ചൈന സമ്പദ്​വ്യവസ്ഥ ഉദാരമാക്കണമെന്ന്​ ആപ്പിൾ മേധാവി

ബീജിങ്​: ചൈനീസ്​ സർക്കാർ സമ്പദ്​വ്യവസ്ഥ കൂടുതൽ ഉദാരമാക്കണമെന്ന്​ ആപ്പിൾ സി.ഇ.ഒ ടിം കുക്ക്​. ബീജിങി​ലെ ഒരു പരിപാടിയിൽ സംസാരിക്കു​േമ്പാഴാണ്​ അദ്ദേഹം ഇക്കാര്യം വ്യക്​തമാക്കിയത്​.

ചൈന അവരുടെ വാതിലുകൾ കൂടുതൽ തുറന്നിടണമെന്ന്​ സമ്പദ്​വ്യവസ്ഥയിലെ ഉദാരവൽക്കരണത്തെ സൂചിപ്പിച്ചുകൊണ്ട്​ അദ്ദേഹം പറഞ്ഞു. അടഞ്ഞ സമ്പദ്​വ്യവസ്ഥയുള്ള രാജ്യങ്ങളെല്ലാം ഒറ്റപ്പെട്ട തുരത്തുകളാണെന്നും അത് രാജ്യങ്ങൾക്ക്​ ഗുണകരമാവില്ലെന്നും ടിം കുക്ക്​ അഭിപ്രായപ്പെട്ടു.

നേരത്തെ അമേരിക്കൻ പ്രസിഡൻറ്​ ഡോണാൾഡ്​ ട്രംപുമായി ആപ്പിൾ ഉൾപ്പടെയുള്ള പല കമ്പനികൾക്കും അഭിപ്രായഭിന്നതകളുണ്ടായിരുന്നു. അമേരിക്കൻ കമ്പനികൾ തൊഴിലുകൾ ചൈന ഉൾപ്പടെയുള്ള രാജ്യങ്ങൾക്ക്​ ഒൗട്ട്​സോഴ്​സ്​ ചെയ്യുന്നതിൽ ട്രംപിന്​ കടുത്ത എതിർപ്പുണ്ടായിരുന്നു. ഇതി​ന്​ പിന്നാലെ ​ ചൈനയിൽ ആപ്പിൾ രണ്ട്​ ഗവേഷണ കേന്ദ്രങ്ങൾ തുറന്നിരുന്നു​. ചൈനീസ്​ സമ്പദ്​വ്യവസ്ഥയെ കുറിച്ചുള്ള കുക്കി​െൻറ പ്രസ്​താവനയും ലക്ഷ്യം വെക്കുന്നത്​ അമേരിക്കയിൽ പ്രതിസന്ധി നേരിട്ടാൽ തങ്ങൾ ചൈനയിലേക്ക് പോവും എന്നതാണ്​.​