ലോകത്തിന്​ നേരിടാനുള്ളത്​ ഇതുവരെ കാണാത്ത സാമ്പത്തിക പ്രതിസന്ധി -ഐ.എം.എഫ്​

വാഷിങ്​ടൺ: 1930 ലെ മഹാ സാമ്പത്തിക മാന്ദ്യത്തെക്കാൾ ഏറ്റവും ​വലിയ പ്രതിസന്ധിയാണ്​ ലോകരാജ്യങ്ങൾ നേരിടാൻ പോകുന ്നതെന്ന്​ ഐ.എം.എഫ്​. സാമ്പത്തിക പ്രതിസന്ധിയെ മറികടക്കാൻ കൂട്ടായ പരിശ്രമം ആവശ്യമാണെന്നും ഐ.എം.എഫ്​ മേധാവി ക്രിസ ്​റ്റാലിന ജോർജീവിയ അറിയിച്ചു.

മുൻ കാലങ്ങളിൽ നേരിട്ടതിനെക്കാൾ ഉയർന്ന സാമ്പത്തിക പ്രതിസന്ധിയായിരിക്കും ലോകരാജ്യങ്ങൾ നേരിടേണ്ടിവരിക. ആഗോള സാമ്പത്തിക നില 2020ൽ താഴേക്ക്​ കൂപ്പുകുത്തും.

അന്താരാഷ്​ട്ര നാണ്യ നിധി യിൽ അംഗങ്ങളായ 180 രാജ്യങ്ങളിൽ 170 രാജ്യങ്ങളുടെയും വളർച്ചനിരക്ക്​ താഴേക്കാണ്​. ഈ രാജ്യങ്ങളുടെ പ്രതിശീർഷ വരുമാനവും ഇടിഞ്ഞു. അടുത്ത ആഴ്​ച നടക്കുന്ന ലോകബാങ്കിൻെറയും ഐ.എം.എഫിൻെറയും സമ്മേളനത്തിന്​ മുന്നോടിയായി സംസാരിക്കുകയായിരുന്നു അവർ.

അടുത്തവർഷം ഭാഗികമായ വീണ്ടെടുക്കൽ മാത്രമേ ആഗോള സാമ്പത്തിക രംഗ​ത്ത്​ സാധ്യമാകൂ. ജനുവരിയിൽ കണക്കാക്കിയതുപ്രകാരം 3.3 ശതമാനം വളർച്ച നിരക്കാണ്​ ഐ.എം.എഫ്​ ഈ വർഷം പ്രതീക്ഷിക്കുന്നത്​​. 2021 ൽ 3.4 ശതമാനം മാത്രമായേ ഉയരുവെന്നും ഐ.എം.എഫ്​ വ്യക്തമാക്കുന്നു.

യു.എസിൽ തൊഴിലില്ലായ്​മ നിരക്ക്​ കുതിക്കുന്നത്​ വളരെ ​വേഗത്തിലാണ്​. ഇത്​ കഴിഞ്ഞ 50 വർഷത്തെ ഏറ്റവും താഴ്​ന്ന നിരക്കാണ്​.
കോവിഡ്​ പടർന്നുപിടിച്ചതോടെ യു.എസിൽ ​ഒരു കോടി പേർക്ക്​ തൊഴിൽ നഷ്​ടപ്പെട്ടു. 66 ലക്ഷം പേർ തൊഴിൽ രഹിത വേതനത്തിന്​ അപേക്ഷ സമർപ്പിച്ചതായും കഴിഞ്ഞ ദിവസം യു.എൻ പുറത്തുവിട്ട കണക്കുകൾ സൂചിപ്പിച്ചിരുന്നു.

സാമ്പത്തിക രംഗത്തെ വീണ്ടെടുക്കൽ സാധ്യമാകുക ഇപ്പോൾ എടുക്കുന്ന നിർണായക തീരുമാനങ്ങളെ അപേക്ഷിച്ചായിരിക്കും രാജ്യങ്ങൾ വിപണിയെ തിരിച്ചുപിടിക്കുന്നതിനായി സാമ്പത്തിക നടപടികൾ ആരംഭിച്ചുകഴിഞ്ഞു​. എങ്കിലും വീണ്ടെടുക്കൽ വളരെ പതുക്കെ മാത്രമേ സാധ്യമാകൂ.

വികസിത രാജ്യങ്ങളെയും വികസ്വര രാജ്യങ്ങളെയും പ്രതിസന്ധി ഒരുപോലെ ബാധിച്ചു. ഈ പ്രതിസന്ധിക്ക്​ അതിർത്തികളില്ലെന്നും എല്ലാവരെയും ഒരുപോലെ മുറിവേൽപ്പിക്കുമെന്നും അവർ കൂട്ടിച്ചേർത്തു.