രാഷ്​ട്രീയത്തിൽ ഇട​പെടാത്ത വ്യക്​തി; മുകേഷ്​ അംബാനിയെ മറികടന്ന ചൈനീസ്​ വ്യവസായി

ബീജിങ്​: റിലയൻസ്​ ഇൻഡസ്​ട്രീസ്​ ചെയർമാൻ മുകേഷ്​ അംബാനിയെ മറികടന്ന ഏഷ്യയിലെ സമ്പന്നനായി മാറിയ വ്യക്​തി ചൈനയിൽ നിന്നുള്ള ഒരാളാണ്​. മാധ്യമപ്രവർത്തനത്തിൽ കരിയർ ആരംഭിച്ച്​ കൂൺ കൃഷിയിലും ആരോഗ്യരംഗത്തുമെല്ലാം പ്രവർത്തിച്ചാണ്​ ഹോങ്​ ഹാൻഷാൻ എന്ന ചൈനക്കാരൻ ഏഷ്യയിലെ സമ്പന്നരുടെ പട്ടികയിൽ ഒന്നാമതെത്തുന്നത്​. ചൈനീസ്​ ടെക്​ ഭീമൻ ആലിബാബയുടെ സ്ഥാപകൻ ജാക്ക്​ മായേയും അദ്ദേഹം മറികടന്നു.

വ്യവസായ താൽപര്യങ്ങൾക്കായി രാഷ്​ട്രീയത്തിൽ ഇടപെടാൻ പൊതുവെ താൽപര്യം കാണിക്കാത്ത വ്യക്​തിയാണ്​ ഹോങ്​ ഹാൻഷാൻ എന്നാണ്​ റിപ്പോർട്ട്​. ഏകാന്തനായ ചെന്നായയെന്നാണ്​ പ്രാദേശികതലത്തിൽ അദ്ദേഹം അറിയപ്പെടുന്നത്​.

2020ൽ നടത്തിയ ചില നിർണായക നീക്കങ്ങളാണ്​ ഏഷ്യയിലെ സമ്പന്നരുടെ പട്ടികയിൽ അദ്ദേഹത്തെ ഒന്നാമതെത്തിച്ചത്​. വാക്​സിൻ നിർമാതാക്കളായ വാന്‍റായി ബയോളജിക്കൽ ഫാർമസി എന്‍റർപ്രൈസിനെ ഏപ്രിലിൽ അദ്ദേഹം ഏറ്റെടുത്തു. നൊങ്​ഫു സ്​പ്രിങ്​ എന്ന കുപ്പിവെള്ള കമ്പനിയേയും അദ്ദേഹം ഏറ്റെടുത്തു. ഈ രണ്ട്​ ഇടപാടുകളും അദ്ദേഹത്തിന്​ കരുത്തായി.

ഒരു വർഷം കൊണ്ട്​ ഹോങ്ങിന്‍റെ ആസ്​തി 70.9 ബില്യൺ ഡോളറിൽ നിന്ന്​ 77.8 ബില്യൺ ഡോളറായി ഉയർന്നു. ലോകത്തെ സമ്പന്നരുടെ പട്ടികയിൽ 11ാം സ്ഥാനത്താണ്​ ഹോങ്​.