട്ട്​​ ടാക്സ്​ ക്രെഡിറ്റ്​ വാങ്ങാനും മറ്റും െഎ.ടി പ്ലാറ്റ്​​േഫാം രൂപപ്പെടുത്തണം. ​െഎ.ടി മേഖലയിൽ തൊഴിൽ ഭീഷണി നേരിടുന്നവർക്ക്​ ഇത്​ ഗുണകരമാകും. ടാക്​സ്​ പ്രാക്​ടീഷണർമാരുടെ ഒാഫിസുകളിലും നികുതി കണക്കാക്കാനും ഒാഡിറ്റിങ്ങിനും വിദഗ്​ധരെ വേണ്ടി വരും.

ആശങ്ക തീർന്നില്ല
ഉപഭോക്​താക്കൾക്കും ചെറുകിട വ്യവസായികൾക്കും ചെറുകിട കച്ചവടക്കാർക്കും ഹോട്ടൽ, ജ്വല്ലറി മേഖലയിലുമെല്ലാം അനിശ്ചിതത്വമുണ്ട്​. പാതി പാകമായ നെറ്റ്​വർക്കിങ്​ ഉൾപ്പെടെ സാ​േങ്കതിക പ്രശ്​നങ്ങൾ ജി.എസ്​.ടിയെ കാത്തിരിക്കുന്നു. 

ഉപഭോക്​താക്കളുടെ പേടി
ഭൂരിഭാഗം ഉപഭോക്​തൃ ഉൽപന്നങ്ങൾക്കും നിലവിലുള്ള ആകെ നികുതിയെക്കാൾ കുറഞ്ഞ നിരക്കാണ്​ ജി.എസ്​.ടിയിൽ​. കൂടാതെ ഇവക്ക്​ ഇൻപുട്ട്​ ടാക്​സ്​ ക്രെഡിറ്റ്​ ലഭിക്കും. അതിനാൽ ഉൽപന്ന വിലയിൽ കാര്യമായ കുറവ്​ ഉണ്ടാവണം​. ഉയർന്ന നിരക്കിലേക്ക്​ മാറുന്ന ചുരുക്കം ചില ഉൽ​പന്നങ്ങൾക്ക്​ ഇൻപുട്ട്​ ടാക്​സ്​ ക്രെഡിറ്റ്​ ലഭിക്കുന്നതിനാൽ വില വർധിപ്പിക്കേണ്ട സാഹചര്യം ഉണ്ടാവില്ല. 
എന്നാൽ ഇൗ ആനുകൂല്യം ഉപഭോക്​താക്കൾക്ക്​ കിട്ടുമോ എന്നതാണ്​ സംശയം. കമ്പനികളും വിതരണക്കാരും നികുതി ഇളവ്​ വീതിച്ചെടു​ത്തേക്കാം. ഇത്​ തടയാൻ നിരീക്ഷണ സംവിധാനം വേണമെന്ന്​ കേരളം ഉൾപ്പെടെയുള്ള സംസ്​ഥാനങ്ങൾ ആവശ്യപ്പെട്ടിരുന്നു. ഇൗ സംവിധാനം ഫല​​പ്രദമാകുമോ എന്ന ആശങ്ക നിലനിൽക്കുന്നുണ്ട്​. 

നീതി വേണം നികുതിയിൽ
സമ്പത്തി​​​​െൻറ അടിസ്​ഥാനത്തിൽ സമൂഹത്തിൽ പല തട്ടുള്ളതു​പോലെ നികുതിയുടെ കാര്യത്തി​ലും വേണമെന്ന പക്ഷക്കാരനാണ്​ ധനമന്ത്രി തോമസ്​ ​െഎസക്​. ഇത്​ ചെറുകിടക്കാരെയും താഴേത്തട്ടിലുള്ളവരെയും സഹായിക്കാനാണ്​. ഫൈവ്​ സ്​റ്റാർ ഹോട്ടലിലെ അതേ നികുതി നാട്ടിൻപുറത്തെ ചായക്കടക്കാരനിൽനിന്ന്​ ഇൗടാക്കുന്നത്​ നീതിയാണോ​? ​ബ്രാൻഡഡ്​ ഉൽപന്നങ്ങൾക്കും അല്ലാത്തവക്കും ഒറ്റ നികുതി ന്യായമാണോ. പല നികുതി ആയാൽ എന്താണ്​ കുഴപ്പം. നികുതി നിർണയം നീതിയിൽ അധിഷ്​ഠിതമാകണം. ഇന്ന്​ അർധരാത്രി നിലവിൽ വരുന്ന ചരക്കുസേവന നികുതി കുറേയൊക്കെ നീതി അധിഷ്​ഠിതമാണ്​...

ജിഎസ്ടി നല്ലതാണ്...
കേരളത്തിന്​ നേട്ടമാണ്​ എന്നതിനാൽ ജി.എസ്​.ടി നികുതിഘടനയെ അകമഴിഞ്ഞ്​ പിന്തുണക്കുകയാണ്​​. നികുതിച്ചോർച്ച അടയും. നികുതിദായകർ കൂടും. ഇതാണ്​ പ്രത്യക്ഷ നേട്ടം. സംസ്​ഥാനങ്ങളുടെ അധികാരത്തിൽ കേന്ദ്രത്തി​​​​െൻറ കൈ കടത്തൽ ഉണ്ടായെങ്കിലും 20 ശതമാനം നികുതിവരുമാനം കൂടുന്നത്​ ചെറിയ കാര്യമല്ല. 

ആദായം അകത്തെത്തുമോ...
ഉപഭോക്​തൃസംസ്​ഥാനമായതിനാൽ ഇതി​​​​​െൻറ ഫലം അടുത്ത ദിവസംതന്നെ അടുക്കളയിൽ എത്തിക്കൊള്ളണമെന്നില്ല. വാണിജ്യ ഉൽപന്നങ്ങളുടെ മുഖ്യ ഉപഭോക്​താക്കളെന്ന നിലയിൽ കുടുംബ ബജറ്റിൽ കുറവുണ്ടാവില്ല. പല സേവനങ്ങൾക്കും നികുതി വന്നു. ചിലതിന്​ കൂടി. അതിനാൽ ആദായം അകത്തെത്തുമെന്ന്​ ഉറപ്പിച്ച്​ പറയാനാകില്ല. 

 

ബുദ്ധിമു​​​േട്ടാ...ഏയ്​
പുതിയൊരു നികുതിഘടനയിലേക്ക്​ മാറു​േമ്പാൾ ഉണ്ടാകുന്ന സംശയം മാത്രമാണിത്​. നടപടി ക്രമങ്ങൾ പാലിച്ചാൽ അ​ങ്ങേയറ്റം ലളിതമാണിത്​. വ്യാപാരികൾക്ക്​ തെറ്റ്​ തിരുത്താനും സംശയം ദുരീകരിക്കാനും പ്രശ്​നം പഠിക്കാനും ആവശ്യത്തിന്​ സമയം നൽകിയിട്ടുണ്ട്​. റി​േട്ടൺ ഫയൽ ചെയ്യാൻ കൂടുതൽ സമയം അനുവദിച്ചത്​ ഇതി​​​​െൻറ ഭാഗമാണ്​.  

കീശയിലെന്തുണ്ടാകും
കീശ ചോർത്തുകയുമില്ല; എ​​ന്തേലും ഇട്ടുതരുമെന്ന്​ പ്രതീക്ഷിക്കാനും വയ്യ. വിലക്കുറവി​​​​െൻറ ആനുകൂല്യം ഉപഭോക്​താവിലേക്ക്​ ​ എത്താതിരിക്കാൻ ഉൽപാദകരും വിതരണക്കാരും ലാഭംകൂട്ടാൻ വഴി തേടും. പുതിയ ​സേവനനികുതികൂടി ചേരു​േമ്പാൾ വിലക്കയറ്റമോ വിലക്കുറവോ പ്രവചിക്കാനാവില്ല.  അമിതലാഭം തടയാനുള്ള അതോറിറ്റി നിലവിലുണ്ട്​. സംസ്​ഥാന തലത്തിലും ഇത്തരമൊന്ന്​ ഉണ്ടായാൽ നന്ന്​.  രാജ്യമൊട്ടാകെ പുതിയൊരു നികുതി ഘടനയിലേക്ക്​ ഒറ്റ രാത്രികൊണ്ട്​ മാറു​​േമ്പാൾ വിലക്കയറ്റം ഉണ്ടാകാതിരിക്കുന്നതുതന്നെ പ്രതീക്ഷക്ക്​ വക നൽകുന്നതാണ്​. ബാക്കിയെല്ലാം കാത്തിരുന്ന്​ കാണാം...

സുസജ്ജം
എപ്പോഴും മു​​​േമ്പ പറക്കുന്ന പക്ഷിയാണ്​  കേരളം. ജി.എസ്.​ടി നടപ്പാക്കാൻ കേരളം സുസജ്ജമാണ്​. രണ്ടര ലക്ഷം വ്യാപാരികളിൽ മുക്കാൽ പങ്കും രജിസ്​റ്റർ ചെയ്​ത്​ കഴിഞ്ഞു.  സോഫ്​റ്റ്​വെയർ പൂർണസജ്ജമായാൽ സമയപരിധിക്കുള്ളിൽ സംസ്​ഥാനം ഒരുങ്ങിയിരിക്കും. ഡിസംബറിനുശേഷം വിൽപന നികുതി ചെക്​പോസ്​റ്റുകൾ വേണ്ടിവരില്ല. 

 

നികുതി
പൂജ്യം ശതമാനം
സാധനങ്ങൾ: പാൽ, തൈര്​, ലസി, പാക്കറ്റിലാക്കാത്ത ഭക്ഷണസാധനങ്ങൾ, തേൻ, ഇറച്ചി, കോഴിയിറച്ചി, പഴങ്ങൾ, പച്ചക്കറികൾ, മുട്ട, ബ്രാൻഡ്​ ചെയ്യാത്ത ആട്ട, മൈദ, ധാന്യങ്ങൾ, അരിയുൽപന്നങ്ങൾ, ഉപ്പ്, െബ്രഡ്, പപ്പടം, ധാന്യപ്പൊടികൾ,  കാർഷിക ഉപകരണങ്ങൾ, കാലിത്തീറ്റ, കോഴിത്തീറ്റ, ഗർഭനിരോധന ഉറ,  േഡ്രായിങ് ബുക്ക്, പ്രിൻറ് ചെയ്ത പുസ്​തകങ്ങൾ,  കുങ്കുമം,  സ്​റ്റാമ്പ്​,  ജുഡീഷ്യൽ ​േപപ്പറുകൾ, വള, കൈത്തറി, എല്ലുപൊടി, ശർക്കര, പ്രസാദം, കൺമഷി, ...
​േസവനങ്ങൾ: വിദ്യാഭ്യാസ^ആരോഗ്യ സേവനങ്ങൾ, തീർഥാടന യാത്ര, ലോക്കൽ െട്രയിൻ യാത്ര, 1000 രൂപ വരെ ദിവസവാടകയുള്ള 
ഹോട്ടലുകൾ...

അഞ്ച് ശതമാനം
സാധനങ്ങൾ: മീൻ ഉൽപന്നങ്ങൾ, 1000 രൂപയിൽ കുറവുള്ള വസ്​ത്രങ്ങൾ,  ചായ, കാപ്പി, പാൽപ്പൊടി, ബ്രാൻഡഡ്​​ പനീർ, ശീതീകരിച്ച പച്ചക്കറി, ഭക്ഷ്യ എണ്ണ, പരിപ്പ്, നിലക്കടല, സോയാബീൻ, സൂര്യകാന്തി, കരിമ്പ്, മധുരക്കിഴങ്ങ്, കൊക്കോ, പാക്ക്​ ചെയ്ത ബ്രഡ്, റെസ്​ക്, പിസ്സ, മണ്ണെണ്ണ, ഉണക്കമുന്തിരി, ചന്ദനത്തിരി, കശുവണ്ടിപ്പരിപ്പ്​, കശുവണ്ടി, സുഗന്ധവ്യഞ്ജനങ്ങൾ, ഒൗഷധങ്ങൾ, വാക്സിനുകൾ, സ്​റ്റ​​​െൻറുകൾ, ഒ.ആർ.എസ്​ പാക്കറ്റ്​, എൽ.പി.ജി കണക്​ഷൻ, ഇരുമ്പ്, സ്​റ്റീൽ, ബോട്ട്​, ബയോഗ്യാസ്​, മത്സ്യബന്ധന ഉപകരണങ്ങൾ...സേവനങ്ങൾ: ഗതാഗത സേവനങ്ങൾ, കാബ് സേവനങ്ങൾ, െട്രയിനിലെ എ.സി. യാത്ര, വിമാനത്തിലെ ഇക്കണോമിക് ക്ലാസ്​ യാത്ര... 

12 ശതമാനം
സാധനങ്ങൾ: 1000 രൂപയിൽ കൂടുതലുള്ള വസ്​ത്രങ്ങൾ, ശീതീകരിച്ച മാംസം, മാംസ ഉൽപന്നങ്ങൾ, പാ​ക്ക്​ ചെയ്​ത ഉണക്കപ്പഴങ്ങൾ, നെയ്യ്​, ബട്ടർ, ചീസ്​, മൃഗക്കൊഴുപ്പ്​, അച്ചാർ, ജാം, കെച്ചപ്പ്​, സോസേജ്​, പഴച്ചാറുകൾ, ആയുർവേദ മരുന്ന്​, രോഗ നിർണയ കിറ്റുകൾ, നോട്ടുബുക്ക്​, ഫ്ലൈ ആഷ്​ കട്ടകൾ, ഡീസൽ എൻജിനുകൾ, കണ്ണട, കോൺടാക്​ട്​ ലെൻസ്​, ​േപ്ലയിങ്​ കാർഡ്​, ബോർഡ്​ ഗെയിം സാമഗ്രികൾ, പാറ്റ ഗുളിക, പ്ലാസ്​റ്റിക്​ മുത്തുകൾ, പൽപ്പൊടി, ചന്ദനത്തിരി, കുട, തയ്യൽ ​മെഷീൻ, സെൽ ഫോൺ, സ്​പൂൺ, ഫോർക്ക്​, കറിക്കത്തികൾ...സേവനങ്ങൾ: സംസ്​ഥാന സർക്കാർ നിയന്ത്രണത്തിലുള്ള ലോട്ടറികൾ, നോൺ എ.സി ഹോട്ടലുകൾ, ബിസിനസ്​ ക്ലാസ്​ വിമാനയാത്ര, വളങ്ങൾ, വർക്ക്​ 
കോൺട്രാക്​ട്​​...

 

18 ശതമാനം
സാധനങ്ങൾ: 500 രൂപക്ക്​ മുകളിലുള്ള ചെരിപ്പ്​, ബിസ്​ക്കറ്റ്​, കേക്ക്​, ​െഎസ്​ക്രീം, ടൂത്ത്​ പേസ്​റ്റ്​, മിനറൽ വാട്ടർ, ഫുഡ്​ മിക്​സ്, ​​െഎ​ബ്രോ പെൻസിൽ, പ്ലാസ്​റ്റിക്​ ടാർപോളിൻ, തുകൽ ഉപയോഗിക്കാത്ത സ്​കൂൾ ബാഗ്​, ഹാൻഡ്​ ബാഗ്​, ഷോപ്പിങ്​ ബാഗ്​, സ്​റ്റീൽ, കാമറ, കോൺ​ക്രീറ്റ്​ പൈപ്പ്​, അലൂമിനിയം ഫോയിൽ, ​ട്രാക്​ടർ ടയറും ട്യൂബും, ത്രാസ്​ (ഇലക്​ട്രോണിക്​ ഇലക്​ട്രിക്​ ഒഴികെ) പ്രിൻറർ,  യു.പി.എസ്​, സി.സി ടി.വി, സെറ്റ്​ ടോപ്പ്​ ബോക്​സ്​, കമ്പ്യൂട്ടർ മോണിറ്റർ, വൈൻഡിങ്​ വയർ, ബേബി കാരിയേജ്​, മുള ഫർണിച്ചർ...സേവനങ്ങൾ: മദ്യം വിളമ്പുന്ന എ.സി. ഹോട്ടൽ, ടെലികോം, ​െഎ.ടി, ബ്രാൻഡഡ്​ തുണിത്തരങ്ങൾ, ബാങ്കിങ്​, പ്രതിദിന മുറിവാടക 2500-7500, പഞ്ചനക്ഷത്ര ഹോട്ടൽ റസ്​റ്ററൻറ്​... 

28 ശതമാനം
സാധനങ്ങൾ: വാഷിങ് മെഷീൻ, വാച്ച്, എ.സി, റഫ്രിജറേറ്റർ,  വാട്ടർ ഹീറ്റർ, കാർ, സൈക്കിൾ, മോട്ടോർ സൈക്കിൾ, പ്രിൻറർ, ഫോട്ടോ കോപ്പിയർ, വാക്വം ക്ലീനർ, അലൂമിനിയം പാത്രം, പ്ലാസ്​റ്റിക് ഉൽപന്നം, ഫർണിച്ചർ, എയർക്രാഫ്റ്റ്, സുഗന്ധദ്രവ്യങ്ങൾ, ഹെയർ ഡൈ, ആഫ്റ്റർ ഷേവ് ലോഷൻ, മെയ്ക്ക് അപ്പ് സാമഗ്രികൾ, സൺസ്​ക്രീൻ ലോഷൻ, ചർമകാന്തിക്കുള്ള ഉൽപന്നങ്ങൾ, ചോക്​ലേറ്റ്, കൊക്കോ വെണ്ണ, പാൻമസാല, ടൈലുകൾ, പെയിൻറ്, വാർണിഷ്, പുട്ടി, വാൾ പേപ്പർ, ബീഡികൾ, ച്യൂയിങ്​ ഗം, പാൻ മസാല...സേവനങ്ങൾ: സ്വകാര്യ ലോട്ടറികൾ, ഫൈവ് സ്​റ്റാർ ഹോട്ടൽ, 7500രൂപയിൽ കൂടുതൽ പ്രതിദിന വാടകയുള്ള ഹോട്ടൽ മുറി, കുതിരപ്പന്തയം, സിനിമ ശാലകൾ... 

സംശയമോ;തീർത്തിട്ട്​ പോകാം..
പരസ്യങ്ങൾ, പരിശീലനങ്ങൾ, ശിൽപശാലകൾ... വാണിജ്യ വ്യവസായ മേഖലകളിൽ ഉള്ളവർക്ക്​ മുതൽ ഉപഭോക്​താക്കൾക്കുവരെ  സംശയം തീർക്കാൻ പല മാർഗങ്ങളുണ്ട്​. ഇതിന്​ പുറമെ, മാർഗനിർദേശങ്ങളും പ്രാദേശിക ഭാഷകളിലടക്കം ചോദ്യോത്തരങ്ങളുമായി സെൻട്രൽ ബോർഡ്​ ഒാഫ്​ എക്​സൈസ്​ ആൻഡ്​ കസ്​റ്റംസി​​​​െൻറ വെബ്​സൈറ്റുണ്ട്​. വിലാസം: 
www.cbec.gov.in 
വ്യാപാരികൾക്കുള്ള സംശയനിവാരണത്തിനായി ജി.എസ്​.ടി. നെറ്റ്​വർക്ക്​ കോൾ സ​​​െൻററുണ്ട്​. 
നമ്പർ: 0120 488 8999