നോട്ട്​പിൻവലിക്കൽ സമ്പദ്​വ്യവസ്ഥയെ അവതാളത്തിലാക്കും–എച്ച്.ഡി.എഫ്​.സി ചെയർമാൻ

മുംബൈ: ​നന്ദ്രേമോദിയുടെ നോട്ട്​ പിൻവലിക്കൽ തീരുമാനത്തെ വിമർശിച്ച്​എച്ച്.ഡി.എഫ്​.സി ചെയർമാൻ ദീപക്​ പരീക്​.  തീരുമാനം ഇന്ത്യയിലെ കോർപ്പറേറ്ററ്​ മേഖലയെ ബാധിക്കുമെന്ന്​  ന്യൂസ്​ 18ന്​ നൽകിയ അഭിമുഖത്തിൽ അദ്ദേഹം പറഞ്ഞു.​

 ഇതിൽ നിന്ന്​ കോർപ്പറേറ്റ്​ മേഖല കരകയറണമെങ്കിൽ സാമ്പത്തിക വർഷത്തി​െൻറ ഒരു പാദമെങ്കിലും ആവശ്യമായി വരും. നിരക്കുകൾ വ്യത്യാസം വരുത്താതെയുള്ള ആർ.ബി.​െഎയുടെ വായ്പനയം എല്ലാവരിലും അത്ഭുതം സൃഷ്ടിച്ചിരിക്കുകയാണ്​. ഭാവിയിൽ നിരക്കുകളിൽ വ്യത്യാസം വരുത്താനുള്ള സാധ്യതയും താൻ കാണുന്നില്ലെന്നും പരീക്​ പറഞ്ഞു.

നോട്ട്​ പിൻവലിക്കൽ തീരുമാനം സമ്പദ്​വ്യവസ്ഥയെ എത്രത്തോളം ബാധിച്ചു എന്നറിയണമെങ്കിൽ മൂന്നാം പാദ ലാഭഫലം പുറത്ത്​ വരണം. കമ്പനികളുടെ ആകെ വരുമാനത്തെയും വിൽപനയെയുമെല്ലാം തീരുമാനം ബാധിച്ചു എന്നാണ്​ കരുതുന്നത്​.

വ്യക്​തിപരമായി പറയുകയാണെങ്കിൽ എല്ലാവരും നവംബർ 8ലെ തീരുമാനത്തിെൻറ ഫലം അനുഭവിക്കുന്നവരാെണന്നും  പരീക്​ ചുണ്ടിക്കാട്ടി.  കോർപ്പറേറ്റ്​ മേഖലയുടെ നിസ്സഹായവസ്​ഥയെ കുറിച്ചും പരീക്​ സൂചനകൾ നൽകി. ഇൗയൊരവസ്​ഥയിൽ കോർപ്പറേറ്റ്​ മേഖലക്ക്​ ഒന്നും ചെയ്യാനില്ല. കാര്യങ്ങൾ സാധാരണ നിലയിലാവും വരെ കാത്തിരിക്കുകയാണ്​ ഏകപോംവഴി.

 ജനുവരിയോടെ സാമ്പത്തിക വ്യവസ്​ഥ സാധാരണ നില കൈവരിക്കുമെന്നാണ്​ പ്രതീക്ഷ. നേരത്തെ 500,1000 രൂപയുടെ നോട്ടുകൾ പിൻവലിച്ച തീരുമാനത്തെ  പരീക് അനുകൂലിച്ചിരുന്നു. നോട്ട്​ പിൻവലിക്കലിനെ ബിഗ്​ ബാങ്​ എന്ന വിശേഷിപ്പിച്ച്​ പരീകി​െൻറ കൃത്യമായ നിലപാട്​ മാറ്റമാണ്​ ഇൗ വിഷയത്തിൽ ഇപ്പോൾ കാണാൻ സാധിക്കുന്നത്​.