പെട്രോൾ, സ്വർണ്ണം വില കൂടും; ആദായ നികുതിയിൽ മാറ്റമില്ല

ന്യൂഡൽഹി: ആദായ നികുതി സ്ലാബുകളിൽ മാറ്റം വരുത്താതെ രണ്ടാം മോദി സർക്കാറിൻെറ ആദ്യ ബജറ്റ്​. പെട്രോളിനും ഡീസലിന ും ഒരു രൂപ അധിക സെസ്​ ഏർപ്പെടുത്താനും സ്വർണ്ണവും രത്​നവും പോലുള്ള ഉൽപന്നങ്ങളുടെ കസ്​റ്റംസ്​ തീരുവ 10 ശതമാനത്ത ിൽ നിന്ന്​ 12.5 ശതമാനമാക്കി വർധിപ്പിക്കാനും ബജറ്റിൽ​ നിർദേശം​. അഞ്ച്​ ലക്ഷം വരെ വാർഷിക വരുമാനമുള്ളവർക്ക്​ നൽകിയ ിരുന്ന ആദായ നികുതിയിലെ ഇളവ്​ തുടരും​. മുൻ ധനകാര്യ മന്ത്രി പിയൂഷ്​ ഗോയൽ അവതരിപ്പിച്ച ഇടക്കാല ബജറ്റിലും ഈ നിർദേ ശം ഉൾപ്പെട്ടിരുന്നു. ഇന്ത്യൻ പാസ്​പോർട്ടുള്ള പ്രവാസികൾക്ക്​ അതിവേഗം ആധാർ കാർഡ്​ നൽകും.

ഭവനവായ്​പകൾക്ക്​ ബജറ്റിൽ ആനുകൂല്യം പ്രഖ്യാപിച്ചു. 45 ലക്ഷം രൂപ വരെയുള്ള ഭവന വായ്​പകളിൽ 3.5 ലക്ഷം രൂപ വരെ നികുതിയിളവ്​. 2021 മാർച്ച്​ 31 വരെയുള്ള വായ്​പകൾക്കാണ്​ ഇളവ്​ ലഭ്യമാവുക. ആദായ നികുതിക്ക്​ ഇനി മുതൽ പാൻകാർഡ്​ നിർബന്ധമില്ല. ആധാർ കാർഡ്​ ഉപയോഗിച്ചും നികുതി റി​ട്ടേൺ സമർപ്പിക്കാം. ആദായ നികുതി വകുപ്പിൻെറ സമഗ്രമായ പരിഷ്​കരണവും ബജറ്റ്​ ലക്ഷ്യംവെക്കുന്നു.

പുതിയ നികുതി നിർദേശങ്ങളൊന്നും ബജറ്റിൽ ഉൾക്കൊള്ളിച്ചിട്ടില്ല. എന്നാൽ, പ്രതിവർഷം രണ്ട്​ കോടിക്ക്​ മുകളിൽ വരുമാനമുള്ളവർക്ക്​ രണ്ട്​ ശതമാനം സർചാർജ്​ ഏർപ്പെടുത്താൻ തീരുമാനിച്ചിട്ടുണ്ട്​. വരുമാനം അഞ്ച്​ കോടിക്ക്​ മുകളിലാണെങ്കിൽ 3 ശതമാനമായിരിക്കും സർചാർജ്​. പ്രതിവർഷം ഒരു കോടിയിൽ കൂടുതൽ പിൻവലിച്ചാൽ ടി.ഡി.എസായി രണ്ട്​ ശതമാനം നികുതി നൽകണം.

തകർന്ന സമ്പദ്​വ്യവസ്ഥയെ കരകയറ്റുന്നതിനായി രാജ്യത്തെ നിക്ഷേപ സൗഹൃദമാക്കുകയെന്ന ലക്ഷ്യമാണ്​ രണ്ടാം മോദി സർക്കാർ മുന്നോട്ട്​ വെക്കുന്നത്​. നേരിട്ടുള്ള വിദേശ നിക്ഷേപത്തിൽ കൂടുതൽ ഇളവുകൾ നൽകിയിട്ടുണ്ട്​. പുതിയ തൊഴിലവസരങ്ങൾ സൃഷ്​ടിക്കുന്നതിനായി ചെറുകിട വ്യവസായികൾക്ക്​ ഒരു കോടി രൂപ വരെ അതിവേഗ വായ്​പ നൽകും​. ഇതിന്​ പുറമേ ചെറുകിട വ്യവസായങ്ങൾക്ക്​ ഇളവുകളും പ്രഖ്യാപിച്ചു​.

​ഗ്രാമീണ മേഖലയാണ്​ ബജറ്റിൽ ഊന്നൽ നൽകുന്ന മറ്റൊരു പ്രധാന മേഖല. എല്ലാവർക്കും വീട്​, വൈദ്യുതി, പാചകവാതകം, കുടിവെള്ളം എന്നിവ ഉറപ്പാക്കുന്ന പദ്ധതികളാണ് വിഭാവനം ചെയ്യുന്നത്​. ഗ്രാമീണ മേഖലയിലെ വ്യവസായങ്ങളുടെ ശാക്​തീകരണവും ബജറ്റ്​ ലക്ഷ്യം വെക്കുന്നു.

അടിസ്ഥാന സൗകര്യ വികസന മേഖലക്കും നിർമലാ സീതാരാമൻെറ ബജറ്റ്​ പ്രാധാന്യം നൽകുന്നു. അടുത്ത അഞ്ച്​ വർഷത്തിനുള്ളിൽ 100 ലക്ഷം കോടി അടിസ്ഥാന സൗകര്യ മേഖലക്കായി ചെലവഴിക്കുമെന്നാണ്​ പ്രഖ്യാപനം. പുതിയ റോഡുകൾ, ​നിലവിലുള്ളവയുടെ പുനരുദ്ധാരണം തുടങ്ങിയവയെല്ലാം ബജറ്റിൻെറ പ്രധാന ലക്ഷ്യങ്ങളാണ്​. വൺ നേഷൻ വൺ ഗ്രിഡ്​ എന്ന പദ്ധതിയിലൂടെ സംസ്ഥാനങ്ങൾക്കുള്ള ​വൈദ്യുതി ലഭ്യത ഉറപ്പു വരുത്തും​. പുതിയ വിദ്യാഭ്യാസ നയവും ഗവേഷണ വിദ്യാർഥികൾക്കായുള്ള സ്ഥാപനവും വിദ്യാഭ്യാസ മേഖലക്കായുള്ള കരുതലുകളാണ്​.

ബാങ്കുകൾക്ക്​ മൂലധനമായി 70000 കോടി കൂടി നൽകുമെന്ന്​ ബജറ്റ്​ പ്രഖ്യാപിക്കുന്നു. എയർ ഇന്ത്യയടക്കമുള്ള പൊതുമേഖല സ്ഥാപനങ്ങളുടെ ഓഹരി വിൽപന തുടരും. ഇതിലൂടെ ഏ​കദേശം ഒരു ലക്ഷം കോടി രൂപ വ​െര സമാഹരിക്കുകയാണ്​ ലക്ഷ്യം. ബാങ്കിങ്​ ഇതര ധനകാര്യ സ്ഥാപനങ്ങൾക്ക്​ നൽകി വരുന്ന ധനസഹായം തുടരുമെന്നും നിർമലാ സീതാരാമൻ പ്രഖ്യാപിച്ചു.